પાકિસ્તાને ગત શુક્રવારે તબીબી જગતમાં એક ઉપલબ્ધિ હાંસલ કરી છે
ઈસ્લામાબાદઃ પાકિસ્તાને ગત શુક્રવારે તબીબી
જગતમાં એક ઉપલબ્ધિ હાંસલ કરી છે. તે ટાઈફોઇડની નવી રસી (vaccine) શોધનાર વિશ્વનો
પ્રથમ દેશ બન્યો છે. પાકિસ્તાને આ રસીને ટાઈફોઇડ કોન્ઝુગેટ વેક્સિન (TCV) નામ આપ્યું છે.
આરોગ્ય વિભાગના અધિકારીઓના જણાવ્યા પ્રમાણે સિંધ પ્રાંતમાં આ બિમારી જીવલેણ સાબિત
થઈ છે. આ વિસ્તારમાં આ રસી ખૂબ જ અસરકારક સાબિત થઈ છે.
અધિકારીઓએ
જણાવ્યું હતું કે નવેમ્બર,2016માં દેશમાં ટાઈફોઇડને લીધે આશરે 11 હજાર લોકોના
મોત થયા હતા. તેની સિંધ પ્રાંતમાં સૌથી વધારે અસર થઈ હતી. આ બિમારી સલમોનેલા ટાઈફી
બેક્ટેરિયા (STB)ને લીધે થાય છે. નિષ્ણાતોએ તેને સુપરબગ નામ
આપ્યું છે. તેનાથી પીડિત લોકોમાં મૃત્યુ પ્રમાણ વધારે રહ્યું હતું. આ સમસ્યાના
ઉકેલ માટે સરકારે પ્રયાસ શરૂ કર્યા હતા.
વર્ષ 2017માં ટાઈફોઇડના 63 ટકા કેસ
તેમાંથી 70 ટકા મૃત્યુના કિસ્સામાં 15 વર્ષ કરતાં
નાની ઉંમરના બાળકોનો સમાવેશ થતો હતો. આ રસીને વિશ્વ આરોગ્ય સંસ્થા (WHO) એ માન્યતા આપી
હતી. વર્તમાન સમયમાં સિંધના શહેરી વિસ્તારોમાં પ્રતિરક્ષણ કેમ્પેઇન અંતર્ગત આ
રસીનો ઉપયોગ કરવામાં આવી રહ્યો છે. આ અગાઉ કરાચીમાં થયેલા કાર્યક્રમમાં આ ટીકાનું
પ્રદર્શન કરવામાં આવ્યું હતું.
ટાઈફોઇડની બિમારી દૂષિત પાણી, પાણી વડે સાફ
કર્યા વગરના શાકભાજીનો ઉપયોગ કરવાથી તથા સ્વચ્છતા પ્રત્યે કાળજી નહીં રાખવાને લીધે
થાય છે. ગીચ વસ્તી ધરાવતા વિસ્તારોમાં આ બિમારી ઝડપથી ફેલાય છે.