CM હાઉસમાં બિભવ સાથે સીન રીક્રિએટ કરવામાં આવ્યો હતો

નવી દિલ્લી: હવે સ્પેશિયલ ઇન્વેસ્ટિગેશન ટીમ (SIT) CM હાઉસમાં આમ આદમી પાર્ટીના રાજ્યસભા સાંસદ સ્વાતિ માલીવાલ સાથે મારપીટ કેસની તપાસ કરશે. પોલીસના જણાવ્યા અનુસાર, SITનું નેતૃત્વ નોર્થ દિલ્હીના DCP અંજિતા ચેપ્યાલા કરી રહ્યા છે. ટીમમાં ઈન્સ્પેક્ટર રેન્કના 3 અધિકારીઓ પણ સામેલ છે. જેમાં સિવિલ લાઇન્સ પોલીસ સ્ટેશનના અધિકારીનો પણ સમાવેશ થાય છે, જ્યાં કેસ નોંધવામાં આવ્યો હતો. તેની તપાસ કર્યા પછી, SIT તેનો રિપોર્ટ સીનિયર્સને સોંપશે. 13 મેના રોજ બનેલી ઘટના વિશે જાણવા માટે દિલ્હી પોલીસ 20 મેના રોજ બિભવ કુમારને CM હાઉસ લઈ ગઈ હતી. પોલીસ ઘટનાસ્થળે દોઢ કલાક રોકાઈ હતી. પોલીસ લગભગ 5.45 વાગ્યે બિભવને સીએમ હાઉસમાં પહોંચી અને 7.26 વાગ્યે બહાર આવી. બિભવ કુમાર હાલ 23 મે સુધી દિલ્હી પોલીસ રિમાન્ડ પર છે. 18 મેના રોજ દિલ્હી પોલીસે બિભવની 7 દિવસની કસ્ટડી માંગી હતી, પરંતુ તેને માત્ર 5 દિવસના રિમાન્ડ આપ્યા હતા. બિભવ પર 13 મેના રોજ સીએમ આવાસ પર સ્વાતિ સાથે ગેરવર્તન અને મારપીટ કરવાનો આરોપ છે.

સ્વાતિ-બિભવ સાથે સીન રિક્રિએશન બાદ પોલીસ એનાલિસિસ કરશે
આરોપી બિભવ અને પીડિત સ્વાતિ બંને સાથે સીન રિક્રિએશન કરવામાં આવ્યું છે. દિલ્હી પોલીસ ઘટના અંગે આ બંને પાસેથી મળેલા ઈનપુટનું એનાલિસિસ કરી રહી છે. પોલીસે તેમના તમામ પ્રશ્નોના જવાબો નોંધી લીધા છે. તેમનું મેપિંગ પણ કરવામાં આવ્યું છે અને જ્યાં સ્વાતિ પર હુમલો થયો હતો તે ક્રાઈમ સ્પોટની ફોટોગ્રાફી પણ કરવામાં આવી છે. દિલ્હી પોલીસ બિભવ કુમારના ઘરે પણ ગઈ હતી.

દિલ્હી પોલીસે CM હાઉસમાંથી CCTV ફૂટેજ કલેક્ટ કર્યા
સ્વાતિ માલીવાલ મારપીટ કેસમાં 19 મેના રોજ દિલ્હી પોલીસ સીએમ અરવિંદ કેજરીવાલના ઘરે પહોંચી હતી. જ્યાં સીસીટીવી ફૂટેજ અને ડીવીઆર કલેક્ટ કરવામાં આવ્યું હતું. સમાચાર એજન્સી એએનઆઈએ સૂત્રોને ટાંકીને કહ્યું કે પોલીસને સીસીટીવી સાથે ચેડા થયાની શંકા છે. પોલીસને ગુનાના ક્રમના યોગ્ય ફૂટેજ મળ્યા નથી. એક્સપર્ટ તેની તપાસ કરશે.