રશિયામાં શાંઘાઈ કોર્પોરેશન ઓર્ગેનાઈઝેશનના સભ્યો દેશોના NSAની બેઠક યોજાઈ
Written By newsonline | Ahmedabad | Published: 2020-09-16 10:08:02
શાંઘાઈ
કોર્પોરેશન ઓર્ગેનાઈઝેશનના (SCO)ના સભ્ય દેશોના નેશનલ
સિક્યોરિટી એડવાઈઝરોની બેઠક યોજાય હતી. બેઠકમાં પાકિસ્તાને ભારત વિરોધી હરકત કરી
હતી. પાકિસ્તાનના NSAએ આ બેઠકમાં પાકિસ્તાને તાજેતરમાં બહાર પાડેલા વિવાદાસ્પદ
નકશાને રજૂ કર્યો હતો.
ભારતના NSA અજીત ડોભાલે આ હરકતનો વિરોધ કરી બેઠકનો બોયકોટ કરી દીધો
હતો. વિદેશ મંત્રાલયે કહ્યું હતું કે મોસ્કોમાં રશિયાની આગેવાનીમાં યોજાઈ રહેલી
બેઠકમાં પાકિસ્તાને જે કર્યું તે બેઠકના નિયમોનું ઉલ્લંઘન છે. ભારતે આયોજક સાથે આ
અંગે ચર્ચા-વિચારણા કર્યા પછી બેઠક છોડી દીધી હતી.
5 ઓગસ્ટના રોજ પાકિસ્તાને નવો નકશો બહાર પાડ્યો હતો
પાકિસ્તાને ઓગસ્ટમાં
જમ્મુ-કાશ્મીર, લદ્દાખ સાથે જુનાગઢ અને સર ક્રીકને પોતાનો હિસ્સો ગણાવ્યો
હતો. આ નકશાનો ઉપયોગ સમગ્ર દેશના પાઠ્ય પુસ્તકમાં કરાશે.
ઈમરાન કેબિનેટે નવા નકશાને મંજૂરી આપી હતી
પ્રધાનમંત્રી ઈમરાન ખાનની
કેબિનેટે આ વિવાદાસ્પદ નકશાને મંજૂરી આપી હતી. ઈમરાન ખાને કહ્યું હતું કે નવા
નકશાને તમામ રાજકીય પક્ષો અને પાકિસ્તાનના લોકોનું સમર્થન છે.
Related News
