દુનિયાનો દરેક શક્તિશાળી દેશ છેલ્લા કેટલાક સમયથી હથિયારોની એવી ટેક્નોલોજી વિક્સિત કરવામાં લાગ્યા છે કે જે અચૂક હોય અને અદ્રશ્ય પણ. આવું જ કઈંક ઈઝરાયેલે શોધી કાઢ્યું છે.
નવી દિલ્હી: દુનિયાનો દરેક શક્તિશાળી
દેશ છેલ્લા કેટલાક સમયથી હથિયારોની એવી ટેક્નોલોજી વિક્સિત કરવામાં લાગ્યા છે કે
જે અચૂક હોય અને અદ્રશ્ય પણ. આવું જ કઈંક ઈઝરાયેલે શોધી કાઢ્યું છે.
ઈઝરાયેલે તૈયાર કરી
જબરદસ્ત ટેક્નિક
ઈઝરાયેલે
હવે એક એવી ટેક્નિક શોધી કાઢી છે જેના દ્વારા તેના સૈનિકો પથ્થરો વચ્ચે પથ્થર જેવા
દેખાશે. સૈનિકોને દુશ્મનની આંખો શોધી પણ નહીં શકે અને થર્મલ ડિટેક્ટર પણ પકડી નહીં
શકે.
ઉપરની
તસવીર જોઈને દરેક જણ સરળતાથી જણાવી શકે કે આ એક પહાડી વિસ્તાર છે જ્યાં મોટા મોટા
પથ્થરો પડ્યા છે. તસવીરોમાં કેટલાક જંગલી ઝાડ અને ઝાડી પણ જોવા મળી રહ્યા છે.
ઉપરની
તસવીરનો સીધો સંબંધ ફ્યૂચર વોરની તૈયારીઓ સાથે જોડાયેલો છે. તસવીર જોઈને દરેક જણ
તેને પથ્થર જ સમજી લેશે. પણ હકીકતમાં તે એક કિટ છે જેને પહેરીને સૈનિકો પહાડી
વિસ્તારમાં છૂપાયેલા હતા અને કોઈ હુમલા માટે તૈયાર જોવા મળી રહ્યા હતા. આ
દુશ્મનોને અંધારામાં રાખનારી ટેક્નિક છે.
ઈઝરાયેલની કિટ-300 વિશે જાણો
ઈઝરાયેલની
આ જબરદસ્ત ટેક્નિકનું નામ કિટ-300 છે. જેને ઈઝરાયેલના રક્ષા મંત્રાલયે ત્યાંની કંપની
પોલારિસ સોલ્યૂશન્સ સાથે મળીને તૈયાર કરી છે. જેનું વજન ફક્ત 500 ગ્રામની આસપાસ છે તથા
તેને સૈનિકો સરળતાથી લપેટીને દુશ્મનની નજરમાંથી વર્ચ્યુઅલી ગાયબ થઈ શકે છે.
કંપનીનો દાવો છે કે આ કિટ 300
ઓઢીને
સૈનિકોને માણસોની આંખો અને થર્મલ ડિટેક્ટરથી પણ જોઈ શકાશે નહીં.
તસવીરોમાં
તમે જોઈ શકો છો કે કિટ પહેર્યા બાદ સૈનિકો જોવા મળતા નથી. એવું લાગી રહ્યું છે કે
જાણે પહાડી વિસ્તારમાં અનેક પથ્થર છે.
આખરે કેમ આ બનાવવાની
જરૂર પડી?
હકીકતમાં
વર્ષ 2006માં લેબનોન યુદ્ધ
દરમિયાન ઈઝરાયેલની સેનાનો ભાગ રહેલા અસાફે અનુભવ કર્યો કે દુશ્મનના થર્મલ ઈમેજિંગ
ઉપકરણની નજરથી તેઓ બચી શકતા નથી. આવામાં થર્મલ ઈમેજિંગથી કેવી રીતે બચવું. આ
સવાલનો જવાબ શોધતા શોધતા અસાફે કિટ-300 બનાવી દીધી. અત્રે જણાવવાનું
કે અસાફ આ ટેક્નોલોજી બનાવનારી કંપનીના સહ સંસ્થાપક છે.
વસ્તી
મામલે ઈઝરાયેલ ખુબ નાનો દેશ છે. પરંતુ ટેક્નોલોજીમાં ઈઝરાયેલ ભલભલા મોટા માથાને
પછાડે છે. ઈઝરાયેલ પાસે યુદ્ધની એવી એવી ટેક્નોલોજી છે કે યુદ્ધના મેદાનમાં કોઈ પણ
ટેન્કને અદ્રશ્ય હથિયારથી પળભરમાં ઉડાવી શકે છે.
ટેક્નોલોજીના મામલે
ઈઝરાયેલ સુપરપાવર
ઈઝરાયેલની
ટેક્નોલોજીનો આખી દુનિયામાં ડંકો વાગે છે. હાલમાં જ થયેલા હમાસ વિરુદ્ધના યુદ્ધમાં
દુનિયાએ ઈઝરાયેલની ટેક્નોલોજીનો પાવર જોયો. કેવી રીતે ઈઝરાયેલે હમાસના સેકડો રોકેટ
હવામાં જ આયરન ડોમ મિસાઈલ ડિફેન્સ સિસ્ટમની મદદથી તબાહ કર્યા તે જગ જાહેર છે.
ઈઝરાયેલ રક્ષા ટેક્નોલોજીના ક્ષેત્રમાં આર્ટિફિશિયલ ઈન્ટેલિજન્સનો પણ ઉપયોગ કરી
રહ્યું છે.
ફક્ત
એક વ્યક્તિ કોફી શોપમાં બેસીને દુશ્મનોની ગાડીઓના કાફલા પર હુમલો કરી શકે છે. કઈ
રીતે ટેક્નોલોજીની મદદથી કાફલાની એક એક કારને વીણી વીણીને નિશાન બનાવી શકાય તે
દેખાડવાની ક્ષમતા ઈઝરાયેલ પાસે જોરદાર છે.
બદલાઈ રહી છે યુદ્ધની રીત
જે
રીતે ઈઝરાયેલા અદ્રશ્ય ફોર્સ બનાવી છે, એ જ રીતે ઈંગ્લેન્ડની નેવી ઉડતા જેટ સૂટ બનાવી ચૂકી છે.
દુનિયામાં આ પ્રકારની ટેક્નોલોજી પર સતત કામ થઈ રહ્યું છે. ચોક્કસપણે યુદ્ધની એવી
પરંપરા રહી છે કે મહાભારતથી લઈને પ્રથમ વિશ્વયુદ્ધ, અને દ્વિતિય વિશ્વયુદ્ધ
તથા આજના આધુનિક સમયમાં યુદ્ધની રીત બદલાઈ રહી છે.
ઈઝરાયેલ
અને યુકેના નવા આવિષ્કાર તેની કડી છે. આજના સમયમાં યુદ્ધમાં પોતાના સૈનિકોનું ઓછું
નુકસાન અને દુશ્મનને વધુ નુકસાન...એને ધ્યાનમાં રાખીને આવિષ્કાર થઈ રહ્યા છે. આ જ
પ્રકારની શોધ તમામ દેશો કરે છે પણ જ્યાં સુધી પ્રયોગ સફળ ન થાય ત્યાં સુધી તે
આવિષ્કાર દુનિયાની સામે આવતા નથી.