Home
News
CEO એલન મસ્કની નેટવર્થ 23 દિવસમાં 1.25 લાખ કરોડ રૂપિયા વધી; તે રિલાયન્સના સમગ્ર વર્ષના નફાથી ત્રણ ગણી

માર્કેટ કેપમાં સૌથી મોટી ભારતીય કંપની રિલાયન્સને 2019માં 43368 કરોડ રૂપિયાનો નફો થયો

Written By newsonline | Ahmedabad | Published: 2020-02-06 10:05:46

અમેરિકાની ઈલેક્ટ્રિક કાર કંપની ટેસ્લાના શેરમાં વધારાનો સિલસિલો ચાલુ છે. મંગળવારે તેમાં 20.5 ટકા તેજી આવી. છેલ્લા બે દિવસમાં શેર 40 ટકા વધ્યા. આ વર્ષે 23 કારોબારી દિવસોમાં અત્યાર સુધીમાં 114 ટકા તેજી આવી ચૂકી છે. શેરમાં તેજીના પગલે કંપનીના સીઈઓ એલન મસ્કની નેટવર્થ આ વર્ષે 17.6 અબજ ડોલર(1.25 લાખ કરોડ રૂપિયા) વધી છે. આ રકમ ભારતની સૌથી મોટી કંપની રિલાયન્સ ઈન્ડસ્ટ્રીઝના વાર્ષિક નફાથી ત્રણ ગણી છે. 2019ના ચાર ત્રિમાસિકમાં રિલાયન્સનો કુલ નફો 43,368 કરોડ રૂપિયા રહ્યો હતો. બ્લૂમબર્ગ બિલેનિયરના ઈન્ડેક્સના જણાવ્યા મુજબ મસ્કની નેટવર્થ 45.2 અબજ ડોલર(3.20 લાખ કરોડ રૂપિયા) છે.

એલન મસ્કની નેટવર્થ 23 દિવસમાં જ 1.25 લાખ કરોડ રૂપિયા વધી ગઈ.

રિલાયન્સનો નફો

ત્રિમાસિક	નફો(રૂપિયા)
જાન્યુઆરી-માર્ચ	10,362 કરોડ
એપ્રિલ-જૂન	10,104 કરોડ
જુલાઈ-સપ્ટેમ્બર	11,262 કરોડ
ઓક્ટોબર-ડિસેમ્બર	11,640 કરોડ
કુલ	43,368 કરોડ