J&K: સમર્પણની જગ્યાએ મોતને પસંદ કરતા આતંકીને લઈ સુરક્ષાદળો ચિંતિત

Date:2018-05-09 10:53:44

Published By:Jay

નવી દિલ્હીઃ આંતકવાદી સંગઠન હિજબુલ મુજ્જાહિદ્દીનમાં જોડાઇ રહેલા નવા કશ્મીરી યુવાનો લશ્કરે એ તૈયબા અને જૈશ એ મોહમ્મદ જેવા વિદેશી આતંકવાદી સંગઠનોના આતંકવાદીઓ કરતા વધુ ખતરો ઉઠાવી રહ્યા છે. પાછલા થોડા સમયથી એવો ટ્રેન્ડ જોવા મળી રહ્યો છે કે આ સ્થાનિક યુવાનો આત્મઘાતી હુમલા કરે છે અને સુરક્ષા દળો દ્વારા ઘેરાઈ ગયા બાદ સમર્પણ કરવાની જગ્યાએ મોતને પસંદ કરે છે.

એક વરીષ્ઠ સુરક્ષા અધિકારીએ કહ્યું કે, ‘હિજબુલ મુજ્જાહિદ્દીન દ્વારા ભરતી કરવામાં આવતા સ્થાનિક આંતકીઓએ 31 ડિસેમ્બર 2017માં પુલવામાં ખાતે CRPF કેમ્પ પર આત્મઘાતી હુમલો કર્યો હતો. ત્યાં સુધી ફક્ત જૈશ અને લશ્કરના જ માઇન્ડ વોશ કરેલા વિદેશી આતંકવાદીઓ આવા હુમલા કરતા હતા. જ્યારે બીજી ચિંતા જનક બાબત એ છે કે આ આતંકવાદીઓ સુરક્ષા દળો દ્વારા ઘેરાયા બાદ સમર્પણ કરવાની જગ્યાએ મરવું વધુ પસંદ કરે છે. ત્યાં સુધી કે તેઓ પોતાના પરિવારની અપીલને પણ નથી સાંભળતા.

તો આજકાલ આતંકવાદ માટે બંદૂક ઉઠાવતા આતંકીઓની પ્રોફાઇલ પણ બદલાઈ રહી છે. આ લોકો ભણેલા-ગણેલા હોય છે. સારા અને જાણીતા પરીવારમાંથી આવતા હોય છે. જેમાં કેટલાકના પરીવાર તો પોલીસ, સેના કે યુનિવર્સિટીમાં પ્રોફેસર પણ હોય છે. આ દર્શાવે છે કે બેરોજગારી જ આતંકવાદનું કારણ નથી. કાશ્મીરી યુવાનોને એ હદે બ્રેઇન વોશ કરવામાં આવે છે કે તેઓ આતંકવાદ પાછળ પોતાની નોકરી પણ દાવ પર લગાવી દે છે.

સૂત્રો મુજબ ગત વર્ષે 203 અને આ વર્ષે 60 આતંકીઓ માર્યા ગયા બાદ પણ હજુ સ્થાનિક સ્તરે ભરતીઓ ચાલુ જ છે. ગુપ્તચર એજન્સીઓનું માનીએ તો જે ઝડપે તેઓ આતંકવાદીઓનો ખાત્મો કરી રહ્યા છે તેનાથી ડબલ સ્પીડે આ જૂથોમાં ભરતીઓ ચાલી રહી છે. ગત વર્ષે સક્રીય આતંકવાદીઓની સંખ્યા 150-200 હતી જે હાલ 300ની પાર પહોંચી ગઈ છે.

કેટલાક કિસ્સામાં આતંકવાદીઓ અને લશ્કર વચ્ચેની લડાઈમાં સામાન્ય લોકોની મોત અને કઠુઆ રેપ કેસ જેવા કિસ્સા આ યુવાનોમાં સિસ્ટમ પ્રત્યે ગુસ્સો પેદા કરવામાં આતંકના આકાઓને મદદરુપ થાય છે.

 

Cricket Score

WhatsApp Registraltion

Close