• Home
  • News
  • મધ્ય પ્રદેશના રીવામાં બોરવેલમાં નાનો માસૂમ ફસાયો, રેસ્ક્યુ ટીમે શરૂ કર્યુ રેસ્ક્યુ ઓપરેશન
post

બાળક 70 ફૂટ નીચે ફસાયો હોવાનો અંદાજ

Written By newsonline | Ahmedabad | Published: 2024-04-13 12:25:45

મધ્ય પ્રદેશ: રીવામાં શુક્રવારે બોરવેલમાં પડેલા 6 વર્ષના માસુમને બહાર કાઢવાનું કામ લગભગ 17 કલાકથી ચાલી રહ્યું છે. આખી રાત બચાવ કામગીરી ચાલી રહી છે. બોરવેલની સમાંતર 60 ફૂટનું ખોદકામ કરવામાં આવ્યું છે. માસુમ શુક્રવારે બપોરે લગભગ 3.30 વાગ્યે 160 ફૂટ ઊંડા બોરવેલમાં પડી ગયો હતો. માસુમ બાળકના મામા નિર્મલા કહે છે કે અમને ભગવાનમાં શ્રદ્ધા છે. અમારું બાળક ટુંકસમયમાં બહાર આવશે. રેસ્ક્યુ ટીમ સમાંતર 8 જેસીબી મશીન વડે બોરવેલ ખોદી રહી છે. હાલમાં બાળકની કોઈ હિલચાલ દેખાતી નથી. એવું કહેવામાં આવી રહ્યું છે કે તેની ઉપર કાદવ આવવાને કારણે તે વધુ ઊંડો ઉતરી ગયો છે.

 

આ મામલો એમપીના રીવા જિલ્લા મુખ્યાલયથી લગભગ 90 કિલોમીટર દૂર જાનેહ પોલીસ સ્ટેશન વિસ્તારના મનિકા ગામનો છે. બાળક મયંક(6)ના પિતા વિજય આદિવાસી છે. તે ખેતરમાં બાળકો સાથે રમી રહ્યો હતો. આ દરમિયાન તે ખેતરમાં જ ખુલ્લા બોરવેલમાં પડી ગયો હતો. બાળકની માતા શીલા આદિવાસી તેની માસૂમ પુત્રીને ખોળામાં લઈને આખી રાત ઘટનાસ્થળે બેઠી હતી. બાળકના દાદા હિંચલાલ આદિવાસી પણ તેના સુરક્ષિત બહાર નીકળવાની આશા રાખે છે. તેઓ કહે છે- મને ભગવાનમાં શ્રદ્ધા છે.