ભારત ટોકિયો ઓલિમ્પિક માટે 100થી વધુ ખેલાડીઓની જાપાન મોકલી રહ્યું છે. ત્યારે, આ ભારતીય ખેલાડીઓ એવા કેટલાક ખેલાડીઓ છે. જે અગાઉ પણ ભારત માટે ઓલિમ્પિકમાં પ્રતિનિધિત્વ કરી ચુક્યા છે. જ્યારે, કેટલાક એવા પણ છે પ્રથમ વખત ઓલિમ્પિકમાં ભારતનું પ્રતિનિધિત્વ કરવા જઈ રહ્યા છે.

અમદાવાદઃ ભારત ટોકિયો ઓલ્મિપિક માટે 100થી વધુ ખેલાડીઓની જાપાન મોકલી રહ્યું છે. ત્યારે, આ ભારતીય ખેલાડીઓ એવા કેટલાક ખેલાડીઓ છે. જે અગાઉ પણ ભારત માટે ઓલ્મિપિકમાં પ્રતિનિધિત્વ કરી ચુક્યા છે. જ્યારે, કેટલાક એવા પણ છે પ્રથમ વખત ઓલિમ્પિકમાં ભારતનું પ્રતિનિધિત્વ કરવા જઈ રહ્યા છે. તો કેવા એટલા પણ એવા ખેલાડી છે જે 20 વર્ષથી અને તેનાથી નાની ઉંમરમાં જ ભારતનું આંતરરાષ્ટ્રીય કક્ષાએ વિશ્વના સૌથી મોટા ઈવેન્ટમાં દેશનું પ્રતિનિધિત્વ કરવા જઈ રહ્યા છે. ભલે આ ખેલાડીઓ ઉંમરમાં નાના છે. પરંતું, તેમની પાછળ ભારતના અનેક અનુભવી ખેલાડીઓનું પીઠબળ છે. જે આ નાની ઉંમરના ખેલાડીઓને દેશ માટે મેડલની ખોજમાં સફળતા અપાવી શકે છે. 

ભારતના અનેક યુવા ખેલાડીઓ જે ઓલિમ્પિકમાં ભારતનું પ્રતિનિધિત્વ કરવા જઈ રહ્યા છે. તેમાના કેટલાક ખેલાડીઓ પોતાની રમતમાં હાલ તો વર્લ્ડ નંબર 1 છે. અથવા તો વર્લ્ડ નંબર 1 રહી ચુક્યા છે. બેડમિન્ટનથી લઈને શૂટિંગ સુધી અમે તમને આજે એવા 10 ખેલાડીઓ વિશે જણાવા જઈ રહ્યા છે. જે 20 વર્ષ અથવા તેનાથી પણ ઓછી ઉંમરના છે.

સલીમા ટેટે (SALIMA TETE):
સલીમા ટેટે ભારતીય હોકી ટીમની મહત્વની પ્લેયર છે. 19 વર્ષીય સલીમા ટેટે પાસે આંતરરાષ્ટ્રીય સ્તરે હોકી રમવાનો અને ટીમને લીડ કરવાનો બંને અનુભવ છે. સલીમા અન્ડર 18 વર્ષ 2018ના એશિયન કપમાં ભારતીય ટીમની વાઈસ કેપ્ટન રહી ચુકી છે. જે ટીમે બ્રોન્ઝ મેડલ મેળવ્યો હતો. જ્યારે, 2019માં જે યૂથ ઓલિમ્પિક યોજાયો હતો તેમાં સલીમા ટેટેની કેપ્ટનશીપમાં જૂનિયર મહિલા હોકી ટીમે સિલ્વર મેડલ મેળવ્યો હતો.

સતવિકસૈરાજ રણકિરેડ્ડી (SATWIKSAIRAJ RANKIREDDY):
સતવિકસૈરાજ આંધ્ર પ્રદેશનો છે અને તે પુલેલા ગોપીચંદ એકેડમીનો વધુ એક ખેલાડી છે જે ઓલિમ્પિકમાં ભારતનું પ્રતિનિધિત્વ કરવા જઈ રહ્યો છે. 18 વર્ષની ઉંમરે મેલર્બન કોમનવેલ્થ ગેમ્સમાં સતવિકસૈરાજે એક ગોલ્ડ મેડલ અને એક સિલ્વર મેડલ ભારતને અપાવ્યો હતો. સતવિકસૈરાજ રણકિરેડ્ડી ટોકિયો ઓલિમ્પિકમાં ચિરાગ શેટ્ટી સાથે ટીમ અપ કરીને મેદાને ઉતરશે.

સૌરભ ચૌધરી (SAURABH CHAUDHARY):
સૌરભ ચૌધરી 10 મીટર એર પિસ્તલની રમતમાં જે ઈવેન્ટમા એન્ટ્રી લે છે. તે ઈવેન્ટમાં સૌરભ મેડલ લઈને જ આવે છે. સૌરભ હજુ માત્ર 19 વર્ષનો જ છે. પણ તેની પાસે મેડલની ખૂબ જ લાંબી લિસ્ટ છે. અને ટોકિયો ઓલિમ્પિકમાં પણ તે મેડલ પર નિશાનો લગાવશે તે મોટે ભાગે નક્કી જ છે.

મનુ ભાકર (MANU BHAKER):
મનુ ભાકર એક ભારતીય ઓલિમ્પિયન છે જે એરગન શૂટિંગ રમે છે. તેણે 2018 ISSF વર્લ્ડ કપમાં ભારતનું પ્રતિનિધિત્વ કર્યું હતું અને બે ગોલ્ડ મેડલ જીત્યા હતા. ISSF વર્લ્ડ કપમાં ગોલ્ડ મેડલ જીતનાર તે સૌથી યુવા ભારતીય છે. ત્યારે, હવે નાની ઉંમરે તેને મળેલા આંતરરાષ્ટ્રીય સ્તરે અનુભવથી તે ટોકિયોમાં ભારતને 10 મીટર પિસ્તલ ગેમમાં ગોલ્ડ અપાવે તો નવાઈ નથી. જ્યારે, મનુ ભાકર 10 મીટર પિસ્તલ ગેમમાં સૌરભ ચૌધરી સાથે ટીમ બનાવીને મિક્સડ ડબ્લસમાં ઉતરશે.

દિવ્યાંશ પંવાર (DIVYANSH PANWAR):
18 વર્ષના દિવ્યાંશ જ્યારે ટોકિયો ઓલિમ્પિકમાં 10 મીટર રાઈફલ ઈવેન્ટમાં ઉતરશે. તે વર્લ્ડ નંબર 1 તરીકે ઉતરશે.

શ્રીહરિ નટરાજ (SRIHARI NATRAJ):
20 વર્ષીય શ્રીહરિ નટરાજ ભલે અત્યારસુધી કોઈ આંતરરાષ્ટ્રીય મેડલ નથી જીત્યો છે. પણ તે દરેક રેસમાં ઈમ્પ્રુવમેન્ટ કરી રહ્યો છે. નટરાજની આ પ્રથમ ઓલિમ્પિકની સ્વિમિંગ ઈવેન્ટ છે. અને તેમાં સારું પ્રદર્શન તે ઈચ્છી રહ્યો છે.

અંશુ મલિક (ANSHU MALIK):
19 વર્ષીય અંશુ મલિક એક ફ્રિ સ્ટાઈલ રેસલર છે અને તેના પિતા અને કાકા પણ રેસલર રહી ચુક્યા છે. અંશુ 12 વર્ષની હતી ત્યારથી જ તે રેસલિંગ કરી રહી હતી. ત્યારે, આખકે 7 વર્ષની અથાગ મહેનત બાદ અંશુ ઓલિમ્પિકમાં ભારતનું પ્રતિનિધિત્વ કરવા જઈ રહી છે.

સોનમ મલિક (SONAM MALIK):
19 વર્ષીય સોનમ મલિક એક ક્વોલિફિકેશમાં એક સરપ્રાઈઝ પ્લેયર છે. સોનીપતની આ મહિલા રેસલરે ઓલિમ્પિક મેડલિસ્ટ સાક્ષી મલિકને બે વખત 2020માં ધોબીપછાડ આપી હતી. સોનમ ભારત માટે પ્રથમ વખતે ઓલિમ્પિકમાં રેસલિંગમાં પ્રતિનિધિત્વ કરવા જઈ રહી છે.

એશ્વર્ય તોમર (AISHWARYA TOMAR):
એશ્વર્ય તોમર પોતાના પિતા સાથે એકવાર શિકાર પર ગયો હતો. ત્યારથી જ તેને શૂટિંગમાં રસ વધ્યો હતો. આ 20 વર્ષીય શૂટર ISSF વર્લ્ડ કપમાં મેડલ જીતી ચુક્યો છે. અને એશિયન ગેમ્સમાં પણ તે બ્રોન્ઝ મેડલ જીતી ચુક્યો છે. જ્યારે, એશ્વર્યને એકલવ્ય એવોર્ડ પણ મળી ચુક્યો છે. એશ્વર્ય 10 મીટર અને 50 મીટર એર રાઈફલ ઈવેન્ટમાં ભારતનું પ્રતિનિધિત્વ કરશે.

શર્મિલા દેવી (SHARMILA DEVI):
2019માં જ્યારે શર્મિલા દેવી પ્રથમવાર સિનિયર મહિલા હોકી ટીમમાં રમી હતી ત્યારે તે 18 વર્ષની હતી. 20 વર્ષીય શર્મિલા દેવી પાસે બ્રિટેનની સિરીઝ અને ઓલિમ્પિક ક્વોલિફાઈંગ સિરીઝનો અનુભવ છે. તેની ઝડપ અને કુશલતા જોવા લાયક છે. ત્યારે, ભારતીય ટીમમાં ટોકિયો ઓલિમ્પિકમાં શર્મિલા દેવી ફોરવર્ડ તરીકે રમશે.