'બ્રહ્માસ્ત્ર 2: દેવ'માં દેવ અને માયાના પાત્ર પર ધ્યાન કેન્દ્રિત કરવામાં આવશે

હાલમાં જ ડિરેક્ટર અયાન મુખર્જીએ 'બ્રહ્માસ્ત્ર'ની સિક્વલ 'બ્રહ્માસ્ત્ર-2' અને 'બ્રહ્માસ્ત્ર-3'ની રિલીઝ ડેટ જણાવી છે. સોશિયલ મીડિયા પોસ્ટ દ્વારા અયાને જણાવ્યું કે તેની આગામી ફિલ્મ 'બ્રહ્માસ્ત્ર 2: દેવ' અને 'બ્રહ્માસ્ત્ર 3' બંનેનું શૂટિંગ એકસાથે શરૂ થશે. 'બ્રહ્માસ્ત્ર 2: દેવ' ડિસેમ્બર 2026માં અને 'બ્રહ્માસ્ત્ર 3' ડિસેમ્બર 2027માં રિલીઝ થશે.

અયાને ફિલ્મની ટાઈમલાઈન સોશિયલ મીડિયા પર શેર કરી છે.
અયાને પોસ્ટમાં લખ્યું- 'બ્રહ્માસ્ત્ર ટ્રિલોજી', 'અસ્ત્રાવર્સ' અને મારા જીવન વિશે તમને કેટલીક અપડેટ આપવાનો સમય આવી ગયો છે. 'બ્રહ્માસ્ત્ર-1'ને મળેલા પ્રેમ અને પ્રતિસાદ સાથે, મેં 'બ્રહ્માસ્ત્ર'ના બંને ભાગો માટે મારું વિઝન સેટ કર્યું. મને ખબર છે કે આ બંને ફિલ્મો 'બ્રહ્માસ્ત્ર' કરતા ઘણી મોટી હશે. અમે શીખ્યા છીએ કે, હા, સ્ક્રિપ્ટને પરફેક્ટ બનાવવા માટે અમારે થોડો વધુ સમય આપવો પડશે.

મેં નક્કી કર્યું છે કે અમે આ બંને ફિલ્મો સાથે બનાવીશું અને તેની રિલીઝ ડેટ પણ નજીક હશે. હું તમારી સાથે બંને ફિલ્મોની સમયરેખા પણ શેર કરી રહ્યો છું.

અયાન 'બ્રહ્માસ્ત્ર' સિવાય બીજી ફિલ્મનું શૂટિંગ કરશે
'બ્રહ્માસ્ત્ર' સિરીઝ વિશે અપડેટ આપવા ઉપરાંત, અયાને એ પણ ખુલાસો કર્યો કે તે ટૂંક સમયમાં બીજી ફિલ્મનું શૂટિંગ કરશે. તેણે લખ્યું,'આટલું જ નહીં, મને બ્રહ્માંડ તરફથી વધુ એક પ્રોજેક્ટ મળ્યો છે. હું ટૂંક સમયમાં ખૂબ જ ખાસ ફિલ્મનું નિર્દેશન કરીશ.'

આ ફિલ્મ શું છે તે હું યોગ્ય સમય આવશે ત્યારે જ કહીશ. આ એક એવી ફિલ્મ છે જે મને એટલી જ ડરાવે છે જેટલી તે મને ઉત્તેજિત કરે છે. આ ફિલ્મથી હું વધુ શીખીશ અને આગળ વધીશ.

અયાને કહ્યું-, 'હું ભારતીય સિનેમામાં મારું યોગદાન આપવા માંગુ છું'
અયાને આગળ લખ્યું, આ કારણે મેં આ ફિલ્મ પસંદ કરી છે. આ વખતે મેં મારી જાતને યુનિવર્સ તરફથી મળતી દરેક પોઝિટિવ એનેર્જીને અપનાવવાની તક આપી છે જેથી હું આ ફિલ્મને મારું સર્વશ્રેષ્ઠ આપી શકું. તે જ સમયે, હું ભારતીય સિનેમામાં મારું યોગદાન આપી શકું છું, જેનો અર્થ મારા માટે સૌથી વધુ છે.

દીપિકા 'બ્રહ્માસ્ત્ર 2: દેવ'માં જોવા મળશે
'બ્રહ્માસ્ત્ર 2: દેવ'માં દેવ અને માયાના પાત્ર પર ધ્યાન કેન્દ્રિત કરવામાં આવશે. આ ફિલ્મમાં દીપિકા પાદુકોણ માયાનું પાત્ર ભજવશે. 'બ્રહ્માસ્ત્ર'ની OTT રિલીઝમાં ચાહકોએ દીપિકા પાદુકોણને 'જલાસ્ત્ર'માં રણબીર કપૂરની માતાના રોલમાં જોઈ છે. સોશિયલ મીડિયા પર યુઝર્સ અનુમાન લગાવી રહ્યા છે કે આ ફિલ્મમાં રણબીર કપૂરનો ડબલ રોલ પણ જોવા મળી શકે છે.

યુઝર્સે કહ્યું, '2026-27' માં ઘણું મોડું થઈ ગયું છે
ફિલ્મની રિલીઝ ડેટ જાહેર થયા બાદ સોશિયલ મીડિયા પર યુઝર્સ 2026 અને 2027માં રણબીર કપૂર અને આલિયાની ઉંમર અને ફિલ્મની રિલીઝ ડેટ વિશે પોસ્ટ કરી રહ્યાં છે. હકીકતમાં, જ્યારે 'બ્રહ્માસ્ત્ર 2: દેવ' રિલીઝ થશે ત્યારે રણબીર કપૂર 44 વર્ષનો હશે, જ્યારે આલિયા 33 વર્ષની હશે. ફિલ્મ 'બ્રહ્માસ્ત્ર'માં રણબીર કપૂર, આલિયા ભટ્ટ, મૌની રોય અને અમિતાભ બચ્ચન મુખ્ય ભૂમિકામાં હતા.સ્ટાર સ્ટુડિયો ધર્મા પ્રોડક્શન, અયાન મુખર્જી અને પ્રાઇમ ફોકસ દ્વારા નિર્મિત ફિલ્મ 'બ્રહ્માસ્ત્ર'એ વિશ્વભરમાં બોક્સ ઓફિસ પર 431 કરોડ રૂપિયાનો બિઝનેસ કર્યો હતો