26 ઓગસ્ટથી 1 સપ્ટેમ્બર સુધી 76,431 સક્રિય દર્દી વધ્યા, તેના પહેલાના અઠવાડિયામાં આ સંખ્યા 19,092 જ વધી હતી

આશરે એક અઠવાડિયાથી દેશમાં દુનિયાના સર્વાધિક કોરોનાના દર્દી મળવાની સાથે જ સક્રિય દર્દીઓ ઝડપથી વધવા લાગ્યા છે. 26 ઓગસ્ટથી 1 સપ્ટેમ્બર દરમિયાન સક્રિય દર્દી રોજ 1.5%ના સરેરાશ દરે વધીને 76,431 થઈ ગયા છે. આ તમામ હોસ્પિટલો કે આઈસોલેશનમાં સારવાર હેઠળ છે. તેના પહેલાના અઠવાડિયામાં ફક્ત 0.39%ના દરે 19,092 સક્રિય દર્દી વધ્યા હતા. સક્રિય દર્દીઓના વૃદ્ધિદરમાં એકાએક 1.11%નો વધારો ચિંતાજનક છે કેમ કે સક્રિય દર્દીઓનો દર સતત ઘટ્યા બાદ જ ચેપની અસર ઓછી થશે.

એક મહિનામાં 2.32 લાખ સક્રિય દર્દી વધ્યા, રિકવરી રેટ સ્થિર થયો

·         ઓગસ્ટમાં દેશમાં 2.32 લાખ દર્દી વધ્યા. અમેરિકા, બ્રાઝિલ અને રશિયાને છોડી બાકી દેશોમાં કુલ ચેપગ્રસ્ત ભારતના સક્રિય દર્દીઓથી ઓછા છે.

·         દેશમાં દર્દી સાજા થવાની ઝડપ ગત એક અઠવાડિયામાં ધીમી થઈ. 26 ઓગસ્ટથી 1 સપ્ટેમ્બર વચ્ચે રિકવરી રેટમાં 1.1%નો સુધારો થયો. જોકે તેના પહેલાના અઠવાડિયામાં રિકવરી રેટમાં 2.3%ની વૃદ્ધિ જોવા મળી હતી.

સક્રિય દર્દીઓની હોસ્પિટલ પર અસર, હાલ આવી સ્થિતિ...
કોવિડ હોસ્પિટલ- 1607
90 કેન્દ્ર તથા 1517 રાજ્યોની. 3.91 લાખ બેડ છે. 1.16 લાખ ઓક્સિજન સપોર્ટ અને 32,481 આઈસીયુ બેડ.
કોવિડ હેલ્થ સેન્ટર- 3543
85 કેન્દ્ર અને 3458 રાજ્યોની. 3.13 લાખ બેડ, 78 હજાર ઓક્સિજન સપોર્ટ. 78 હજાર ઓક્સિજન સપોર્ટ અને 19316 આઈસીયુ બેડ.
કોવિડ કેર સેન્ટર- 11691
આ સેન્ટર્સમાં બેડની કુલ સંખ્યા 10 લાખ 84 હજાર 183 છે.

દેશમાં નવ હજાર ગંભીર દર્દી, આ દુનિયાનો બીજો સૌથી મોટો આંકડો છે

·         દેશમાં 8,944 કોરોના દર્દી ગંભીર છે. અમેરિકામાં આ સંખ્યા સૌથી વધુ છે.

·         1 સપ્ટેમ્બરે સક્રિય દર્દીઓમાંથી 0.33% વેન્ટિલેટર પર હતા. 2.01% દર્દીઓને આઈસીયુમાં અને 3.35%ને ઓક્સિજન સપોર્ટ પર રખાયા હતા.

·         30 જાન્યુઆરીથી 1 સપ્ટેમ્બર સુધી કુલ 1 લાખ 49 હજાર 488 કોરોના દર્દી ઓક્સિજન બેડ પર દાખલ થયા. 1 લાખ 14 હજાર 281 આઈસીયુમાં રહ્યા. જોકે 33 હજાર 439 દર્દીઓને વેન્ટિલેટર પર રાખવા પડ્યા હતા.

કોરોના વેક્સિનના વૈશ્વિક પ્રયાસોથી અમેરિકા અલગ થયું

·         અમેરિકા ડબ્લ્યૂએચઓ સાથે મળીને કોરોના વેક્સિન બનાવવાના પ્રયાસોથી અલગ રહેશે. વ્હાઈટ હાઉસે આ જાહેરાત કરી છે. અમેરિકાએ ડબ્લ્યૂએચઓ પર ચીન સાથે મળીને માહિતીઓ છુપાવવાનો આરોપ લગાવ્યો હતો.

·         દુનિયાભરમાં 36 વેક્સિન હાલ માનવી પર ટ્રાયલના તબક્કામાંથી પસાર થઇ રહી છે. જોકે 90 પર હજુ પ્રી-ક્લિનિકલ ટ્રાયલ હેઠળ પ્રાણીઓ પર અસર ચકાસાઈ રહી છે. તેમાં અમુક મુખ્ય ભારતીય વેક્સિનોનો પણ સામેલ છે.

·         ભારતમાં વિકસિત પ્રથમ સ્વદેશી વેક્સિન કો-વેક્સિન હજુ પરીક્ષણના ત્રીજા તબક્કામાં છે. ટ્રાયલના પ્રિન્સિપાલ ઈન્વેસ્ટિગેટર ડૉ. ઈ.વેન્કટ રાવ અનુસાર શરૂઆતના પરીક્ષણમાં તેની કોઈ આડઅસરો જોવા મળી નથી.