મુકેશ ખન્નાએ એક વખત કહ્યું હતું કે દૂરદર્શનના લોકોએ તેમની પાસેથી મોટા પૈસા લેવાનું શરૂ કરી દીધું હતું

સુપરહીરો ટીવી સિરિયલ શક્તિમાનને કોણ ભૂલી શકે. મુકેશ ખન્નાએ ભજવેલા આ પાત્રને લોકો આજે પણ યાદ કરે છે. ગયા વર્ષે એવા અહેવાલ આવ્યા હતા કે શક્તિમાન પર ફિલ્મ બનવા જઈ રહી છે. સોની પિક્ચર્સે પણ ટીઝર રિલીઝ કરીને તેની જાહેરાત કરી હતી. હવે મુકેશ ખન્નાએ તેના ડેવલપમેન્ટ વિશે વાત કરી છે.

તેમણે કહ્યું કે આ ફિલ્મ બહુ મોટા લેવલ પર બનાવવામાં આવશે. આ ફિલ્મની કિંમત 200 થી 300 કરોડની આસપાસ હશે. કોરોના રોગચાળાને કારણે તેનું કામ બંધ થઈ ગયું હતું. મુકેશે કહ્યું કે ફિલ્મ ચોક્કસપણે બનશે

ગયા વર્ષે એવા અહેવાલ હતા કે રણવીર સિંહ આ ફિલ્મમાં શક્તિમાનનું પાત્ર ભજવશે. જો કે, આ સમાચારમાં કેટલી સત્યતા છે, તે હાલમાં પુષ્ટિ થઈ નથી.

સ્ટારકાસ્ટ વિશે જાહેર કરી શકતો નથી- મુકેશ
પોતાની યુટ્યુબ ચેનલ પર ફિલ્મ વિશે વાત કરતા મુકેશ ખન્નાએ કહ્યું, 'કોન્ટ્રાક્ટ સાઈન થઈ ગયો છે. આ ફિલ્મનું નિર્માણ સોની પિક્ચર્સ દ્વારા કરવામાં આવી રહ્યું છે, જેણે સ્પાઈડરમેન જેવી ફિલ્મો બનાવી છે.

હું અત્યારે ફિલ્મની સ્ટારકાસ્ટ જાહેર કરી શકું તેમ નથી. હા, હું ચોક્કસ કહીશ કે આ બહુ મોટી ફિલ્મ બનવા જઈ રહી છે, તેથી તેમાં સમય લાગશે. ફિલ્મને લઈને અનેક સવાલો છે. લોકો જાણવા માગે છે કે હું ફિલ્મમાં જોવા મળીશ કે નહીં'.

'મુકેશ હવે શક્તિમાનના ગેટઅપમાં નહીં જોવા મળે'
મુકેશ ખન્નાએ આગળ કહ્યું, 'અત્યારે હું કહી શકું છું કે હું હવે શક્તિમાનના ગેટઅપમાં જોવા નહીં મળું. હું નથી ઈચ્છતો કે કોઈ સરખામણી કરવામાં આવે. હું ચોક્કસપણે એક યા બીજી રીતે ફિલ્મ સાથે જોડાયેલો રહીશ. બસ એટલું સમજી લો કે આ એક આંતરરાષ્ટ્રીય ફિલ્મ બનવા જઈ રહી છે.

ફિલ્મની સ્ટારકાસ્ટ કેવી હશે અને તેનું દિગ્દર્શન કોણ કરી રહ્યું છે, આ તમામ માહિતી તમને જલ્દી જ મળી જશે.

1997 માં ટેલિકાસ્ટ થયો હતો શો, 104 એપિસોડ પછી અચાનક બંધ થઈ ગયો
મહાભારત અને રામાયણ પછી શક્તિમાનને દૂરદર્શન પર સૌથી વધુ પસંદ કરવામાં આવ્યું હતું. આ સિરિયલને બાળકોમાં સૌથી વધુ લોકપ્રિયતા મળી હતી. આ શોનું પ્રસારણ 26 વર્ષ પહેલા 1997માં શરૂ થયું હતું. તે 2005 માં અચાનક બંધ થઈ ગયું હતું. શો બંધ થવા પાછળ મુકેશ ખન્ના અને દૂરદર્શન વચ્ચે પૈસાને લઈને વિવાદ થયો હતો.

મુકેશ ખન્નાએ એક વખત કહ્યું હતું કે દૂરદર્શનના લોકોએ તેમની પાસેથી મોટા પૈસા લેવાનું શરૂ કરી દીધું હતું. હકીકતમાં, દૂરદર્શન પર પ્રથમ સિરિયલ ચલાવવા માટે, નિર્માતાઓએને પોતે ચૂકવણી કરવી પડતી હતી.

દૂરદર્શન નક્કી કરતું હતું કે તેણે કેટલા પૈસા લેવાના છે. 104 એપિસોડ પૂરા થવા પર દૂરદર્શને ચાર્જ વધારીને 10 લાખ 80 હજાર કર્યો. શરૂઆતમાં આ રકમ 2 લાખ 80 હજાર હતી. મુકેશ માટે આ ખોટનો સોદો સાબિત થયો, તેથી તેણે અચાનક શો બંધ કરવાનો નિર્ણય કર્યો.