PNB પછી હવે OBCમાં કૌભાંડ, રૂ.390 કરોડ લઈને જ્વેલર ફરાર

Date:2018-02-24 10:45:51

Published By:Jay

નવી દિલ્હી: પંજાબ નેશનલ બેન્કમાં 11300 કરોડ રુપિયાનું કૌભાંડ બહાર આવ્યા પછી CBI એક અન્ય કેસ દાખલ કર્યો છે. 390 કરોડ રુપિયાના કૌભાંડમાં ઓરિએન્ટલ બેન્ક ઓફ કોમર્સની પાછલા 6 મહિનાથી પેન્ડિંગ ફરિયાદ પર CBI હવે દિલ્હી સ્થિત એક જ્વેલરી આઉટલેટ વિરુદ્ધ કેસ ફાઈલ કર્યો છે.

ગુરુવારના રોજ CBI કરોલ બાગ સ્થિત દ્વારકા દાસ સેઠ ઈન્ટરનેશનલ વિરુદ્ધ કેસ ફાઈલ કર્યો છે. કંપની ડાયમંડ, ગોલ્ડ અને સિલ્વર જૂલરીની મેન્યુફેક્ચરિંગ અને ટ્રેડિંગનું કામ કરે છે. કંપનીએ OBCની ગ્રેટર કૈલાશ-II સ્થિત બ્રાન્ચમાંથી 2007માં ફોરન લેટર ઓફ ક્રેડિટ મેળવ્યા પછી અનેક પ્રકારે લોન મેળવી હતી.

કંપનીનું મેનેજમેન્ટ સભ્ય સેઠ અને રીતા સેઠના હાથમાં છે, જે પંજાબી બાગમાં રહે છે. સિવાય કૃષ્ણ કુમાર સિંહ અને રવિ કુમાર સિહં પણ કંપની સાથે જોડાયેલા છે. CBI પોતાની FIRમાં દરેકના નામ દાખલ કર્યા છે.

બેન્કે પોતાની તપાસ પછી દાવો કર્યો હતો કે સભ્ય સેઠ અને કંપનીના અન્ય ડિરેક્ટર્સ 10 મહિનાથી તેમના ઘરે નથી. બેન્કે શંકા વ્યક્ત કરી છે કે સભ્ય સેઠ પણ નીરવ મોદી અને વિજય માલ્યાની જેમ ભારતમાંથી બહાર જતા રહ્યા છે.

સરકારી ક્ષેત્રની બેન્ક OBC 16 ઓગસ્ટ, 2017ના રોજ CBI સમક્ષ દ્વારકા દાસ સેઠ ઈન્ટરનેશનલ વિરુદ્ધ ફરિયાદ કરી હતી. બેન્કનો દાવો છે કે દ્વારકા દાસ સેઠ ઈન્ટરનેશનલે લેટર ઓફ ક્રિડેટ અંતર્ગત અનેક ક્રેડિટ ફેસિલિટીનો લાભ ઉઠાવ્યો છે.

 

Cricket Score

WhatsApp Registraltion

Close