એશિયન ગેમ્સમાં આજે એર રાઈફલ ટીમ બાદ ભારતનો બીજો ગોલ્ડ
Written By newsonline | Ahmedabad | Published: 2023-09-25 17:59:10
Asian Games 2023 : આજે ભારતીયે મહિલા ક્રિકેટ ટીમની ફાઈનલમાં શ્રીલંકા સામે ટક્કર થઈ હતી જેમાં ભારતનો 19 રને વિજય થયો છે અને આ વિજય સાથે ભારતની મહિલા ટીમે ગોલ્ડ મેડલ જીતી લીધો છે. એશિયન ગેમ્સમાં આજે ભારતનો આ બીજો ગોલ્ડ મેડલ છે આ પહેલા એર રાઈફલ ટીમે 10 મીટરની ઈવેન્ટમાં ગોલ્ડ મેડલ જીત્યો હતો.
ફાઈનલમાં ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો
આ પહેલા ભારતીય મહિલા ટીમે પ્રથમ સેમિફાઇનલમાં બાંગ્લાદેશને આઠ વિકેટથી હરાવ્યું હતું, જ્યારે શ્રીલંકાએ બીજી સેમિફાઇનલમાં ડિફેન્ડિંગ ચેમ્પિયન પાકિસ્તાનને છ વિકેટે હરાવીને ફાઇનલમાં પ્રવેશ મેળવ્યો હતો. આજે ફાઈનલ મેચમાં ભારતીય કેપ્ટન હરમનપ્રીત કૌરે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતે 20 ઓવરમાં 116 રન બનાવ્યા હતા અને શ્રીલંકાને 117 રનનો ટાર્ગેટ આપ્યો હતો. શ્રીલંકાની ટીમ આઠ વિકેટે 97 રન જ બનાવી શકી હતી. આ સાથે જ ભારત આ મેચ 19 રને જીતી લીધી હતી.
Related News
