રહેણાંક વિસ્તાર અને ઉમેદવારી કરી તે વિસ્તાર અલગ અલગ

ગુજરાત વિધાનસભાની પહેલાં તબક્કાની ચૂંટણી આડે હવે 2 દિવસ છે, જ્યારે અમદાવાદ સહિત ઉત્તર ગુજરાત અને મધ્ય ગુજરાતમાં બીજા તબક્કાનું 5 નવેમ્બરે મતદાન યોજાશે. ત્યારે અમદાવાદની શહેર અને જિલ્લાની કુલ 21 બેઠકો પર કોંગ્રેસ, ભાજપ અને આપના 63 ઉમેદવારો વચ્ચે ખરાખરીનો જંગ છે. પરંતુ આ ચૂંટણી જંગમાં આ પૈકીના 23 ઉમેદવારોએ એક વોટ ગુમાવી દીધો છે. તેઓ પોતે જ પોતાને વોટ આપી નહીં શકે, કારણ તેમનો રહેણાંક વિસ્તાર છે. તેઓ જે જગ્યાએ ચૂંટણી લડી રહ્યા છે. ત્યાં તેમને મત આપવાનો અધિકાર નથી એટલે કે તેમનો મતદાન વિસ્તાર અલગ છે. જેમાં આપના સૌથી વધુ 11 ઉમેદવારો એવા છે જે પોતાને જ મત નહીં આપી શકે. જ્યારે કોંગ્રેસના 8 અને ભાજપના 4 ઉમેદવાર પોતાને મત નહીં આપી શકે.

રહેણાંક વિસ્તાર અને ઉમેદવારી કરી તે વિસ્તાર અલગ અલગ
બીજા તબક્કાના મતદાનમાં 23 ઉમેદવારો એવા છે કે જેનું મત વિસ્તારમાં જ રહેણાંક ન હોવાથી ઉમેદવારોને પોતાનો મત મળશે નહીં. આ તમામ ઉમેદવારો પોતાનો મત પોતાને આપી નહીં શકે અને અન્ય ઉમેદવારને આપવો પડશે. જેમાં પૂર્વ વિસ્તારમાં છ બેઠક પર મુખ્ય રાજકીય પાર્ટીઓના જ ઉમેદવાર પોતાને મત આપી શકશે નહીં. દરીયાપુર, દાણીલીમડા, વટવા, નિકોલ, ઠક્કરબાપાનગર અને અસારવાના ઉમેદવારો પોતાના રહેણાંકની વિધાનસભાના ઉમેદવારોને મત આપશે. 63 ઉમેદવારો પૈકી 23 ઉમેદવારો અન્ય વિધાનસભામાંથી ચૂંટણી લડી રહ્યા છે. જ્યારે 40 ઉમેદવારો સ્થાનિક છે અને પોતાનું નામ જે વિધાનસભા વિસ્તારની યાદીમાં છે ત્યાંથી જ ચૂંટણીમાં ઝંપલાવ્યું છે.

AAPના 11, કોંગ્રેસના 8 અને ભાજપના 4 ઉમેદવારો અન્યને મત આપશે
ગુજરાત વિધાનસભાની ચૂંટણીમાં અમદાવાદ શહેર અને જિલ્લાની 21 વિધાનસભા બેઠકોમાં 249 જેટલા ઉમેદવારો મેદાને છે, ત્યારે 23 જેટલા ઉમેદવારો જે છે એ પોતાના રહેણાંક સિવાય અન્ય જગ્યાએથી ચૂંટણી લડી રહ્યા છે. જેથી તેઓને પોતાનો મત આપી શકશે નહીં, પરંતુ બીજા ઉમેદવારને મત આપવાનો રહેશે. જેમાં સૌથી વધારે આમ આદમી પાર્ટીના 11 જેટલા ઉમેદવારો, જ્યારે કોંગ્રેસના 8 અને ભાજપના માત્ર 4 જ ઉમેદવારોએ અન્ય જગ્યાએ મત આપશે. નોંધનીય બાબત એ છે કે પૂર્વ વિસ્તારની છ બેઠકો ઉપર ભાજપ, કોંગ્રેસ અને આમ આદમી પાર્ટીના જ ઉમેદવારો અન્ય ઉમેદવારને મત આપશે. જેમાં નિકોલના ભાજપના ધારાસભ્ય જગદીશ વિશ્વકર્મા ઠક્કરબાપાનગરમાં, અસારવાના ભાજપના ઉમેદવાર દર્શના વાઘેલા દરિયાપુરમાં, મુખ્યમંત્રી સામે કોંગ્રેસના ઉમેદવાર ડો. અમીબેન યાજ્ઞિક એલિસબ્રિજમાં, દરિયાપુરના ગ્યાસુદ્દીન શેખ જમાલપુર અને વટવાના કોંગ્રેસના ઉમેદવાર બળવંત ગઢવી સાણંદમાં મતદાન કરશે. 6 બેઠક પરના બબ્બે ઉમેદવારોને અન્યને વોટ આપવા પડશે
પૂર્વ વિસ્તારની છ બેઠક પરના ઉમેદવાર અન્ય જગ્યાએ મત આપશે. જેમાં અસારવા વિધાનસભા બેઠક પરના ભાજપના ઉમેદવાર દર્શનાબેન વાઘેલા અને આમ આદમી પાર્ટીના જે.જે મેવાડા, વટવા વિધાનસભા બેઠકના કોંગ્રેસના ઉમેદવાર બળવંત ગઢવી અને આમ આદમી પાર્ટીના ઉમેદવાર બીપીન પટેલ, નિકોલ વિધાનસભા બેઠકના ભાજપના ઉમેદવાર જગદીશ વિશ્વકર્મા અને આમ આદમી પાર્ટીના ઉમેદવાર અશોક ગજેરા, દરિયાપુર વિધાનસભા બેઠકના કોંગ્રેસના ઉમેદવાર ગ્યાસુદ્દીન શેખ અને આમ આદમી પાર્ટીના ઉમેદવાર તાજ કુરેશી, દાણીલીમડા વિધાનસભાના કોંગ્રેસના ઉમેદવાર શૈલેષ પરમાર અને આમ આદમી પાર્ટીના ઉમેદવાર દિનેશ કાપડિયા ઠક્કરબાપા નગરના કોંગ્રેસના ઉમેદવાર વિજય બ્રહ્મભટ્ટ અને આમ આદમી પાર્ટીના ઉમેદવાર સંજય મોરી અન્ય જગ્યાએ મતદાન કરશે.