નિખિલે કહ્યું કે આ સંસ્કૃતિને જાળવી રાખવા માટે અને પરંપરા મુજબ જ્યારે સિલેક્શન થયું ત્યારે તેણે તરત જ ઘુડલા (ઘડો) ઉપાડવાની હા પાડી હતી.
જોધપુર: એક યુવક... જે વ્યવસાયે
બિઝનેસમેન હતો અને માત્ર 5 કલાકમાં તે યુવતી બની ગયો. તેણે દુલ્હનની જેમ શણગાર સજ્યો હતો અને 3 કિલોના સોનાના દાગીના
પહેર્યા હતા, જેની કિંમત 2 કરોડ આસપાસ છે. તમને સાંભળીને નવાઈ લાગશે પરંતુ શુક્રવારની રાત્રે રાજસ્થાનના
જોધપુરની સાંકડી ગલીઓમાં આવું જ એક દૃશ્ય જોવા મળ્યું હતું.
પ્રસંગ હતો..ગણગોર પર્વ
પર યોજાતો ફાગડ ઘુડલાનો મેળો. ખરેખરમાં જોધપુર શહેરમાં 55 વર્ષથી ફાગડ ઘુડલા
મેળાનું આયોજન કરવામાં આવે છે. શોભાયાત્રામાં 50થી વધુ પ્રકારની
ઝાંખીઓનો સમાવેશ થાય છે અને એક યુવક જે યુવતી બનીને પોતાના માથા પર લોટિયા (ઘડો) લઈને
ચાલે છે. આ તહેવારને મહિલાઓની મુક્તિ તરીકે ઊજવવામાં આવે છે. જેની પાછળ મુગલોના એક
સૂબેદાર ઘુડલે ખાન સાથે જોડાયેલી એક કહાની છે.
પરંતુ, યુવકને યુવતી બનાવવાની
પરંપરા પાછળ ઘણા દિવસોની મહેનત હોય છે. અને, આ વખતે MBA પાસ 29 વર્ષના બિઝનેસમેન નિખિલ
ગાંધીની પસંદગી કરવામાં આવી હતી. નિખિલ ગાંધીને દુલ્હન જેવો બનાવવામાં આવ્યો હતો. તેને લગભગ 5 કલાકનો સમય લાગ્યો અને
તે પછી તે લગભગ 10 વાગે મેળામાં પહોંચ્યો હતો.
ખરેખરમાં, ફગડા ઘુડલા મેળામાં દર
વર્ષે એક યુવકને યુવતીની જેવો શૃંગાર કરાવવા માટે પસંદગી કરવામાં આવે છે. અને, આ વખતે નિખિલની પસંદગી
કરાઈ છે. નિખિલનો પૈતૃક પર્ફ્યુમનો બિઝનેસ છે. નિખિલે કહ્યું કે આ સંસ્કૃતિને જાળવી
રાખવા માટે અને પરંપરા મુજબ જ્યારે સિલેક્શન થયું ત્યારે તેણે તરત જ ઘુડલા (ઘડો)
ઉપાડવાની હા પાડી હતી.
આ રીતે પસંદ કરવામાં
આવે છે
ફગડા ઘુડલાના મેળામાં
મહિલા તરીકે ઊભેલા યુવકે પોતાને શણગારીને ઊંચા ઘુડલા સાથે ચાલવું પડે છે. આ માટે
શહેરની અંદરની વસાહતોમાંથી યુવકો પાસેથી ફોટા માંગવામાં આવે છે. આ પછી, શ્રેષ્ઠ ફોટાના આધારે, ફગડા ઘુડલા સમિતિ
યુવકને મહિલા બનવા માટે પસંદ કરે છે.
આ વખતે પણ 100થી વધુ ફોટા આવ્યા હતા. તેમાંથી એકને ઇન્ટરવ્યૂ માટે બોલાવવામાં આવે છે અને પસંદગી કરવામાં આવે છે. એટલું જ નહીં આ પસંદગી પછી, તેમને ઊંચા ઘુડલા લઈને ચાલવાની પ્રેક્ટિસ પણ કરાવવામાં આવે છે.
3 કિલો
સોનાના દાગીના પહેરાવાયા હતા
આ મેળામાં યુવતી બનનાર પુરુષને 3 કિલો વજનના સોનાનાં ઘરેણાં
પહેરાવવામાં આવે છે. નિખિલ પણ આટલાં બધાં આભૂષણોથી સજ્જ હતો. દાગીના પહેરીને સજ્જ
નિખિલ સમગ્ર મેળામાં આકર્ષણનું કેન્દ્ર રહ્યો હતો. તે પરંપરાનો ભાગ બનીને ખૂબ જ
ખુશ છે.
સૌ પ્રથમ, વર્ષ 1969માં લેખરાજે મહિલાનો પોશાક પહેર્યો હતો. આમાં નેન્સાએ ઘુડલા ઉપાડ્યા હતા.
મેળાની શરૂઆતના સાથી રામ ભજન ગાંધી, હરિશંકર ગાંધી, હંસરાજ ગાંધી, રામસ્વરૂપ ગાંધી છે. હાલમાં તેના પ્રમુખ ભગવતીલાલ શર્મા છે.
વરસાદના કારણે મોડી રાત્રે શોભાયાત્રા શરૂ થઈ હતી
આ વખતે 55માં ફગડા ઘુડલા મેળાનું આયોજન કરવામાં આવ્યું હતું. આ શોભાયાત્રા શુક્રવારે
સાંજે લગભગ 7 વાગે શરૂ થવાની હતી, પરંતુ વરસાદને કારણે ઓલિમ્પિક
રોડ પરથી રાત્રે 10:30 વાગ્યે શરૂ કરવામાં આવી હતી. જે જાલોરી ગેટ,
ખાંડા ફાલસા,
આડા બજાર, કટલા બજાર થઇ નવા રોડ ખાતે મોડી રાત્રે પૂરી થઈ હતી.