મદુશંકા લોકડાઉન હોવા છતાં કારથી બીજા રાજ્યમાં જઈ રહ્યો હતો
શ્રીલંકાના ઝડપી બોલર શેહાન મદુશંકાને ડ્રગ્સ રાખવાના આરોપમાં કસ્ટડીમાં લેવામાં આવ્યો છે. શેહાન રવિવારે પન્નાલા શહેર પહોંચ્યો હતો. પોલીસે ત્યાં તેની તપાસ કરી હતી, આ દરમિયાન બે ગ્રામ હેરોઇન મળી આવી હતી. સોમવારે તેની અટકાયત કરવામાં આવી હતી. તેની સાથે અન્ય એક વ્યક્તિ પણ હતી.
સોમવારે પોલીસે કોર્ટમાં રજૂ કર્યો હતો. મેજિસ્ટ્રેટે તેને બે અઠવાડિયા માટે
કસ્ટડીમાં મોકલ્યો છે.
ચેકપોસ્ટ પર રોકવામાં આવ્યો હતો
શ્રીલંકામાં કોરોનાવાયરસને કારણે લોકડાઉન ચાલુ છે. એક શહેરથી બીજા શહેરમાં જવા
પર પ્રતિબંધ છે. આ છતાં, શેહાન પોતાની કારમાં અન્ય એક વ્યક્તિ સાથે પન્નાલા જઇ રહ્યો હતો. ક્રિકેટરને
ચેક પોસ્ટ પર રોકવામાં આવ્યો હતો. તપાસ દરમિયાન આ ઝડપી બોલર પાસેથી બે ગ્રામ
હેરોઇન મળી આવી હતી. આ ઘટના રવિવારે બની હતી. જોકે મીડિયા અહેવાલોમાં કહેવામાં
આવ્યું છે કે સોમવારે શેહાનની અટકાયત કરવામાં આવી હતી. ત્યારબાદ તેને કોર્ટમાં રજૂ
કરાયો હતો.
2018માં ડેબ્યૂ
કર્યું હતું
25 વર્ષના મદુશંકાએ જાન્યુઆરી 2018માં બાંગ્લાદેશ
સામે વનડે ડેબ્યૂ કર્યું હતું. તેણે પ્રથમ મેચમાં હેટ્રિક લીધી હતી. આ વર્ષે તેણે
બે ટી -20 મેચ પણ રમી હતી. આ પછી, તે સતત ઈજાઓથી પીડાતો રહ્યો અને આંતરરાષ્ટ્રીય ક્રિકેટ રમી શક્યો ન હતો. 20 માર્ચથી
શ્રીલંકામાં કર્ફ્યુ છે. મંગળવારથી સરકાર છૂટ આપશે. લોકડાઉન તોડવા બદલ 65 હજાર લોકોની
ધરપકડ કરવામાં આવી છે.