Dynamic Island On Smartphone: Apple નો Dynamic Island નોચ ખુબ પોપ્યુલર થઈ રહ્યો છે. આવું અત્યાર સુધી એન્ડ્રોયડ ફોનમાં આવ્યું નથી. પરંતુ નિરાશ થવાની જરૂર નથી. ગૂગલ પ્લે સ્ટોર પર એક એપ આવી ચુકી છે, જે તમારા ફોનને iPhone 14 Pro Max જેવી સ્ક્રીન બનાવી દેશે.

Dynamic Island On Android Smartphone: Apple એ iPhone 14 સિરીઝને લોન્ચ કરી છે અને લોકો તેના દીવાના થઈ ગયા છે. કંપનીએ પ્રો વર્ઝનમાં એવું કર્યું છે, જે અત્યાર સુધી કોઈ કરી શક્યું નથી. કંપનીએ અલગ ડિઝાઇનવાળી નોચ આપી છે, જે ઘણા કામ કરે છે. તે દેખાવમાં ખુબ યૂનિક અને શાનદાર છે. કંપનીએ તેને ડાયનેમિક આઇલેન્ડ નામ આપ્યું છે. તેને વિવિધ પ્રકારના એલર્ટ, નોટિફિકેશનઅને ઇન્ટરેક્શન દેખાડવા માટે ડિઝાઇન કરવામાં આવ્યું છે. પરંતુ એન્ડ્રોયડ યૂઝર્સે નિરાશ થવાની જરૂર નથી કારણ કે ગૂગલ પ્લે સ્ટોર પર એક એવી એપ આવી છે, જે યૂઝર્સને આ પ્રકારનો અનુભવ પ્રદાન કરશે. 

DynamicSpot App કરશે Dynamic Island જેવું કામ
DynamicSpot  નામની એક નવી એપ, જેને જોમો દ્વારા વિકસિત કરવામાં આવી છે, જે એપ્પલના ડાયનામિક આઇલેન્ડની કોપી લાગી શકે છે. એપ વર્તમાનમાં પ્લે સ્ટોર પર ફ્રીમાં ઉપલબ્ધ છે અને તે તમને આઈલેન્ડની સ્થિતિ અને આકારને સમાયોજિત કરી દે છે, જ્યાં પર તમારી એન્ડ્રોયડ ડિવાઇસ પર નોચ સ્થિત છે. તે ઘણા અનુકૂલન પણ પ્રદાન કરે છે. તે તમને પસંદગી કરવાની મંજૂરી આપે છે કે તમારા સ્ક્રીન પર ક્યા પ્રકારની સૂચનાઓ જોવા મળે. આ સિવાય ડાયનામિકસ્પોટ એક સાથે બે પોપઅપ નોટિફિકેશન પણ દેખાડી શકે છે. એપનું ફ્રી વર્ઝન સિમિત કાર્યો સાથે આવે છે, પરંતુ તમે તેનો સંપૂર્ણ ઉપયોગ કરવા ઈચ્છો છો તો 4.99 ડોલર (500 રૂપિયા) ચુકવણી કરી શકો છો અને પ્રો વિકલ્પ પ્રાપ્ત કરી શકો છો. 

Phonearena એ પ્રિન્ટશોટ શેર કર્યો છે, જે વધુ સુવિધાઓને અનલોક કરે છે. ઉદાહરણ માટે તે યૂઝર્સને લોક સ્ક્રીન પર ડાયનામિકસ્પોટ પ્રદર્શિત કરવા અને સિંગલ ટેપ અને લોન્ગ પ્રેસ ક્રિયાઓ સુધી પહોંચાડવાની ક્ષમતા આપે છે. જેમ કે ઉલ્લેખ કરવામાં આવ્યો કે એપ ફ્રી ડાઉનલોડ કરી શકો છો અને તેમાં કોઈ જાહેરાત નથી. આ એપ હજુ બીટા વર્ઝનમાં છે. 

કોઈપણ સ્થિતિમાં જ્યાં સુધી એન્ડ્રોયડ નિર્માતા એક સમાન વિકલ્પ લાવવાનો નિર્ણય ન લે, ત્યાં સુધી તમારા Android ફોન પર એપલના ડાયનામિક દ્વીપને પ્રાપ્ત કરવા માટે આ સૌથી સારી તક છે.