નોકિયા X20 અને X10માં ક્વૉલકોમ સ્નેપડ્રેગન 480 5G પ્રોસેસર મળશે

નોકિયાની પ્રોડક્ટ બનાવનાર ફિનલેન્ડની કંપની HMD ગ્લોબલે નોકિયાના 6 નવા સ્માર્ટફોન લોન્ચ કર્યાં છે. તેમાં X, G અને C સિરીઝના ફોન સામેલ છે. આ સિરીઝમાં X20, X10, G20, G10, C20 અને C10 સ્માર્ટફોન સામેલ છે. તમામ સ્માર્ટફોનનું વેચાણ દુનિયાભરમાં આ મહિનેથી જ શરૂ થઈ જશે.

આ સિરીઝમાં X સિરીઝના સ્માર્ટફોન પ્રીમિયમ સ્માર્ટફોન હશે. G સિરીઝના સ્માર્ટફોન મિડ રેન્જ અને C સિરીઝના બજેટ સ્માર્ટફોન છે.

કિંમત

·         નોકિયા X10: EUR 309 (આશરે 27,400 રૂપિયા)

·         નોકિયા X20: EUR 349 (આશરે 31,000 રૂપિયા)

·         નોકિયા G10: EUR 139 (આશરે 12,300 રૂપિયા)

·         નોકિયા G20: EUR 159 (આશરે 14,000 રૂપિયા)

·         નોકિયા C10: EUR 79 (આશરે 7,000 રૂપિયા)

·         નોકિયા C20: EUR 89 (આશરે 7,900 રૂપિયા)

સ્માર્ટફોન્સનાં સ્પેસિફિકેશન

·         કંપનીએ આ ત્રણેય સિરીઝના લેટેસ્ટ સ્માર્ટફોન વિશે વધારે કોઈ માહિતી આપી નથી. નોકિયા X20 અને X10માં ક્વૉલકોમ સ્નેપડ્રેગન 480 5G પ્રોસેસર મળશે. ફોનમાં 6.67 ઈંચની ફુલ HD+ પંચ હોલ ડિસ્પ્લે મળશે. X20માં 32MPનો ફ્રન્ટ કેમેરા અને 64MPનું ક્વૉડ રિઅર કેમેરા સેટઅપ મળશે. નોકિયા X10માં 48MPમાં ક્વૉડ રિઅર કેમેરા મળશે. બંને સ્માર્ટફોન એન્ડ્રોઈડ 11 OS પર રન કરશે.

·         નોકિયા G20 સિરીઝના ફોનમાં 6.52 ઈંચની ડિસ્પ્લે મળશે. બંને ફોનમાં 5050mAhની બેટરી મળશે. નોકિયા G10માં 13 MP+ 2MP + 2MPનું રિઅર કેમેરા સેટઅપ અને 8MPનો ફ્રન્ટ કેમેરા મળશે.

·         નોકિયા G20માં 48 MP+5 MP+2 MP+2 MPનું રિઅર કેમેરા સેટઅપ અને 8MPનો ફ્રન્ટ કેમેરા મળશે.

·         નોકિયા C10 સિરીઝના બંને સ્માર્ટફોનમાં 6.52 ઈંચની ડિસ્પ્લે મળશે. C10 અને C20 બંને સ્માર્ટફોનમાં 5MPનો ફ્રન્ટ અને રિઅર કેમેરા મળશે. C10માં 4470mAhની બેટરી અને C20માં 3000mAhની બેટરી મળશે.