દુનિયાભરની 3,800 એન્ટ્રીમાંથી પસંદગી થઈ
Written By newsonline | Ahmedabad | Published: 2020-11-21 15:27:46
7મા ઇન્ટરનેશનલ લેન્ડસ્કેપ
ફોટોગ્રાફર ઑફ ધ યર 2020 કોન્ટેસ્ટનું
પરિણામ જાહેર થઇ ગયું છે. દુનિયાભરમાંથી આવેલી 3,800 એન્ટ્રીમાંથી વર્ષનો બેસ્ટ ઓવરઓલ
ફોટોગ્રાફ અને બેસ્ટ લેન્ડસ્કેપ ફોટોગ્રાફ પસંદ કરાયા હતા. આ વખતે હોંગકોંગના 24 વર્ષના કેલ્વિન યુએન બેસ્ટ
લેન્ડસ્કેપ ફોટોગ્રાફર બન્યા. તેમની 4 તસવીર કોન્ટેસ્ટમાં સામેલ કરાઇ, જ્યારે ઓવરઓલ ફોટોગ્રાફ ઑફ ધ યરનો
ખિતાબ જર્મન ફોટોગ્રાફર કાઇ હોરનુંગે જીત્યો.
આઇસલેન્ડની આ તસવીરને કાઇએ ‘લાઇફ સ્ટ્રીમ્સ’ નામ આપ્યું હતું. બીજી તરફ, રશિયાના કમચટકા પેનિનસુલાસ્થિત
વિલયુચિક સ્ટ્રાટો જ્વાળામુખીની તસવીર ત્રીજા સ્થાને રહી, જે ઇટાલીના ફોટોગ્રાફર ઇસાબેલા
તબાચીએ લીધી છે. ક્રેગ મેક્ગોવનની તસવીર ટોપ 101 તસવીરમાં સામેલ થઇ છે. સિંગલ ઇમેજ
કેટેગરીમાં ભારતના દીપાંજન પાલ બીજા અને અમેરિકાના ચાન્સ ઓલરેડ ત્રીજા સ્થાને
રહ્યા. નાઇટ સ્કાય અવૉર્ડ કેટેગરીમાં ભારતના હિમાદ્રી ભુયાન વિનર બન્યા.
Related News
