ડ્રગ્સ કંટ્રોલર જનરલ ઓફ ઈન્ડિયાએ કોરોનાની બે રસીની મિક્સિંગ પર અભ્યાસને મંજૂરી આપી દીધી છે. હવે વૈજ્ઞાનિક તે રિસર્ચ કરશે કે શું કોઈ વ્યક્તિને એક ડોઝ કોવેક્સિન અને બીજો ડોઝ કોવિશીલ્ડનો આપી શકાય છે.

નવી દિલ્હીઃ કોરોના વાયરસની બે રસીના મિક્સિંગ પર ભારત એક ડગલું વધુ આગળ વધી ગયું છે. હવે ડ્રગ્સ કંટ્રોલર જનરલ ઓફ ઈન્ડિયા (Drugs Controller General of India) એ કોવેક્સીન અને કોવિશીલ્ડ (Covaxin & Covishield) વેક્સિનની મિક્સિંગ પર સ્ટડી માટે પોતાની મંજૂરી આપી દીધી છે. આ સ્ટડી અને ક્લિનિકલ ટ્રાયલ કરવાની જવાબદારી વેલ્લોરની ક્રિશ્ચન મેડિકલ કોલેજને મળી છે. 

ન્યૂઝ એજન્સી એએનઆઈના અહેવાલ પ્રમાણે કેન્દ્રીય દવાનિયામકની સબ્જેક્ટ એક્સપર્ટ કમિટીએ 29 જુલાઈએ આ સ્ટડી કરાવવા માટે સલાહ આપી હતી. 

બેઠક દરમિયાન એક્સપર્ટ કમિટીએ સીએમસી, વેલ્લોરને ચોથા ફેઝના ક્લિનિકલ ટ્રાયલ કરવા માટેની મંજૂરી આપવાનું સૂચન કર્યું હતું. આ ટ્રાયલમાં 300 સ્વસ્થ વોલન્ટિયર્સ પર કોવિડ-19ની કોવેક્સિન અને કોવિશીલ્ડ વેક્સિનના મિક્સિંગના પ્રભાવની તપાસ કરવામાં આવશે. 

આ સ્ટડીનો ઇદ્દેશ્ય તે જાણવાનો છે કે શું કોઈ વ્યક્તિના પૂર્ણ રસીકરણ માટે તેને એક ડોઝ કોવેક્સિન અને બીજો ડોઝ કોવિશીલ્ડનો આપી શકાય છે. 

આ પ્રસ્તાવિત સ્ટડી હાલમાં ઈન્ડિયન કાઉન્સિલ ઓફ મેડિકલ રિસર્ચ (ICMR) દ્વારા કરવામાં આવેલી સ્ટડીથી અલગ છે. આઈસીએમઆરે ઉત્તર પ્રદેશના તે લોકો પર રિસર્ચ કર્યું છે, જેને ભૂલથી બે અલગ-અલગ કોરોના વિરોધી વેક્સિનના ડોઝ આપવામાં આવ્યા હતા. 

આ સ્ટડીના આધાર પર આઈસીએમઆરે કહ્યું કે, કોવેક્સિન અને કોવિશીલ્ડને મિક્સ કરવાથી સારા પરિણામ જોવા મળ્યા છે અને તેનાથી કોવિડ 19 વિરુદ્ધ સારી ઇમ્યુનિટી પણ બની છે. આ સ્ટડી મે અને જૂનની વચ્ચે યૂપીના લાભાર્થીઓ પર કરવામાં આવ્યા છે.