PNB ફ્રોડ: સત્યમ કૌભાંડ જેવો સબક શીખવવાના મૂડમાં છે સરકાર

Date:2018-02-24 10:28:16

Published By:Jay

મુંબઈ: સરકાર 11300 કરોડ રુપિયાના પંજાબ નેશનલ બેન્કના કૌભાંડના આરોપીઓની સંપત્તિ જપ્ત કરવાની દિશામાં આગળ વધી છે. સરકાર નીરવ મોદી, તેમના પત્ની અમી મોદી, ભાઈ નિશાલ મોદી અને મામા મેહુલ ચૌકસી સાથે જોડાયેલી કંપનીઓ પર પણ કબ્જો કરવાની છે. ઉલ્લેખનીય છે કે સત્યમ કૌભાંડ બહાર પડ્યા પછી સરકારે કંપની પર કબ્જો મેળવી લીધો હતો. જો કે નિષ્ણાંતોનું માનવુ છે કે, પંજાબ નેશનલ બેન્ક કેસમાં પ્રકારના પગલાથી સરકારને કોઈ મોટો ફાયદો નહીં થાય.

શુક્રવારના રોજ કંપની બાબતોના મંત્રાલય(MCA) NCLTમાં કંપનીઝ એક્ટના સેક્શન 221 અને 222 અંતર્ગત નીરવ મોદી કેસ સાથે જાડાયેલા 64 લોકો અને સંસ્થાઓની તે સંપત્તિ જપ્ત કરવા માટે અરજી દાખલ કરી છે જેમના નામ પર કૌભાંડ થયા છે. અરજી પર આગામી સુનાવણી 27 ફેબ્રુઆરીના રોજ થશે.

સરકારી એજન્સીઓ આરોપીઓની જૂલરી અને કાર જપ્ત કરી ચુકી છે. મંત્રાલયનો NCLTમાં જવાનો હેતુ આરોપીઓ અને તેમના એજન્ટ્સને પોતાની પ્રોપર્ટીથી અલગ થતા રોકવાનો છે. મંત્રાલયના જોઈન્ટ લીગલ ડિરેક્ટર તરફથી કરવામાં આવેલી અરજી NCLTની બેન્ચ સમક્ષ રજુ કરવામાં આવી છે.

કાયદાના જાણકાર જણાવે છે કે, સરકાર પાસે PNB કૌભાંડના આરોપીઓની સંપત્તિ જપ્ત કરવાનો વિકલ્પ છે, જે રીતે 2009માં સત્યમ કમપ્યુટર સાથે કરવામાં આવ્યું હતું. જો કે સરકારને કંપનીઓ જપ્ત કરવામાં વધારે ફાયદો નહીં થાય કારણકે તેનાથી બિઝનેસ નહીં થાય. સત્યમ કમ્પ્યુર કેસમાં સરકારે જૂના કંપની એક્ટ અંતર્ગત સંપત્તિ જપ્ત કરી હતી. તે સમયે કેન્દ્ર સરકારે દીપક પારેખ જેવી પ્રખ્યાત વ્યક્તિને કંપની ચલાવવા માટે નિયુક્ત કર્યા હતા, કારણકે ત્યારે કંપનીમાં કામકાજ ચાલુ હતું.

જપ્ત કંપનીઓના ભાગલા પાડવાનો બીજો રસ્તો ઈન્સૉલ્વન્સી પ્રોસિડિંગ્સ શરુ કરવી હોઈ શકે છે. તેમાં લોન આપનાર(બેન્કો) પક્ષનો સંપત્તિમાંથી મળેલી રકમ પર પહેલો હક હશે. કોર્પોરેટ લૉ ફર્મ અલાયન્સ લૉના MD આર.એસ.લૂનાએ કહ્યું કે, કોઈ અકાઉન્ટ નૉન-પર્ફોમિંગ એસેટ્સ જાહેર થતાં દેવું આપનાર નોટિસ વિના પણ ઈન્સૉલ્વન્સી પ્રોસિડિંગ્સ શરુ કરી શકે છે.

 

Cricket Score

WhatsApp Registraltion

Close