મ્યુચ્યુઅલ ફંડ સંગઠન એમ્ફી જાન્યુઆરીના પ્રથમ સપ્તાહમાં રિપોર્ટ જારી કરશે

મ્યુચ્યુઅલ ફંડ કંપનીઓના સંગઠન એમ્ફી આગામી વર્ષના પ્રથમ સપ્તાહમાં શેર્સનુ વર્ગીકરણની નવી યાદી જારી કરવા જઈ રહી છે. જેમાં આશરે 5 કંપનીઓ મિડકેપમ કેટેગરીમાંથી લાર્જકેપ કેટેગરીમાં પ્રમોટ થવાનો આશાવાદ છે. આશરે 11 કંપનીઓના સ્ટોક સ્મોલકેપમાંથી મિડકેપ કેટેગરીમાં શિફ્ટ થશે.

એમ્ફી કંપનીઓની છ માસની સરેરાશ માર્કેટ કેપના આધારે દર છ માસમાં શેર્સના 3 કેટેગરી સ્મોલ કેપ, મિડ કેપ, અને લાર્જ કેપમાં વર્ગીકૃત કરે છે. આ વર્ગીકરણના આધારે મ્યુચ્યુઅલ ફંડ કંપનીઓમાં રોકાણ કરે છે. આઈસીઆઈસીઆઈ સિક્યુરિટીઝ દ્રારા કરવામાં આવેલા એનાલિસિસ અનુસાર, મિડ કેપ કેટેગરીના પાંચ કંપનીઓ આગામી ફેરફારમાં લાર્જ કેપમાં તબદીલ થશે.

જેમાં ટોચ પર યસ બેન્ક છે. ખાનગી બેન્કોમાં પ્રચલિત યસ બેન્કના પ્રમોટર્સ દ્રારા ગોટાળાનો મામલો બહાર આવ્યા બાદ મોટાપાયે કડાકો આવ્યો હતો. સ્ટોક ઘટી રૂ.6ની સપાટીની અંદર પહોંચ્યો હતો. હાલ ફરી લાર્જ કેપ બનવાની આસપાસ પહોંચ્યો છે. યસ બેન્ક ઉપરાંત અદાણી એન્ટરપ્રાઈઝ, પીઆઈ ઈન્ડસ્ટ્રીઝ, એચએએલ અને જ્યુબિલઅન્ટ ફૂડ પણ લાર્જ કેપ સ્ટોક બનવાની આસપાસ છે.

જો કે, ડિસેમ્બરમાં નોંધાયેલા ઉતાર-ચડાવની સ્થિતિમાં અમુક શેર પ્રમોશનની તક ચૂકી શકે છે. સ્મોલ કેપમાંથી મિડ કેપમાં સંભવિત પ્રમોશન યાદીમાં લૌરસ લેબ, ઈન્ડિયા માર્ટ ઈન્ટરમેશ, નવીન ફ્લોરાઈન, ડિક્સોન ટેક્નોલોજી, આલોક ઈન્ડસ્ટ્રીઝ, એસ્ટ્રોજેનેકા ફાર્મા, દીપક નાઈટ્રાઈટ, સુવેન ફાર્મા, ગ્રેન્યુઅલ્સ ઈન્ડિયા અને એમસીએક્સ સામેલ છે.

મિડકેપમાંથી લાર્જકેપ

સ્મોલકેપમાંથી મિડકેપમાં વર્ગીકરણ