ત્રણેય ફોર્મેટમાં ક્રિકેટર છે અને આગામી આઠ મહિનામાં તેમની સેવાઓની જરૂર પડશે તેવી અપેક્ષા

પાકિસ્તાન ક્રિકેટ બોર્ડ (PCB)એ ગ્લોબલ T20 કેનેડા લીગમાં ભાગ લેવા માટે બાબર આઝમ, મોહમ્મદ રિઝવાન અને શાહીન શાહ આફ્રિદીને નો ઓબ્જેક્શન સર્ટિફિકેટ (NOC) આપ્યું નથી. ગ્લોબલ T20 કેનેડા લીગ 25 જુલાઈથી 11 ઓગસ્ટ સુધી રમાશે. લીગનું શિડ્યૂલ પાકિસ્તાનની કોઈપણ શ્રેણી કે મેચ સાથે ટકરાતું નથી.

આમ છતાં ખેલાડીઓને NOC નહીં મળે. અગાઉ નસીમ શાહને પણ ધ હન્ડ્રેડમાં ભાગ લેવા માટે NOC આપ્યું ન હતું. બોર્ડે ઓગસ્ટ 2024 થી માર્ચ 2025 વચ્ચે પાકિસ્તાનના વ્યસ્ત ક્રિકેટ કેલેન્ડરને ધ્યાનમાં રાખીને આ નિર્ણય લીધો છે.

PCBએ સોશિયલ મીડિયા પર માહિતી આપી
PCBએ એક મીડિયા રિલીઝ બહાર પાડીને કહ્યું કે બોર્ડને ગ્લોબલ T20 ઈવેન્ટ માટે બાબર આઝમ, મોહમ્મદ રિઝવાન અને શાહીન આફ્રિદી સહિત અન્ય ખેલાડીઓ પાસેથી એનઓસીની વિનંતીઓ મળી હતી. બોર્ડે ઓગસ્ટ 2024 અને માર્ચ 2025 વચ્ચે પાકિસ્તાનના વ્યસ્ત ક્રિકેટ કેલેન્ડરને ધ્યાનમાં રાખીને અને ત્રણેય ખેલાડીઓ તેમજ રાષ્ટ્રીય પસંદગી સમિતિ સાથે ચર્ચા કર્યા બાદ તેમની વિનંતીને નકારી કાઢવાનો નિર્ણય લીધો છે.

ત્રણેય ફોર્મેટમાં ક્રિકેટર છે અને આગામી આઠ મહિનામાં તેમની સેવાઓની જરૂર પડશે તેવી અપેક્ષા છે, જે દરમિયાન પાકિસ્તાન નવ ટેસ્ટ, 14 ODI અને નવ T20 મેચ રમશે. પાકિસ્તાન ઓગસ્ટ 2024 થી માર્ચ 2025 અને આગામી વર્ષે ICC ચેમ્પિયન્સ ટ્રોફી 2025 વચ્ચે નવ ICC વર્લ્ડ ટેસ્ટ ચેમ્પિયનશિપ મેચમાં ભાગ લેવાનું છે.