કેરળથી થઈ સંક્રમણની શરૂઆત, 30 જાન્યુઆરીએ કોરોનાનો પહેલો કેસ સામે આવ્યો, 11 માર્ચે કર્ણાટકમાં પહેલું મોત થયું

નવી દિલ્હી: દુનિયામાં ત્રાસદી ફેલાવ્યા પછી કોરોના વાઈરસે ભારતમાં પણ ઝડપથી અસર દેખાડવાનું શરૂ કરી દીધું છે. મંગળવારે દેશમાં મૃત્યુઆંક 1000ને પાર થઈ ગયો છે. દેશમાં કોરોના વાઈરસનો પહેલો કેસ 30 જાન્યુઆરીએ કેરળમાં આવ્યો હતો. આંકડાઓ પર નજર નાખીએ તો પહેલો કેસ સામે આવ્યાના 62 દિવસમાં એટલે કે 31 માર્ચ સુધીમાં દેશમાં 50 લોકોના મોત થયા. પહેલું મોત 11 માર્ચે થયું હતું. ત્યારે ઈન્ફેક્ટેડ લોકોની સંખ્યા 1635 થઈ હતી. ત્યારપછી ઈન્ફેક્શન એવું ફેલાયું કે, 28 દિવસોમાં કોરોનાથી 961 લોકોના જીવ ગયા અને 29 હજાર લોકોને ઈન્ફેક્શન થઈ ગયું. આ રીતે 30 જાન્યુઆરીથી અત્યાર સુધીમાં દેશમાં 1011 લોકોના મોત થયા છે, જ્યારે 30,635 લોકોને ઈન્ફેક્શન થયું છે.

28 એપ્રિલે સૌથી વધારે કેસ સામે આવ્યા અને રેકોર્ડ બ્રેક મોત થયા
દેશમાં કોરોના ઈન્ફેક્ટેડ અને તેનાથી થતી મોતની સંખ્યા સતત વધી રહી છે. મંગળવારે 28 એપ્રિલે રેકોર્ડ 1903 લોકોને ઈન્ફેક્શન થયું હતું. આ એક જ દિવસમાં સૌથી વધારે પોઝિટિવ કેસની સંખ્યા છે. આ પ્રમાણે મોતના આંકડામાં પણ મંગળવારનો દિવસ દેશ માટે ભારે રહ્યો હતો. એક દિવસમાં કોરોનાના કારણે રેકોર્ડ 71 લોકોના મોત થયા હતા. જોકે સારી વાત એ છે કે, કોરોના દર્દીઓની રિકવરીમાં સતત વધારો થઈ રહ્યો છે. દેશમાં અત્યારે 23.83 ટકા દર્દીઓ સાજા થઈ રહ્યા છે. અત્યાર સુધીમાં 7412 લોકો સાજા થઈ ગયા છે. સ્વાસ્થય મંત્રાલયના જણાવ્યા પ્રમાણે 17 એવા જિલ્લા છે જ્યાં પહેલાં કેસ આવ્યા હતા પરંતુ છેલ્લા 28 દિવસમાં અહીં કોઈ નવા કેસ સામે આવ્યા નથી.

30 જાન્યુઆરીએ દેશમાં કોરોનાનો પહેલો કેસ સામે આવ્યો, પછી સતત વધતી રહી સંખ્યા

ટોપ 5 રાજ્યો જ્યાં સંક્રમણ સૌથી વધારે છે

આ 05 દિવસમાં સૌથી વધારે કેસ આવ્યા

આ 6 દિવસમાં સૌથી વધારે મોત થયા