સનાતન ધર્મ વિરુદ્ધ ઉદયનિધિના નિવેદનથી તમિલનાડુના રાજકારણમાં ખળભળાટ મચી ગયો છે

તમિલનાડુના રાજકારણમાં બ્રાહ્મણવાદ અને હિન્દીનો વિરોધ હંમેશા મોટો મુદ્દો રહ્યો છે. છેલ્લા કેટલાક સમયથી આ અંગે સતત ચર્ચાઓ ચાલી રહી છે. આ દરમિયાન તમિલનાડુ સરકારના મંત્રી અને ડીએમકે ચીફ એમકે સ્ટાલિનના પુત્ર ઉધયનિધિ સ્ટાલિને 'સનાતન ધર્મ' પર વિવાદાસ્પદ નિવેદન આપ્યું છે. આ પછી કોંગ્રેસ અને વિપક્ષ સાથે I.N.D.I.A.ના ગઠબંધનમાં સામેલ ઘણા નેતાઓ પણ ચિંતામા મૂકાયા છે. ડીએમકે પણ લોકસભા ચૂંટણી માટે રચાયેલા આ ગઠબંધનનો એક ભાગ છે.

હકીકતમાં, તમિલનાડુમાં બ્રાહ્મણવાદ અને હિન્દીનો વિરોધ 50 વર્ષથી વધુ જૂનો છે. આની પાછળ દ્રવિડિયન રાજનીતિની પૃષ્ઠભૂમિ પણ છે. તેનું નેતૃત્વ ઈ.વી. રામાસામી નાયકર પેરિયારે કર્યું હતું. મંત્રી ઉદયનિધિના નિવેદન પર નજર કરીએ તો તેમાં પણ આ રાજનીતિની છાપ દેખાય છે. ચેન્નાઈમાં એક કોન્ફરન્સને સંબોધતા ઉદયનિધિ સ્ટાલિને કહ્યું, "કેટલીક બાબતો એવી છે જેને આપણે પૂરી કરવાની છે અને આપણે માત્ર વિરોધ કરી શકતા નથી. મચ્છર, ડેન્ગ્યુ, કોરોના અને મેલેરિયા એવી વસ્તુઓ છે જેનો આપણે વિરોધ કરી શકતા નથી. આપણે તેને ખતમ કરવી પડશે. સનાતનમ (સનાતન ધર્મ) પણ આવો જ છે. અમારું પ્રથમ કાર્ય સનાતનનો વિરોધ કરવાનું નથી પણ તેને નાબૂદ કરવાનું છે."

ઉદયનિધિએ કહ્યું, સનાતને સ્ત્રીઓ સાથે શું કર્યું? સનાતને જેમણે તેમના પતિ ગુમાવી ચૂકેલી મહિલાઓને આગમાં ધકેલી, તેણે વિધવાઓના મુંડન કરાવ્યા અને તેમને સફેદ સાડીઓ પહેરાવી... જ્યારે દ્રવિડમ (દ્રમુક શાસક દ્વારા અપનાવવામાં આવેલ દ્રવિડિયન વિચારધારા) એ શું કર્યું? તેમાં મહિલાઓ માટે બસોમાં મફત મુસાફરી તેમજ કોલેજના શિક્ષણ માટે ગર્લ સ્ટુડન્ટ્સને 1,000 રૂપિયાની માસિક સહાય આપવામાં આવી હતી."

ઉદયનિધિએ એમ પણ કહ્યું, "ચાલો આપણે તમિલનાડુના તમામ 39 સંસદીય ક્ષેત્રો અને પુડુચેરીમાં એક મતવિસ્તાર (2024 લોકસભા ચૂંટણી) જીતવાનો સંકલ્પ કરીએ. સનાતનને પડવા દો, દ્રવિડમને જીતવા દો." તેણે કહ્યું કે તે પેરિયાર, અન્ના અને કલાઈગ્નારના અનુયાયી છે. તે હંમેશા સામાજિક ન્યાય માટે લડશે અને સમાન સમાજનું નિર્માણ કરશે.

દ્રવિણાનાડુ શું છે અને તેને શા માટે એમને સમર્થન આપવામાં આવે છે?

દ્રવિડનાડુની માંગ એક સ્લોગનમાંથી ઉભરી આવી છે. "તમિલનાડુ તમિલ લોકો માટે છે" એ જ સૂત્ર છે જે પેરિયાર ઈ.વી. રામાસામી નાયકરે 1938માં સમગ્ર દેશમાં હિન્દી શિક્ષણને ફરજિયાત બનાવવાના વિરોધમાં આપ્યું હતું. શરૂઆતમાં આ સૂત્ર માત્ર તમિલભાષી વિસ્તારો પૂરતું મર્યાદિત હતું, પરંતુ બાદમાં આ વિરોધ આંધ્રપ્રદેશ, તેલંગાણા, કેરળ અને કર્ણાટકમાં ફેલાઈ ગયો. આ એવા રાજ્યો છે જ્યાં દ્રવિડિયન ભાષાઓ (તેલુગુ, મલયાલમ, કન્નડ) વધુ બોલાય છે.

પેરિયાર કોણ છે?

17 સપ્ટેમ્બર 1879 ના રોજ મદ્રાસમાં જન્મેલા, પેરિયારે 1919 માં કોંગ્રેસ પાર્ટી સાથે તેમની રાજકીય કારકિર્દી શરૂ કરી હતી અને તેઓ ગાંધીવાદી વિચારધારાના અનુયાયી હતા, તેમણે તેમની પત્ની નાગમણી અને બહેન બાલમ્બલને પણ સામેલ કર્યા હતા, જેઓ તે સમયે તાડીની (દારૂ) દુકાનોમાં અવાજ ઉઠાવવામાં મોખરે હતા. જો કે, આ પ્રક્રિયા લાંબી ચાલી નહીં અને પેરિયારે 1925માં કોંગ્રેસમાંથી રાજીનામું આપી દીધું. તેમનું માનવું હતું કે પાર્ટી બ્રાહ્મણોને વધુ સમર્થન આપી રહી છે અને પાર્ટીનો પ્રાથમિક એજન્ડા પણ બ્રાહ્મણો જ છે.

ચળવળ 1926 માં શરૂ થઈ

વર્ષ 1926 માં, પેરિયારે 'સ્વાભિમાન ચળવળ' શરૂ કર્યું. જેનો ઉદ્દેશ્ય જાતિ, ધર્મ અને ભગવાનથી રહિત તર્કસંગત સમાજનું નિર્માણ કરવાનો હતો. ચળવળના ઉદ્દેશ્યોમાં બ્રાહ્મણવાદી સત્તાનો અંત લાવવા, મહિલાઓ અને પ્રતિનિધિત્વ ધરાવતા સમૂહ માટે રોજગારમાં સમાનતા અને તેલુગુ, મલયાલમ, કન્નડ અને તમિલ જેવી દ્રવિડિયન ભાષાઓનો વિકાસ કરવાનો સમાવેશ થાય છે. આ ચળવળ જાતિ વ્યવસ્થાથી સંપૂર્ણપણે અસ્પૃશ્ય હતી.

પેરિયાર અનુસાર આર્ય બ્રાહ્મણો જે સંસ્કૃત બોલતા હતા અને ઉત્તર ભારતમાંથી આવ્યા હતા તેઓ તમિલ પ્રદેશમાં જાતિવાદ લાવ્યા હતા. પેરિયારે હિન્દી ફરજિયાત લાગુ કરવા સામે મજબૂત ચળવળને ટેકો આપ્યો હતો. તમિલ પ્રદેશમાં હિન્દીને ફરજિયાત બનાવવું એ 'ઉત્તર ભારતીય સામ્રાજ્યવાદ' સ્થાપિત કરવાનો પ્રયાસ હોવાનું પણ કહેવાયું હતું.

પાર્ટીમાં બ્રાહ્મણ વિરોધી ચળવળનો સમાવેશ કરવામાં આવ્યો

પેરિયાર ઈ. વી. રામાસામી નાયકર જસ્ટિસ પાર્ટીના સભ્ય પણ હતા. આવી સ્થિતિમાં, 1938માં તેમણે સ્વાભિમાન ચળવળ અને જસ્ટિસ પાર્ટીને એકસાથે લાવ્યા. પાર્ટીને 1944માં દ્રવિડ કઝગમ (DK) નામ આપવામાં આવ્યું હતું. DKએ બ્રાહ્મણો, આર્યો અને કોંગ્રેસનો વિરોધ કર્યો અને તમિલ રાષ્ટ્રની માંગણી કરી. જો કે, તેને લોકો તરફથી વધુ સમર્થન ન મળ્યું જેના કારણે માંગ ધીમે ધીમે ઓછી થઈ.

પેરિયારે આઝાદી બાદ ચૂંટણી લડી ન હતી

સ્વતંત્રતા બાદ પેરિયારે ચૂંટણી લડવાની ના પાડી દીધી હતી. 1949માં,, પેરિયારના સૌથી નજીકના સહયોગીઓમાંના એક સી.એન. અન્નાદુરાઈ, વૈચારિક મતભેદોને કારણે તેમનાથી અલગ થઈ ગયા. તેમણે પાર્ટીનું વિભાજન કર્યું અને 1949માં દ્રવિડ મુનેત્ર કઝગમ (DMK)ની રચના કરી, જેણે ચૂંટણી પ્રક્રિયામાં ભાગ લીધો. અન્નાદુરાઈ પછી, એમ. કરુણાનિધિએ DMKનો હવાલો સંભાળ્યો. દક્ષિણ ભારતના પ્રખ્યાત અભિનેતા એમ.જી. રામચંદ્રન (MGR) પણ તે જ પાર્ટીમાં હતા.

1977માં MGR મુખ્યમંત્રી બન્યા 

કરુણાનિધિ અને MGR વછે મતભેદો થયા. MGRએ પોતાની નવી પાર્ટી અખિલ ભારત અન્ના દ્રવિડ મુનેત્ર કડગમ બનાવી. તેઓએ પોતાની પાર્ટીની વિચારધારા તરીકે લોક-કલ્યાણ અપનાવ્યું. જેના કરને DKનો મૂળ તર્ક્વાદ અને બ્રાહ્મણ વિરોધી એજન્ડા નબળો પડી ગયો. 1977 MGR મુખ્યમંત્રી બન્યા અને ત્યારબાદ કોઈ તેમને હરાવી ન શક્યા. MGR બાદ તેમના ઉતરાધિકારી તરીકે જયલલિતા સત્તા પર આવ્યા. જેઓ પાર્ટીની નીતિ સાથે જ આગળ વધીને મુખ્યમંત્રી બન્યા. 

તમિલનાડુમાં બ્રાહ્મણવાદ સામે રાજકારણ કેમ?

ઈતિહાસકાર રામચંદ્ર ગુહાએ તેમના પુસ્તક 'મેકર્સ ઓફ ઈન્ડિયા'માં દાવો કર્યો છે કે કેવી રીતે બ્રિટિશ શાસનના શરૂઆતી સમયગાળા દરમિયાન મહારાષ્ટ્ર અને તમિલનાડુ જેવા રાજ્યોમાં બ્રાહ્મણોને સૌથી વધુ ફાયદો થયો હતો. બ્રાહ્મણો અંગ્રેજી ભાષા શીખ્યા અને શિક્ષક, વકીલ, ડોકટર અને સરકારી કર્મચારીઓ બન્યા. સમાજમાં પણ તેમનું ઉચ્ચ સ્થાન હતું. તે જ સમયે, રાજકીય દૃષ્ટિકોણથી પણ બ્રાહ્મણોની સારી પકડ હતી.

પેરિયારે તેમના કેટલાક લખાણોમાં, સમાજના અમુક વર્ગોને હાંસિયામાં ધકેલી દેતી, હિન્દુ ધાર્મિક પ્રથાઓની પણ ટીકા કરી હતી. ગુહાના પુસ્તકમાં પેરિયારના કેટલાક ભાષણો પણ લેવામાં આવ્યા હતા. જેમાં તેણે લખ્યું છે કે, "ભારત આવ્યા પછી તરત જ ખ્રિસ્તીઓએ આપણા લોકોને એકઠા કર્યા, લોકોને શિક્ષિત કર્યા અને તેઓ આપણા માલિક બની બેઠા. બીજી તરફ ભગવાને બનાવેલ આપનો ધર્મ જે લાખો વર્ષ જૂનો કહેવાય છે, તેમના અનુસાર મોટાભાગના તેમના લોકોએ તેમના ધર્મગ્રંથો વાંચવા જોઈએ નહીં. જો કોઈ આ આદેશનો અનાદર કરે છે, તો ગ્રંથ વાંચનારની જીભ કાપી નાખવા, સાંભળનારના કાનમાં પીગળેલું સીસું રેડવું અને શીખનારનું હૃદય બહાર કાઢવા જેવી સજા આપવામાં આવે છે."  

બ્રાહ્મણ વિરોધી રાજકારણ હવે કેમ વેગ પકડી રહ્યું છે?

તમિલનાડુના બ્રાહ્મણ બહુલ વિસ્તારના ધારાસભ્ય એસ.વી. શેખરે 2016માં કહ્યું હતું કે "તમિલનાડુમાં બ્રાહ્મણ પરિવારમાં જન્મ લેવો એ અભિશાપ છે. રાજ્યમાં માત્ર 4 ટકા જ બ્રાહ્મણો છે, જેના કારણે તેઓને અવગણવામાં આવે છે."

પેરિયારના હિન્દી વિરોધી વલણનો સૌથી વધુ ઉપયોગ તમિલનાડુમાં પાર્ટીઓ દ્વારા કરવામાં આવ્યો છે. દર વર્ષે, તમિલનાડુ ભાષા શહીદ દિવસની ઉજવણી કરે છે, જે રાજ્યમાં હિન્દી વિરોધી આંદોલન દરમિયાન બલિદાન આપનારા લોકોની યાદમાં ઉજવવામાં આવે છે.

જાન્યુઆરી 2023 માં, મુખ્યમંત્રી એમ.કે. સ્ટાલિને આરોપ મૂક્યો હતો કે, "એક રાષ્ટ્ર, એક ચૂંટણી, એક ધર્મ" ની જેમ ભાજપ દેશની વિવિધ સંસ્કૃતિને એક જ ભાષાથી નષ્ટ કરવાનો પ્રયત્ન કરી રહી છે. સ્ટાલિને કહ્યું હતું કે કેન્દ્રની ભાજપ સરકાર વહીવટથી લઈને શિક્ષણ સુધી દરેક વસ્તુમાં હિન્દી થોપવાનો પ્રયત્ન  કરી રહી છે અને તમિલનાડુ હંમેશા તેનો વિરોધ કરશે.

સમસ્યા એ છે કે પેરિયારને તેમના જાતિવિરોધી સામાજિક સંદેશ માટે યાદ કરવામાં આવે છે. પાર્ટીઓ ચૂંટણી લડવા માટે તેમના આંદોલનનો ઉપયોગ કરી રહી છે. આ સાથે, તમિલનાડુમાં મોટાભાગના પક્ષો હવે જાતિ આધારિત રાજકારણ કરે છે, પરંતુ પેરિયારના બ્રાહ્મણવાદના વિરોધ પાછળનો સાચો તર્ક બહુ ઓછા લોકો જાણે છે.