ઉલ્લેખનીય છે કે જુલાઈ 2023 બાદ નિફ્ટીનો આ નવો રેકોર્ડ હાઈ છે
ભારતીય શેરબજાર માટે
અઠવાડિયાનો પહેલો કારોબારી દિવસ શાનદાર સાબિત થયો. સ્ટોક માર્કેટના બંને
ઈન્ડેક્સમાં શરૂઆતના વેપારમાં હરિયાળી છવાઈ હતી અને દિવસના કારોબારનો અંત થાય તે
પહેલાં જ મુખ્ય ઈન્ડેક્સ Nifty-50એ ઈતિહાસ રચી દીધો હતો.
ખરેખર બપોરના સમયે નિફ્ટી ઈન્ડેક્સ તેના તમામ જૂના રેકોર્ડ ધરાશાયી કરતાં રેકોર્ડ
ઊંચાઈએ પહોંચી ગયું અને 20000ના લેવલ પર પહોંચી ગયું
હતું.
પહેલીવાર Niftyએ આ સ્તરને સ્પર્શ કર્યો
ઉલ્લેખનીય
છે કે જુલાઈ 2023 બાદ નિફ્ટીનો આ નવો રેકોર્ડ હાઈ છે. અગાઉ
આ આંકડો 19995નો હતો. સમાચાર લખાવા સુધી Nifty 187.90 પોઈન્ટના ઉછાળા સાથે 20007.05 પર ટ્રેડ થઈ રહ્યું હતું. સોમવારે શેરબજારની શરૂઆતમાં જ
બજારમાં ઉછાળો નોંધાયો હતો. આ દરમિયાન Nifty-50 ઈન્ડેક્સ
સવારે 19890ના સ્તરે ઓપન થયું હતું. જેમ જેમ બજાર આગળ
વધ્યો તેમ તેમ Niftyએ ઝડપથી ગતિએ ઉછાળો દર્શાવ્યો હતો.
પહેલીવાર Niftyએ આ સ્તરને સ્પર્શ કર્યો છે.