પ્રત્યક્ષદર્શીએ દાવો કર્યો હતો કે પોલીસે 6 સગીરોના મૃતદેહ બહાર કાઢ્યા છે. એક પોલીસ કર્મચારી પણ ઘાયલ થયો છે

વોશિંગ્ટન: અમેરિકાના અલ્બામા રાજ્યના ડેડવિલેમાં રવિવારે થયેલા ગોળીબારમાં છ સગીરોનાં મોત થયાં છે. જ્યારે 20 લોકો ઘાયલ થયા હતા. ઘાયલોમાં મોટાભાગના સગીર છે. આ ઘટના ટીનેજરની બર્થડે પાર્ટી દરમિયાન બની હતી. જમીનમાં 6 સગીરોના મૃતદેહ મેદાનમાં પડેલા જોવા મળ્યા હતા. આરોપી પણ સગીર હોવાનું કહેવાય છે. તેની ધરપકડ કે મૃત્યુના કોઈ સમાચાર નથી.

સ્પીટ 16 પાર્ટી દરમિયાન ફાયરિંગ
'ફોક્સ ન્યૂઝ'એ એક પ્રત્યક્ષદર્શીને ટાંકીને કહ્યું- ડેડવિલેમાં જન્મદિવસની પાર્ટી ચાલી રહી હતી. તેને સ્વીટ-16 નામ આપવામાં આવ્યું હતું. પાર્ટી પૂરી થવામાં જ હતી કે કોઈએ ફાયરિંગ શરૂ કરી દીધું. થોડીવારમાં પોલીસ ત્યાં પહોંચી ગઈ.

કેટલાક અહેવાલો મૃત્યુઆંક ચાર દર્શાવે છે. જોકે, પ્રત્યક્ષદર્શીએ દાવો કર્યો હતો કે પોલીસે 6 સગીરોના મૃતદેહ બહાર કાઢ્યા છે. એક પોલીસ કર્મચારી પણ ઘાયલ થયો છે. ડેડવિલેની વસ્તી આશરે 3200 છે.

રાજ્યપાલે કહ્યું- મૃતકોમાં એક પ્રતિભાશાળી ખેલાડી પણ હતો

અલ્બામાના ગવર્નર કાય ઈવે કહ્યું - અમને ખૂબ જ દુઃખદ સમાચાર મળ્યા છે. સામૂહિક ગોળીબારમાં કેટલાક લોકોનાં મોત થયાં છે. આ રાજ્યમાં આવા ગુનાઓને ચલાવી લેવામાં આવશે નહીં. અમે સ્થિતિ પર નજર રાખી રહ્યા છીએ. માર્યા ગયેલા સગીરોમાંથી એક પ્રતિભાશાળી ઍથ્લીટ હતો.

તમને જણાવી દઈએ કે એક દિવસ પહેલાં કેન્ટુકી રાજ્યમાં પણ સામૂહિક ગોળીબાર થયો હતો. જેમાં બે લોકોનાં મોત થયાં હતાં. અમેરિકામાં આ વર્ષે જાન્યુઆરીથી અત્યાર સુધીમાં ગોળીબારની કુલ 139 ઘટનાઓ બની છે.

ગન લો વિરુદ્ધ 450 શહેરોમાં દેખાવો યોજાયા હતા

·         ગયા વર્ષે જૂનમાં, યુ.એસ.માં ગન લો ઓથોરિટી (બંદૂક રાખવાનો કાનૂની અધિકાર) ના વિરોધમાં વોશિંગ્ટન સહિત 450 શહેરોમાં હજારો લોકોએ વિરોધ કર્યો હતો.

·         વિરોધ કરી રહેલા ગન સેફ્ટી ગ્રૂપ માર્ચ ફોર અવર લાઈવ્સના સભ્યો કહે છે કે સરકાર હાથ પર હાથ રાખીને બેસી શકશે નહીં. એક પ્રદર્શનકારીએ કહ્યું હતું - લોકો મરી રહ્યા છે. સરકારે કડક પગલાં લેવાં પડશે. હવે કાયદામાં ફેરફાર કરવાની જરૂર છે.

·         અમેરિકા 231 વર્ષ પછી પણ ગન કલ્ચરને ખતમ કરી શક્યું નથી. આનાં બે કારણો છે. પ્રથમ- રાષ્ટ્રપતિથી લઈને ત્યાંનાં રાજ્યોના ગવર્નરો સુધીના ઘણા અમેરિકનો આ સંસ્કૃતિને જાળવી રાખવાની હિમાયત કરતા રહ્યા છે. બીજું- બંદૂક બનાવતી કંપનીઓ, એટલે કે ગન લોબી પણ આ સંસ્કૃતિના અસ્તિત્વનું મુખ્ય કારણ છે. 2019ના અહેવાલ મુજબ, અમેરિકામાં 63,000 લાઇસન્સ ધરાવતા બંદૂક ડીલરો હતા, જેમણે તે વર્ષે અમેરિકન નાગરિકોને 83,000 કરોડ રૂપિયાની બંદૂકો વેચી હતી.

·         1791માં, બંધારણના બીજા સુધારા હેઠળ, યુએસ નાગરિકોને શસ્ત્રો રાખવા અને ખરીદવાનો અધિકાર આપવામાં આવ્યો હતો. આ સંસ્કૃતિ અમેરિકામાં ત્યારે શરૂ થઈ જ્યારે ત્યાં અંગ્રેજોનું શાસન હતું. તે સમયે કોઈ કાયમી સુરક્ષા દળ નહોતું, તેથી જ લોકોને પોતાની અને પરિવારની સુરક્ષા માટે હથિયાર રાખવાનો અધિકાર આપવામાં આવ્યો હતો, પરંતુ આ કાયદો આજે પણ ચાલુ છે.

અમેરિકાના ધ ગન કંટ્રોલ એક્ટ (જીસીએ) અનુસાર, રાઈફલ અથવા કોઈપણ નાનાં હથિયાર ખરીદવાની અમેરિકાનો ‘ગન લૉ’ શું છે?

·         અમેરિકાના ધ ગન કંટ્રોલ એક્ટ પ્રમાણે, રાઇફલ કે કોઈ પણ અન્ય હથિયાર ખરીદવા માટે લઘુતમ ઉંમર 18 વર્ષ હોવી જોઈએ

·         હેન્ડગન જેવાં અન્ય હથિયારો ખરીદવાની લઘુતમ ઉંમર 21 વર્ષ હોવી જોઈએ.

·         હથિયારો ખરીદવા માટે જ નહીં, વેચનારની ઉંમર પણ 21 વર્ષથી વધુ હોવી જોઈએ.

·         અમેરિકામાં માત્ર સમાજ માટે ખતરનાક, ભાગેડુ, નશાખોર, માનસિક રીતે બીમાર અને 1 વર્ષથી વધુ જેલ અને 2 વર્ષથી વધુની સજા પામેલા લોકોને બંદૂક ખરીદવાની મંજૂરી નથી.

અમેરિકાની વસ્તી 330 મિલિયન અને 400 મિલિયન બંદૂકો છે

·         નાગરિકો પાસે બંદૂકો રાખવાની બાબતમાં અમેરિકા વિશ્વમાં સૌથી આગળ છે. સ્વિટ્ઝર્લેન્ડના સ્મોલ આર્મ્સ સર્વે (એસએએસ)ના અહેવાલ મુજબ, વિશ્વમાં 85.7 કરોડ સિવિલિયન બંદૂકોમાંથી, એકલા અમેરિકામાં 39.3 કરોડ સિવિલિયન બંદૂકો છે. અમેરિકા વિશ્વની 5% વસતિ ધરાવે છે, પરંતુ વિશ્વની 46% સિવિલિયન બંદૂકો એકલા યુએસમાં છે.

·         ઑક્ટોબર 2020માં ગેલપ સર્વેક્ષણ મુજબ, 44% અમેરિકન પુખ્ત વયના લોકો બંદૂકો સાથે ઘરમાં રહે છે, જેમાંથી ત્રીજા પુખ્ત વયના લોકો પાસે બંદૂકો છે.

·         દુનિયામાં માત્ર ત્રણ જ દેશ એવા છે, જ્યાં બંદૂક રાખવી એ બંધારણીય અધિકાર છે. અમેરિકા, ગ્વાટેમાલા અને મેક્સિકો, પરંતુ ગ્વાટેમાલા અને મેક્સિકોના લોકો પાસે યુએસ કરતાં ઘણી ઓછી બંદૂકો છે. ઉપરાંત સમગ્ર મેક્સિકોમાં માત્ર એક જ બંદૂક સ્ટોર છે, જે આર્મી દ્વારા નિયંત્રિત છે.

·         એપ્રિલ 2021માં, અન્ય યુએસ રાજ્ય, જ્યોર્જિયાએ નાગરિકોને પરમિટ અને લાઇસન્સ વિના શસ્ત્રો રાખવાની મંજૂરી આપી.