મૂવી રિવ્યૂ - ‘પદ્માવત’

Date:2018-01-24 10:41:27

Published By:Jay

સારા મસલા ખ્વાહિશોં કા હૈફિલ્મની શરૂઆતમાં અલાઉદ્દીન ખિલજીનો ડાયલૉગ આખી ફિલ્મનો સાર છે. દુનિયાની દરેક અમૂલ્ય ચીજ પર કબજો કરવાની ઈચ્છા ધરાવનારો અલાઉદ્દીન ખિલજી રાણી પદ્માવતીની એક ઝલક જોવાની મહત્વકાંક્ષા કરીને તડપી ઉઠે છે. આખી ફિલ્મ ખિલજીના પાગલપન, તેના અડીયલપણા, તેની ઈચ્છાઓ, મરજી, સેક્શુઆલિટી અને તેના ઝનૂન પર આધારિત છે.

ચિત્તોડના રાજપૂત રાજા તેને ઘૂંટણીયે પડવા માટે મજબૂર કરી દે છે અને ખિલજી દગો કરીને રાજ્ય હડપવામાં સફળ થઈ જાય છે પરંતુ પોતાની સમજણ, કૂટનીતિ અને પ્રેઝન્સ ઑફ માઈન્ડ દ્વારા રાણી પદ્માવતી માથા ફરેલા ખિલજીની એક ઈચ્છાને પૂરી થવા દેતી નથી, વાત સંજય લીલા ભણસાલીએ પોતાની ફિલ્મ પદ્માવતમાં મોટા પડદા પર દેખાડી છે. આંખોને ચકાચોંધ કરી દેનારી ભણસાલીની પીરિયડ ફિલ્મમાં એકથી એક શાનદાર પરફોર્મન્સિસ છે. સિનેમા હૉલની બહાર આવીને બે વાતો તમારા દિમાગને હચમચાવશે. એક તો ખિલજીના રૂપમાં રણવીર સિંહનો દમદાર અંદાજ અને બીજી કે, આખરે ફિલ્મનો આટલો બધો વિરોધ કેમ થઈ રહ્યો છે, જ્યારે ફિલ્મમાં એવું કંઈ દેખાડાયું નથી.

ફિલ્મની વાર્તા મલિક મોહમ્મદ ઝાયસીની 1540માં લખેલી પદ્માવતપર આધારિત છે, જે રાજપૂત મહારાણી પદ્માવતીના શૌર્ય અને વીરતાની ગાથા કહે છે. પદ્માવતી મેવાડના રાજા રતન સિંહની પત્ની છે અને અત્યંત સુંદર હોવાની સાથે-સાથે બુદ્ધિશાળી, સાહસી અને પારંગત ધનુર્ધર પણ છે. વર્ષ 1303માં ખિલજી પદ્માવતીની ખાસિયતોને કારણે તેના પર હદે પ્રભાવિત થાય છે કે, તે ચિત્તોડના કિલ્લા પર હુમલો કરી દે છે. ફિલ્મના અંતમાં મહારાજ રતન સિંહ અને અલાઉદ્દીન ખિલજી વચ્ચે તલવારબાજીના સીનમાં રતન સિંહ પોતાના સિદ્ધાંતો, આદર્શો અને યુદ્ધના નિયમોનું પાલન કરીને ખિલજીને નિહત્થો કરી દે છે, પરંતુ પદ્માવતીને પામવાની ચાહતમાં ખિલજી રતન સિંહને એવું કહીને મારી નાંખે છે કે, જંગનો એક નિયમ હોય છે, જીત. પોતાની આન-બાન-શાન માટે પદ્માવતી જોહર માટે નીકળીને ખિલજીની મહેચ્છાઓને ધ્વસ્ત કરી નાખે છે. ચિત્તોડના પ્રખ્યાત વીર ગોરા અને બાદલની શહાદને પણ આખી ફિલ્મમાં સન્માન સાથે દર્શાવવામાં આવી છે.

આશરે 200 કરોડના નિર્માણ ખર્ચ સાથે બનેલી પદ્માવતઅત્યાર સુધીની સૌથી મોંઘી ફિલ્મ હોવાનું માનવામાં આવી રહ્યું છે. ફિલ્મના દરેક સીનમાં મ્હોથી લઈને પગ સુધી દીપિકા પાદુકોણે પોતાના હાવભાવ અને ખાસ કરીને આંખો વડે જે અભિનય કર્યો છે તે પ્રશંસનીય છે. ભલે પ્રેમ હોય કે ગુસ્સો, દરેક પ્રકારના ઈમોશન દીપિકાની આંખો દ્વારા તરત અનુભવી શકાય છે. 30-30 કિલોના સુંદર લહેંગા, ભારે ઘરેણાં અને ખાસ કરીને નાકની નથણી દીપિકા પર ખૂબ જામી રહી છે. સજેલી-ધજેલી દીપિકાની ઉપસ્થિતિને સ્ક્રીન પર રીતે રજૂ કરાઈ છે કે, તેની આસપાસ બધું તુચ્છ લાગે છે.

શાહિદ કપૂરે મહારાજ રાવલ રતન સિંહના પાત્ર સાથે ન્યાય કર્યો છે. તે શરૂઆતથી અંત સુધી શાલીન દેખાય છે. પરંતુ એક પાત્ર જે પૂરી ફિલ્મ પર કબજો કરીને રાખે છે તે છે અલાઉદ્દીન ખિલજી એટલે કે, રણવીર સિંહ. રણવીર અસલ જીંદગીમાં એનર્જીથી ભરપૂર છે. શરૂઆતથી અંત સુધી એક પાગલ, વિલાસી, વ્યભિચારી અને કુંઠિત માનસિકતા જેવા લક્ષણો જીવંત કરવામાં રણવીર જીવ રેડી દીધો છે. ખલી વલીગીતમાં તેનો હેપી ડાન્સ, તેની એનર્જી અદભુત છે. તેના ઘણા ડાયલૉગ્સ થિએટરની બહાર નીકળતા તમને યાદ રહી જશે. જેમ કે, ખિલજીની ક્રૂરતા દેખાડતો એક ડાયલૉગ એક સીનમાં તેની પત્ની તેને કહે છે કે, ‘કંઈક તો ડર રાખોઆની સામે તે પલટ જવાબ આપતા પૂછે છે કે, ‘આજ ખાને મેં ક્યા-ક્યા હૈ?’ જ્યારે તેને કહેવામાં આવે છે કે, જમવામાં બહુ બધા પકવાન છે ત્યારે ખિલજી જવાબ આપે છે કે, ‘જબ ખાને મેં ઈતના કુછ હૈ તો ખૌફ ક્યો ખાઉ?’ સાથે તેની અંદર છૂપાયેલા એક નિષ્ફળ પ્રેમીની વિહવળતાને દર્શાવતો એક ડાયલૉગ તે પોતાના ગુલામ મલિક કાફૂરને રડમશ થઈને પૂછે છે, ‘કાફૂર બતા, મેરે હાથ મેં કોઈ પ્યારી લકીર હૈ, નહીં હૈ તો ક્યા તૂ ઐસી લકીર બના શકતા હૈ?’ કાફૂર પોતાના માલિકની આવી સ્થિતિ જોઈને રડી પડે છે.

ગુલામ મલિક કાફૂરના રોલમાં જિમ સરભના રૂપમાં ભણસાલી એક સરપ્રાઈઝ પેકેજ આપ્યું છે. પોતાના શાનદાર હાવભાવ દ્વારા કાફૂર સાબિત કરવામાં સફળ રહે છે કે, તે મનોમન ખિલજીને પ્રેમ કરે છે. જલાલુદ્દીન ખિલજીના રોલમાં રઝા મુરાદે ખૂબ દમદાર રોલ કર્યો છે. બીજી તરફ અદિતિ રાવ હૈદરીએ પણ ખિલજીની પત્નીના રૂપમાં ખૂબ શક્તિશાળી અભિનય કર્યો છે.

ભણસાલીના કેમેરાએ તેમની સુંદરતાને ખૂબ ઉમદા રીતે રજૂ કરી છે. ઘૂમર ગીત તો પહેલેથી સુપરહિટ થઈ ચૂક્યું છે, ઉપરાંત તુર્ક-અફઘાની સંગીતનું પણ સારું મિશ્રણ ફિલ્મમાં છે. ફિલ્મનું એડિટિંગ અને સ્ક્રિપ્ટ એટલા જબરદસ્ત છે કે, બે કલાક 44 મિનિટ ક્યા પસાર થઈ જાય છે તે ખબર પડતી નથી. 3D ફિલ્મના માપદંડ પર પદ્માવતી ખરી ઉતરી છે. શરૂઆતમાં ફેન્ટસી, રોમાન્સ અને રાજસ્થાની પારંપારિક લોક-સંગીતથી તરબતર વાર્તા ક્યારે તમને પોતાના ડ્રામામાં જકડી લે તેની તમને ખબર નહીં પડે. ફિલ્મ ખૂબ સુંદર લાગશે, તમારી આંખોને, તમારા દિમાગને તમારા દિલને તે જીતી લેશે. શક્ય છે કે, ફિલ્મને જોયા બાદ તેનો વિરોધ કરાનારા લોકો પોતાની વિચારશરણી બદલી ફિલ્મ પર ગર્વ અનુભવવા લાગશે.

 

 

Cricket Score

WhatsApp Registraltion

Close