મુંબઈના ટ્રાવેલ બ્લોગર મિથિલેશે બેલારુસની લીઝા સાથે લવ મેરેજ કર્યા છે. હાલમાં જ લીઝાએ એક બાળકને જન્મ આપ્યો છે. મિથિલેશે એક વીડિયોમાં બાળક વિશે કેટલીક માહિતી શેર કરી છે. તેણે જણાવ્યું કે કેવી રીતે બાળકના જન્મ પછી તેને લગભગ 1.5 લાખ રૂપિયા મળ્યા.

નવી દિલ્લી: મિથિલેશ મુંબઈ સ્થિત ટ્રાવેલ બ્લોગર છે. તેણે બેલારુસની લીઝા સાથે લવ મેરેજ કર્યા છે. લગ્ન પછી દંપતી બેલારુસમાં રહે છે. હાલમાં જ લીઝાએ એક બાળકને જન્મ આપ્યો છે. બાળક વિશે મિથિલેશે તેની યુ-ટ્યુબ ચેનલ પર એક વીડિયો અપલોડ કર્યો છે અને જણાવ્યું છે કે તેને 1.5 લાખ રૂપિયા મળ્યા છે.

મિથિલેશે જણાવ્યું કે બાળકના જન્મ પછી તેને બેલારુસ સરકાર તરફથી મોટી રકમ મળી હતી. સરકાર વતી બાળકના ઉછેર માટે માતા-પિતાને પૈસા આપવામાં આવે છે. મિથિલેશ જ્યારે પિતા બન્યો ત્યારે તેને શરૂઆતમાં વન ટાઇમ અમાઉન્ટ તરીકે 1 લાખ 28 હજાર રૂપિયા મળ્યા હતા.

આ પછી તેને ત્રણ વર્ષ સુધી દર મહિને 18,000 રૂપિયા મળશે. આ પૈસા સીધા તેમના ખાતામાં ટ્રાન્સફર કરવામાં આવશે. જો કે આ રકમ જો તમે બેલારુસમાં રહેશો તો જ આ રકમ મળશે.

મિથિલેશનું કહેવું છે કે તેની પત્ની લીઝાની નોર્મલ ડિલિવરી થઈ હતી. જ્યારે તેમના બાળકનો જન્મ થયો ત્યારે તેનું વજન લગભગ 4 કિલો હતું. હવે તે 2 મહિનાનો છે. વીડિયોમાં મિથિલેશના પિતા પણ જોવા મળ્યા હતા, જેઓ ભારતથી બેલારુસ પહોંચ્યા છે.

કેવી રીતે શરૂ થઈ લવ સ્ટોરી?

મિથિલેશની પોતાની યુટ્યુબ ચેનલ (મિથિલેશ બેકપેકર) છે. આ ચેનલ પર તેના 9 લાખથી વધારે સબસ્ક્રાઈબર્સ છે. અહીં તે પોતાની દિનચર્યા સાથે જોડાયેલી વસ્તુઓ શેર કરતો રહે છે. એક વીડિયોમાં તેણે પોતાની લવ સ્ટોરી શેર કરી છે.

મિથિલેશે જણાવ્યું કે માર્ચ 2021માં તે પહેલીવાર રશિયા ગયો હતો. ત્યાં પ્રિયાંશુ નામના વ્યક્તિએ તેને બેલારુસ આવવાની સલાહ આપી. આ પછી મિથિલેશ બેલારુસ પહોંચી ગયો. અહીં તે લીઝાને પહેલીવાર મિત્રની બર્થડે પાર્ટીમાં મળ્યો હતો.

તેમની વચ્ચે શરૂઆતની વાતચીત ટ્રાન્સલેટર દ્વારા થતી હતી. કારણ કે લીઝા રશિયન જાણતી હતી અને મિથિલેશ અંગ્રેજી જાણતો હતો. ઘણી મીટિંગ પછી, તેણે લીઝાને પ્રપોઝ કર્યું. લીઝાએ પણ મિથિલેશનો પ્રસ્તાવ સ્વીકારી લીધો. ત્યારબાદ 25 માર્ચે બંનેએ લગ્ન કરી લીધા હતા. લગ્નમાં બંનેના પરિવારજનો હાજર રહ્યા હતા.