બીજું જૂઠ- એ 8 કરોડ લોકો પણ મતદાન કરશે જે રજિસ્ટર્ડ નથી કરાયા

અમેરિકામાં રિપબ્લિકન પાર્ટીએ ડોનાલ્ડ ટ્રમ્પને તેમના રાષ્ટ્રપતિ પદના ઉમેદવાર જાહેર કરી દીધા છે. ટ્રમ્પ ગુરુવારે ઉમેદવારી મંજૂરીનું ભાષણ આપશે. પણ તે પહેલા દિવસે જ કન્વેન્શનનું ટીવી પ્રસારણ શરૂ થવાથી 8 કલાક પહેલાં મંચ પર પહોંચી ગયા હતા. કાર્યક્રમ ઉત્તર કેરોલિનામાં ચાલી રહ્યો હતો.

ટ્રમ્પે ભાષણની શરૂઆત જ જુઠ્ઠાણાંથી કરી હતી. તેમણે કહ્યું કે મેક્સિકોની સરહદે દીવાલ સંપૂર્ણપણે તૈયાર થઈ ચૂકી છે પણ ન્યૂઝ ચેનલો આ વાત સ્વીકારવા તૈયાર નથી. બીજું જૂઠ એ કહ્યું કે એ 8 કરોડ લોકો પણ પોસ્ટલ બેલેટનો ઉપયોગ કરી શકશે જે મતદાન માટે રજિસ્ટર્ડ થયા નથી. તે પછી ટ્રમ્પે કહ્યું કે અમેરિકામાં મહામારીનો મુકાબલો ખૂબ જ સારી રીતે કરાયો છે. દરેક જગ્યાએ ભીડ જોઈને એ વાતનો અંદાજ લગાવી શકાય છે. જોકે સત્તાવાર રીતે કોઈ પણ વિભાગ અને અધિકારીએ આ ત્રણેય બાબતો સત્ય હોવાની પુષ્ટી કરી નહોતી.

·         ટ્રમ્પના દીકરા જુનિયર ટ્રમ્પે બિડેન પર પ્રહાર કરતાં કહ્યું કે ચૂંટણીમાં કટ્ટરપંથીઓને જીતાડશો નહીં. અમેરિકા અવસર અને વાયદો પૂર્ણ કરનારી ધરતી છે.

·         ભારતીય-અમેરિકી રાજનેતા નિક્કી હેલીએ કહ્યું કે ડેમોક્રેટ કહે છે કે અમેરિકામાં જાતિવાદ છે. આ એક જુઠ્ઠાણું છે. અમેરિકા જાતિવાદી દેશ નથી. ભારતીય હોવા છતાં મને અને મારા પરિવારે ક્યારેય અમેરિકામાં નફરતનો સામનો કરવો પડ્યો નથી.

·         વિદેશમંત્રી માઈક પોમ્પિઓએ ગત મહિને જ તેમના વિભાગના તમામ લોકોને ચૂંટણીપ્રચાર ન કરવાની ચેતવણી આપી હતી. તેમણે કહ્યું હતું કે આ સંઘીય કાયદા વિરુદ્ધ છે પણ પોમ્પિઓ ખુદ જ ટ્રમ્પનું સમર્થન કરવા કન્વેન્શનમાં પહોંચ્યા હતા.