ગત વર્ષ કરતા વાપીમાં 34 ઇંચ ઓછો વરસાદ
વાપી: વલસાડ જિલ્લામાં જુનના
બીજા સપ્તાહથી ચોમાસુ બેસી ગયા બાદ વરસાદ ક્યારેક ઝાંપટા મારી જતો હતો. જેને લઇને
ખેડૂતોમાં પોતાના પાકની ચિંતા વધી હતી. સીઝનના 40 દિવસ બાદ મંગળવારે
સવારથી જ મેઘરાજા સમગ્ર જિલ્લામાં મનમૂકીને વરસ્યા હતા. જિલ્લામાં સવારે 6થી બપોરના 12 વાગ્યા સુધીમાં વલસાડ
તાલુકામાં 134
એમએમ, વાપીમાં 44 એમએમ, પારડીમાં 101 એમએમ વરસાદ પડ્યો હતો.
જ્યારે ધરમપુર અને કપરાડા તાલુકામાં છૂટો છવાયો રહ્યો હતો.
ગત વર્ષે સમગ્ર જિલ્લામાં
સરેરાશ 1217
મિમી
એટલે કે 49
ઇંચ
વરસાદ નોંધાયો
વલસાડ
જિલ્લામાં સીઝનના કુલ સરેરાશ વરસાદ સામે 27મી જુલાઈ સુધીમાં 47 ટકા ઓછો વરસાદ નોંધાયા
બાદ મંગળવારે વરસેલા વરસાદ સાથે જિલ્લામાં તાલુકા મુજબ સિઝનનો કુલ વરસાદ જોઈએ તો
વલસાડ તાલુકામાં 781
મિમિ
વરસાદ નોંધાયો છે. વાપીમાં 523 મિમિ, પારડીમાં 468 મિમિ, ધરમપુરમાં 520 મિમિ, કપરાડામાં 689 મિમિ અને ઉમરગામ
તાલુકામાં 736
મિમિ
વરસાદ નોંધાયો છે. ગત વર્ષે સમગ્ર જિલ્લામાં સરેરાશ 1217 મિમી એટલે કે 49 ઇંચ વરસાદ નોંધાયો હતો
જેની સામે આ વર્ષે હજુ 50
ટકા
પણ વરસાદ થયો નથી. વાપી તાલુકાની વાત કરીએ તો ગત વર્ષે 28મી જુલાઇએ 1400મીમી (55.12 ઇંચ) વરસાદ નોંધાયો હતો.
જિલ્લાના એકમાત્ર દમણગંગા નદીના મધુબન ડેમમાં કેચમેન્ટ એરિયામાં સારો વરસાદ પડતાં
ડેમની સપાટી 72.35
મીટરે
પહોંચી છે. ડેમમાં હાલ 3006
ક્યુસેક
પાણીની આવક થઈ રહી છે. જેની સામે એક દરવાજો 1 મીટર સુધી ખોલવામાં આવ્યો છે. જેના થકી 3818 ક્યુસેક પાણીને દમણગંગા
નદીમાં છોડવામાં આવી રહ્યું છે.