પાંચ બોલના અંતરાલ પર કેવી રીતે સુંદરનું સપનું અધૂરું રહી ગયું અને તે જોતો જ રહી ગયો

ભારતીય ઓફ સ્પિનર વોશિંગ્ટન સુંદર (Washington Sundar) પોતાની ટેસ્ટ કેરિયરની પહેલી સદી ચૂકી ગયો. નોટ આઉટ (Not Out) 96 રન. બીજા છેડે અક્ષર પટેલ (Axar Patel) હતો, 43 રન બનાવીને. જોડી સેટ થઇ ચૂકી હતી અને એવું લાગી રહ્યું હતું કે બંને બેટસમેન પર્સનલ માઇલ સ્ટોન પ્રાપ્ત કરી લેશે પરંતુ ક્રિકેટ આવી જ અનિશ્ચિતતાઓથી ભરેલી રમત છે. પાંચ બોલના અંતરાલ પર કેવી રીતે સુંદરનું સપનું અધૂરું રહી ગયું અને તે જોતો જ રહી ગયો.

ઇંગ્લિશ કેપ્ટન જો રૂટ (Joe Root)ની ઇનિંગ્સની 114મી ઓવરના છેલ્લાં બોલ પર સુંદર મિડ-ઓન પર શૉટ રમ્યો. પટેલ નૉન-સ્ટ્રાઇકર છેડા પરથી દોડી પડ્યો. જો કે ત્યાં રન બની રહ્યો નહોતો. પટેલ એ વિચારી રહ્યો હતો કે આગળની ઓવર સુંદરને રમવા મળે અને તે પોતાની સદી પૂરી કરી લે. સુંદરે રનની ના પાડી. પટેલ જ્યાં સુધી પાછો ગયો જૉની બેયરસ્ટોના થ્રો પર રૂટે ગિલ્લી ઉડાડી દીધી હતી.

સ્ટોક્સે 4 બોલ પર 2 વિકેટ લીધી

ત્યારબાદ આગળના બોલનો સામનો કરવા ઇશાંત શર્મા ઉતર્યો. શર્મા વિકેટ પર ટકવાનું જાણે છે અને આશા હતી કે તે ઝડપથી છેડો બદલી નાંખશે. પરંતુ એવું થઇ શકયું નહીં. બેન સ્ટોક્સના પહેલાં જ બોલ પર તે LBW થઇ ગયો. સુંદરના ચહેરા પર ચિંતા દેખાવા લાગી હતી.

96 રન બનાવી નોટ આઉટ પાછો ફર્યો સુંદર
ત્યારબાદ ક્રીઝ પર મોહમ્મદ સિરાજ ઉતર્યો. રવિચંદ્રન અશ્વિને જ્યારે સેન્ચુરી પૂરી કરી હતી ત્યારે સિરાજ જ બીજા છેડે હતો. આશા હતી કે કદાચ તે આ વખતે ટકી જશે. બે બોલ રમ્યા બાદ ઓવરના ચોથા પર તે બોલ્ડ થઇ ગયો. સીધો બોલ સિરાજ ચૂકી ગયો અને પરિણામ ભારત 365 રન પર ઓલઆઉટ અને વોશિંગ્ટન સુંદર 96 પર નોટઆઉટ રહ્યો. ભારતે પોતાની છેલ્લી ત્રણ વિકેટ એ સ્કોર અને પાંચ બોલના અંતરાલ પર ગુમાવી દીધા.

આમ પહેલાં પણ તૂટ્યું હતું સપનું

સુંદરે ઑસ્ટ્રેલિયાની સામે સિડની ટેસ્માં પોતાનું ડેબ્યુ કર્યું હતું. ત્યારબાદ સીરીઝ છેલ્લી મેચમાં બ્રિસબેનમાં તેને પહેલી ઇનિંગ્સમાં 62 રન બનાવી જીત અપાવી હતી કે આ યુવા બેટસમેનમાં ઘણું દમ છે. ત્યારબાદ બીજી ઇનિંગ્સમાં પણ ઝડપી 22 રન બનાવ્યા હતા. સુંદરે ત્યારબાદ ઇંગ્લેન્ડની સામે ચેન્નાઇમાં નોટ આઉટ 85 રન બનાવ્યા હતા.

પંતની સાથે મહત્વની ભાગીદારી
ભારતીય ટીમ 146 રન પર છ વિકેટ ગુમાવી ચૂકયું હતું. ત્યારબાદ સદી ફટકારનાર ઋષભ પંત અને સુંદરે 113 રનની ભાગીદારી કરી. સુંદર અને પટેલની વચ્ચે 107 રનની ભાગીદારી થઇ. સુંદર (96*) સદી ચૂકી ગયો અને નોટ આઉટ પાછો ફર્યો. તેણે 174 બોલની પોતાની નોટઆઉટ ઇનિંગ્સમાં 10 ચોગ્ગા અને 1 સિક્સર ફટકારી હતી.

ભારત મજબૂત
ભારતે ઇંગ્લેન્ડને અમદાવાદના નરેન્દ્ર મોદી ક્રિકેટ સ્ટેડિયમમાં સંપૂર્ણપણે બેકફૂટ પર ધકેલી દીધું. ભારતે ઇંગ્લેન્ડની તેની પહેલી ઇનિંગ્સમાં માત્ર 205 રન પર સમેટાઇ ગયું હતું.