લક્ષ્મી અગ્રવાલની સ્ટોરી પર આ ફિલ્મ આધારિત છે
મુંબઈ : દીપિકા પાદુકોણ અને વિક્રાંત મેસી સ્ટારર ફિલ્મ ‘છપાક’ 10 જાન્યુઆરીના રોજ રિલીઝ થવાની છે. ફિલ્મને મેઘના ગુલઝારે ડિરેક્ટ કરી છે. મેકર્સે મુંબઈમાં 8 જાન્યુઆરીના રોજ એક સ્પેશિયલ પ્રીમિયરનું આયોજન કર્યું છે. આ પ્રીમિયરમાં બોલિવૂડ સેલેબ્સની સાથે એસિડ અટેક સર્વાઇવર્સ પણ સામેલ થશે જે ફિલ્મની સ્ટારકાસ્ટનો હિસ્સો છે.
લક્ષ્મી અગ્રવાલની સ્ટોરી પર આ ફિલ્મ આધારિત છે. તેની સાથે અન્ય એસિડ અટેક સર્વાઇવર્સ જીતુ શર્મા, રીતુ સૈની, બાલા પ્રજાપતિ અને કુંતી સોની પણ તે ઇવેન્ટમાં હાજર રહેશે. આ ચારેયે ફિલ્મમાં પણ કામ કર્યું છે. તેઓ અન્ય બોલિવૂડ સેલેબ્સ સાથે પ્રીમિયરમાં હાજરી આપશે.
ફિલ્મના પ્રમોશન માટે હાલ ફિલ્મની સ્ટારકાસ્ટ વિવિધ જગ્યાએ ફરી રહી છે. ગઈકાલે 5 જાન્યુઆરીના રોજ દીપિકાએ તેનો જન્મદિવસ એસિડ અટેક સર્વાઇવર્સ સાથે લખનઉમાં શીરોઝ કેફેમાં સેલિબ્રેટ કર્યો હતો.