પીવી સિંધુ ગુજરાતના સ્યૂસાઇડ પ્રિવેન્શનની બ્રાન્ડ એમ્બેસેડર

Date:2019-08-29 10:41:06

Published By:Jay

અમદાવાદ: વર્લ્ડ ચેમ્પિયનશિપમાં ગોલ્ડ મેડલ હાંસલ કરનાર ભારતની પ્રથમ બેડમિન્ટન સુપર સ્ટાર અને યુથ આઈકોન પુસરલા વેન્કટ સિંધુ હવે ગુજરાતમાં શરૂ થનાર એક પ્રોગ્રામના બ્રાન્ડ એમ્બેસેડર બનશે. 10 સપ્ટેમ્બર વર્લ્ડ સ્યૂસાઇડ પ્રિવેન્શન દિવસ તરીકે ઉજવવામાં આવે છે ત્યારે GVK 108 અને ગુજરાત સરકારના સંયુક્ત ઉપક્રમે સ્યૂસાઇડ પ્રિવેન્શન પ્રોગ્રામનો પ્રારંભ થવા જઈ રહ્યોં છે. પ્રોગ્રામના બ્રાન્ડ એમ્બેસેડર બનવા પીવી સિંધુ સમક્ષ પ્રસ્તાવ મૂકવામાં આવ્યો હતો જેનો સિંધુએ સ્વીકાર કર્યો છે. આગામી 10 સપ્ટેમ્બરના રોજ કઠવાડા સ્થિત GVK 108ના મુખ્યમથક ખાતે સ્યૂસાઇડ પ્રિવેન્શન પ્રોગ્રામ શરૂ કરવા ભવ્ય કાર્યક્રમ યોજાવાનો છે જેમાં પીવી સિંધુ અને મુખ્યમંત્રી વિજય રૂપાણીની ઉપસ્થિતિ રહેશે.

સરકારના આંકડા મુજબ દેશમાં એક લાખ વ્યક્તિએ 10 લોકો સ્યૂસાઇડ કરે છે જ્યારે ગુજરાતમાં આ આકંડો 11.6 છે. આમ ગુજરાતમાં સ્યૂસાઇડનું પ્રમાણ ઘણું વધ્યું છે. 15થી 29 વયમર્યાદામાં મૃત્યુ માટેનું બીજુ કારણ સ્યૂસાઇડ છે. એક અંદાજ મુજબ ભારતમાં દર એક કલાકે એક વિદ્યાર્થી સ્યૂસાઇડ કરે છે એવી સ્થિતિમાં ગુજરાતમાં સ્યૂસાઇડનું પ્રમાણ ઘટાડવા GVK 108 અને રાજ્ય સરકાર દ્વારા સંયુક્ત પ્રયાસ હાથ ધરવામાં આવી રહ્યોં છે.

સ્યૂસાઇડ પ્રિવેન્શન માટે 104 નંબરની ટોલફ્રી હેલ્પલાઈન શરૂ કરવામાં આવશે. રાજ્ય સ્તરે યોજાનાર આ પ્રોગ્રામ માટે વોલનટીયર્સને પ્રોફેશનલ ટ્રેનિંગ આપવામાં આવશે. એજ્યુકેશન, ડિપ્રેશન, આર્થિક સંકળામણ, ખેતીમાં નુકશાન, લગ્નજીવનમાં અસંતોષ વગેરે જેવા જુદાજુદા કારણે લોકો સ્યૂસાઇડ કરતા હોય છે. આવા વિષયોને સમજાવી શકે એવા કાઉન્સિલરોને ટ્રેનિંગ આપવામાં આવશે.

 

Cricket Score

WhatsApp Registraltion

Close