ગઈકાલે જ એવા મીડિયા રિપોર્ટ સામે આવ્યા હતા કે, સલમાન ખાનની પણ સુરક્ષા વધારીને તેને વાય કેટેગરીની સુરક્ષા આપવામાં આવી છે
નવી દિલ્હી: બોલીવૂડ સુપર સ્ટાર
સલમાનખાન બાદ હવે મહાનાયક બીગ બીની સુરક્ષા પણ મુંબઈ પોલીસે વધારી દીધી છે.સૂત્રોના
કહેવા પ્રમાણે હવે અમિતાભ બચ્ચનને એક્સ કેટેગરીની સુરક્ષા આપવામાં આવી છે. આ પહેલા
મુંબઈ પોલીસ દ્વારા અમિતાભ બચન્ને સાધારણ પોલીસ સુરક્ષા આપવામાં આવી હતી. જોકે
મોટા બોલીવૂડ સ્ટાર્સને હંમેશા જોખમ રહેતુ હોવાથી હવે અમિતાભની સુરક્ષા પણ વધારી
દેવામાં આવી છે.
ગઈકાલે જ એવા મીડિયા રિપોર્ટ
સામે આવ્યા હતા કે,
સલમાન
ખાનની પણ સુરક્ષા વધારીને તેને વાય કેટેગરીની સુરક્ષા આપવામાં આવી છે. આ પહેલા
સલમાનને ગન માટે પણ લાઈસન્સ આપવામાં આવ્યુ હતુ.કોઈ પણ વ્યક્તિને સિક્યુરિટી આપતા
પહેલા જે તે રાજ્યના ઈન્ટેલિજન્સ બ્યૂરો દ્વારા રિપોર્ટ બનાવવામાં આવે છે. આઈબી
દ્વારા આ વ્યક્તિને કેટલો ખતરો છે તેનુ મુલ્યાંકન કરાતુ હોય છે. જેના આધારે
સિક્યુરિટી નક્કી કરાય છે. બોલીવૂડમાં
અક્ષય કુમારને પણ મહારાષ્ટ્ર સરકારે એક્સ કેટેગરીની સુરક્ષા વ્યવસ્થા પૂરી પાડી
છે.