15 વર્ષમાં માર્કેટ 10 હજારથી 60 હજાર સુધી પહોંચી ગયું
બુધવાર (28 જૂન)ના રોજ શેરબજારે
તેની સર્વકાલીન ઊંચી સપાટી બનાવી છે. ટ્રેડિંગ દરમિયાન સેન્સેક્સ 64,050ની સપાટીએ પહોંચી ગયો
હતો. જોકે, આ પછી થોડો ઘટાડો થયો હતો અને તે 499 પોઈન્ટ વધીને 63,915ના સ્તરે બંધ રહ્યો
હતો. આ મહિનાની શરૂઆતમાં, 22 જૂને, શેરબજારે તેની સર્વકાલીન ઊંચી સપાટી બનાવી હતી. ત્યાર બાદ સેન્સેક્સ 63,601ના સ્તરને સ્પર્શ્યો
હતો.
અહીં, નિફ્ટીએ પણ 19,011ની સર્વકાલીન ઊંચી
સપાટી બનાવી છે. આ પછી તે પણ થોડો નીચે આવ્યો અને 154 પોઈન્ટથી વધુના વધારા
સાથે 18,972ના સ્તરે બંધ થયો. અગાઉ, નિફ્ટીનો સર્વકાલીન ઉચ્ચ સ્તર 18,887.60 હતો જે તેણે 1 ડિસેમ્બર, 2022ના રોજ બનાવ્યો હતો. NSE પર લગભગ તમામ સેક્ટરમાં
તેજી જોવા મળી હતી. નિફ્ટી મેટલ અને ફાર્મા સૌથી વધુ ચઢ્યા હતા.
પ્રી-ઓપનિંગ સેશન શું
છે?
શેરબજારની વોલેટિલિટીને કન્ટ્રોલ કરવા માટે પ્રી-ઓપનિંગ સેશન છે. ભારતીય
બજારોના પ્રી-ઓપનિંગ સેશનનો સમય સવારે 9:00થી સવારે 9:15 સુધીનો છે. પ્રી-ઓપનિંગ
સ્ટ્રેટેજી અપનાવવામાં આવે છે, જેથી બજાર ખૂલતાં પહેલાં કોઈપણ જાહેરાત ટાળી શકાય, જે બજારને અસ્થિર બનાવી
શકે. જાહેરાત જેવી કે કંપનીનું મર્જર અને એક્વિઝિશન, કંપનીના સ્ટોકનું
ડિલિસ્ટિંગ વગેરે.
આ વર્ષે અત્યારસુધીમાં
માર્કેટ 4%થી વધુની તેજી
આ વર્ષે અત્યારસુધીમાં બજારમાં જોરદાર તેજી જોવા મળી છે. આ વર્ષની શરૂઆતમાં
એટલે કે 2 જાન્યુઆરીએ (બજાર 1 જાન્યુઆરીએ બંધ હતું), સેન્સેક્સ 61,167ના સ્તરે હતો, જે હવે (28 જૂન) 63,716 પોઈન્ટ પર પહોંચી ગયો છે. આ વર્ષે અત્યારસુધીમાં એમાં 4%થી વધુ એટલે કે 2,549 પોઈન્ટનો વધારો જોવા
મળ્યો છે. જાણકારોના મતે આ તેજી આગળ પણ ચાલુ રહી શકે છે.
15 વર્ષમાં
માર્કેટ 10 હજારથી 60 હજાર સુધી પહોંચી ગયું
25 જુલાઈ, 1990ના રોજ BSE સેન્સેક્સ પ્રથમ વખત 1 હજારની સપાટીને સ્પર્શ્યો હતો.
1 હજારથી 10 હજાર સુધી આવતાં લગભગ 16 વર્ષ (6 ફેબ્રુઆરી 2006) લાગ્યાં, પરંતુ 10 હજારથી 60 હજારની સફર માત્ર 15 વર્ષમાં પૂરી કરી.