વરસાદની સૌથી વધુ અસર પાકિસ્તાનના પંજાબ પ્રાંતમાં થઈ છે, જ્યાં 48 લોકોનાં મોત થયા છે
પાકિસ્તાનમાં ભારે વરસાદ અને ખરાબ
હવામાનના કારણે 76 લોકોનાં મોત થયા છે, જ્યારે 133 લોકો ઘાયલ છે. મૃતકોમાં 31 બાળકોનો પણ સમાવેશ થાય છે. છેલ્લા 24 કલાકમાં 9 લોકોનાં મોત થયા
છે. વરસાદને કારણે 78 મકાનો પણ ધરાશાયી થયા છે. ત્યાંની નેશનલ ડિઝાસ્ટર મેનેજમેન્ટ ઓથોરિટી (NDMA) એ આ જાણકારી આપી
છે.
વરસાદની સૌથી વધુ અસર પાકિસ્તાનના
પંજાબ પ્રાંતમાં થઈ છે, જ્યાં 48 લોકોનાં મોત થયા છે. ત્યાં વરસાદે છેલ્લા 30 વર્ષનો રેકોર્ડ
પણ તોડ્યો છે, એક દિવસમાં 11.4 ઈંચ વરસાદ નોંધાયો છે. બીજી તરફ લાહોરમાં 6ઠ્ઠી જુલાઈના
રોજ થયેલા વરસાદમાં રસ્તા પર પાર્ક કરેલા વાહનો પણ ડૂબી ગયા હતા.
8 બાળકો ક્રિકેટ રમતા
મૃત્યુ પામ્યા
પાકિસ્તાનના ખૈબર પખ્તુનખ્વા પ્રાંતમાં ગુરુવારે ભૂસ્ખલનને કારણે ક્રિકેટ રમતા
8 બાળકોનાં મોત થયા છે. અહીં ભારે વરસાદને કારણે જીવ ગુમાવનારા લોકોની સંખ્યા 20 થઈ ગઈ છે. વરસાદને
કારણે આ બીજો સૌથી વધુ પ્રભાવિત વિસ્તાર હોવાનું કહેવાય છે. ઈમારતો ધરાશાયી થવાથી
અને વીજળી પડવાથી લોકો જીવ ગુમાવી રહ્યા છે.
વૈજ્ઞાનિકોના મતે
પાકિસ્તાનમાં ક્લાઈમેટ ચેન્જના કારણે મોસમી વરસાદ વધી રહ્યો છે. ગત વર્ષે
પાકિસ્તાનમાં વરસાદની મોસમમાં પૂરના કારણે 1700 લોકોનાં મોત થયા હતા.
તે જ સમયે, તેની અસર 33 લાખ લોકોના જીવન પર પડી.