નેધરલેન્ડની સરકારે કહ્યું કે વેક્સિન પર આ સસ્પેન્શન ઓછામાં ઓછું 29 માર્ચ સુધી ચાલુ રહેશે

નોર્વેમાં એસ્ટ્રાજેનેકાની કોરોના વેક્સિન મૂકાવ્યા પછી બ્લડ ક્લોટિંગના મામલા પ્રકાશમાં આવ્યા પછી આયરલેન્ડ અને નેધરલેન્ડે પણ રવિવારે આ રસી પર પ્રતિબંધ લગાવ્યો છે. આયરલેન્ડના ડેપ્યુટી ચીફ મેડિકલ ઓફિસર ડો.રોનન ગ્લિને કહ્યું કે નોર્વેની મેડિસિન એજન્સીના જણાવ્યા મુજબ એસ્ટ્રાજેનેકા વેક્સિન મૂક્યા પછી બ્લડ ક્લોટિંગના 4 કેસ પ્રકાશમાં આવ્યા છે. જે પછી આ પગલુ ભરવામા આવ્યું છે. નેધરલેન્ડની સરકારે કહ્યું કે વેક્સિન પર આ સસ્પેન્શન ઓછામાં ઓછું 29 માર્ચ સુધી ચાલુ રહેશે.

બીજી તરફ વેક્સિન બનાવનારી એસ્ટ્રેજેનેકાએ કહ્યું કે અમે બ્રિટન અને યુરોપિયન યુનિયનના લગભગ 1.17 કરોડ વેક્સિનેટ લોકોના ડેટાનો રિવ્યુ કર્યો છે. તેમાં વેક્સિનના કારણે બ્લડ ક્લોટિંગ થયું હોય તેવા કોઈ સબુત મળ્યા નથી. કંપનીનો દાવો છે કે તેણે વેક્સિનની સુરક્ષા અને અસરને લઈને યોજાયેલા ટ્રાયલ દરમિયાન જ ગહન અભ્યાસ કર્યો છે અને આ સુરક્ષિત છે.

આ દેશોમાં પણ પ્રતિબંધ
ડેનમાર્ક, ઓસ્ટ્રિયા, ઈટલી, બુલ્ગારિયા, રોમાનિયા, એસ્ટોનિયા, લિથુઆનિયા, લક્ઝમબર્ગ, લાતવિયા અને નોન-યુરોપીય સંઘ(EU)ના દેશ નોર્વે અને આઈસલેન્ડે પણ બ્લડ ક્લોટિંગના રિપોર્ટ પછી સાવધાનીના ભાગરૂપે વેક્સિનના ઉપયોગ પર પ્રતિબંધ લગાવી દીધો છે.

બ્રિટનની રેગ્યુલેટરી એજન્સીએ કર્યો બચાવ
બ્રિટનમાં મેડિસન એન્ડ હેલ્થકેર પ્રોડક્ટ્સ રેગ્યુલેટરી એજન્સીએ એક નિવેદનમાં કહ્યું કે અત્યાર સુધી એ પુષ્ટિ થઈ નથી કે એસ્ટ્રાજેનેકાની કોરોના વેક્સિનના કારણે બ્લડ ક્લોટિંગના મામલાઓ પ્રકાશમાં આવી રહ્યાં છે. વિશ્વમાં હાલ કોરોનાના મામલાઓ વધી રહ્યાં છે. આ કારણે લોકોએ હાલ પણ વેક્સિન લેવાનું ચાલુ રાખવું જોઈએ.

વિશ્વમાં 12.04 કરોડ દર્દી
વિશ્વમાં કુલ દર્દીઓની સંખ્યા 12 કરોડે પહોંચી ગઈ છે. હાલ અહીં આંકડો 12.04 કરોડ છે. છેલ્લા 24 કલાકમાં 3.59 લાખ નવા સંક્રમિત મળ્યા છે. 5 હજારથી વધુ દર્દીઓના મોત થયા છે. અત્યાર સુધીમાં 9 કરોડ 69 લાખથી વધુ કોરોના સંક્રમિત સાજા થઈ ચૂક્યા છે. 26 લાખ 64 હજારથી વધુ લોકોએ જીવ ગુમાવ્યો છે. વિશ્વમાં હાલ 2 કરોડ 7 લાખથી વધુ કોરોના દર્દીઓની સારવાર ચાલી રહી છે. આ આંકડો www.worldometers.info/coronavirus મુજબનો છે.

ટોપ-10 દેશ, જ્યાં અત્યાર સુધીમાં સૌથી વધુ લોકો સંક્રમિત થયા
​