ડીઝલના ભાવમાં ભડકો, અમદાવાદમાં ભાવ Rs.64.95/પ્ર.લિ.

Date:2018-01-10 11:37:56

Published By:Jay

અમદાવાદઃ મે-2015 પછી દેશમાં ડીઝલ તેની સૌથી ઉંચી સપાટીએ પહોંચ્યું છે. રાજધાની દિલ્હી સહિત દેશમાં ડીઝલના ભાવમાં વધારો થતા ડીઝલ રીટેઇલ પ્રાઇસ જૂના બધા રેકોર્ડ તોડી આંતરરાષ્ટ્રીય બજારમાં 68 ડોલર પ્રતિ બેરલ પહોંચ્યું છે. જેના કારણે દેશમાં પણ ડીઝલના ભાવ ભડકે બળી રહ્યા છે ત્યારે કેન્દ્રીય પેટ્રોલિયમ મંત્રી ધર્મેન્દ્ર પ્રધાને કહ્યું કે, ‘ઈંધણમાં રાહત આપવાનો મુદ્દો રાજ્ય સરકારો સાથે સંકળાયેલો છે.

તેમણે કહ્યું કે, ‘પેટ્રોલ-ડીઝલ પર ફક્ત કેન્દ્ર ટેક્સ નથી લેતું રાજ્ય સરકારો પણ લે છે. જ્યારે કેન્દ્રે સ્થિતિ જોતા તેની એક્સાઇઝ ડ્યુટીમાં પેટ્રોલ પર લીટરે રુ.2નો ઘટાડો કર્યો છે. હવે રાજ્ય સરકારોની ફરજ છે કે તેઓ પોતાના વેટમાં ઘટાડો કરી લોકોને રાહત આપે.

આંતરરાષ્ટ્રીય બજારમાં ક્રૂડના ભાવ વધારાથી દેશભરમાં તાત્કાલીક અસરથી ભાવમાં વધારો આવ્યો છે. જો રાજધાની દિલ્હીની વાત કરવામાં આવે તો અહીં ડીઝલનો ભાવ અત્યાર સુધીના તમામ રેકોર્ડ તોડીને સૌથી ઉંચો એટલે કે લીટરે રુ.60.66 થઈ ગયો છે. જ્યારે પેટ્રોલ રુ.70.53 સુધી પહોંચી ગયું છે.

વૈશ્વિક ધોરણે તેલના ભાવમાં અવિરત વધારા પાછળ મુખ્ય કારણ આંતરરાષ્ટ્રીય બેન્ચમાર્ક એવા બ્રેન્ટ ક્રૂડના ભાવમાં 35 સેન્ટ્સનો વધારો છે જે પ્રતિ બેરલ ડોલર 68.29 પહોંચ્યું છે. જ્યારે યુએસ બેન્ચમાર્ક WTI પણ 47 સેન્ટ્સ વધીને 62.20 ડોલરની સપાટીએ પહોંચ્યો છે, જે મે 2015 પછી અત્યાર સુધીનો સૌથી વધુ ભાવ છે.

ડીઝલના ભાવમાં આવેલ વધારાની અસર ગુજરાતના શહેરોમાં પણ જોવા મળી છે. રાજ્યમાં આજ મહિનામાં ગત ડિસેમ્બરની સરખામણીએ ડીઝલના ભાવમાં કુલ 0.96%નો વધારો થયો છે. તો પેટ્રોલમાં 0.61%નો વધારો નોંધયા છે. જોક પાછલા 6 મહિનાથી સતત વધી રહેલા ક્રૂડ ઓઇલના ભાવને ધ્યારને રાખીને કેન્દ્ર સરકારે ગત 3 ઓક્ટોબરના રોજ પોતાની એક્સાઇઝ ડ્યુટીમાં ઘટાડો કર્યો હતો. જે બાદ ગુજરાત, મહારાષ્ટ્ર, હિમાચલ પ્રદેશ, મધ્યપ્રદેશ અને ઉત્તરાખંડે પણ પોતાના રાજ્ય વેટમાં ઘટોડા કર્યો હતો.

અમદાવાદઃ પેટ્રોલ જૂનો ભાવ(₹69.94) નવો ભાવ(₹70.00), ડીઝલ જૂનો ભાવ(₹64.81) નવો ભાવ(₹64.95)

ગાંધીનગરઃ પેટ્રોલ જૂનો ભાવ(₹70.11) નવો ભાવ(₹70.17), ડીઝલ જૂનો ભાવ(₹64.98) નવો ભાવ(₹65.13)

વડોદરાઃ પેટ્રોલ જૂનો ભાવ(₹69.65) નવો ભાવ(₹69.71), ડીઝલ જૂનો ભાવ(₹64.52) નવો ભાવ(₹64.66)

સુરતઃ પેટ્રોલ જૂનો ભાવ(₹69.88) નવો ભાવ(₹69.93), ડીઝલ જૂનો ભાવ(₹64.76) નવો ભાવ(₹64.91)

રાજકોટઃ પેટ્રોલ જૂનો ભાવ(₹69.80) નવો ભાવ(₹69.86), ડીઝલ જૂનો ભાવ(₹64.69) નવો ભાવ(₹64.83)

ભુજઃ પેટ્રોલ જૂનો ભાવ(₹70.12) નવો ભાવ(₹70.17), ડીઝલ જૂનો ભાવ(₹64.98) નવો ભાવ(₹65.13)

મહેસાણાઃ પેટ્રોલ જૂનો ભાવ(₹69.99) નવો ભાવ(₹70.05), ડીઝલ જૂનો ભાવ(₹65.03) નવો ભાવ(₹64.88)

 

 

Cricket Score

WhatsApp Registraltion

Close