ડીપ લર્નિંગ એક ઉત્તમ પ્રકારનું AI છે જેનાથી બીમારી સાથે સબંધિત પેટર્ન શોધવા માટે એક્સ-રેની તપાસ કરવામાં આવશે
કેન્સરથી થતાં મૃત્યુનું સૌથી સામાન્ય કારણ ફેફસાનું કેન્સર છે. લગભગ 10-20% ફેફસાનું કેન્સર ધૂમ્રપાન ન કરનારા લોકોને છે. જેમણે ક્યારેય સિગારેટ નથી પીધી અથવા તો પોતાના જીવન દરમિયાન 100થી ઓછી સિગારેટ પીધી છે. રિસર્ચમાં સંશોધકોએ આ પરીક્ષણ કરીને ધૂમ્રપાન ન કરનારાઓમાં ફેફસાના કેન્સરને શોધવાનો પ્રયાસ કર્યો છે. AI દ્વારા આ શક્ય બન્યું છે. આ ડિવાઈસ ઈલેક્ટ્રોનિક મેડિકલ રેકોર્ડમાંથી છાતીના એક્સ-રેના આધાર પર ક્યારેય ધૂમ્રપાન ન કરનારાઓના ફેફસાના કેન્સરને ઓળખી શકે છે.
એક્સ-રેની કરશે તપાસ
ડીપ લર્નિંગ એક ઉત્તમ પ્રકારનું AI છે જેનાથી બીમારી સાથે સબંધિત પેટર્ન શોધવા માટે એક્સ-રેની તપાસ કરવામાં આવશે. આ પરીક્ષણ માટે માત્ર એક્સ-રેની જરૂર પડશે, જે છાતીની સૌથી સામાન્ય તપાસમાંથી એક છે.
આવી રીતે તૈયાર થયુ ઈનપુટ
સીએક્સઆર-લંગ-રિસ્ક મોડલ ઈનપુટ તરીકે એક ચેસ્ટ એક્સ-રે છબીના આધાર પર ફેફસા સાથે સંબંધિત મૃત્યુ દર જોખમ વિશે માહિતી મેળવશે. તેને 40,643 ધૂમ્રપાન કરનારા અને ક્યારેક ધૂમ્રપાન ન કરનારા 1,47,497 ચેસ્ટ એક્સ-રેનો ઉપયોગ કરીને વિકસાવવામાં આવ્યુ હતુ. સામાન્ય શબ્દોમાં આ એઆઈ ડિવાઈસ ઈલેક્ટ્રોનિક મેડિકલ રેકોર્ડમાં હાજર ચેસ્ટ એક્સ-રેનો ઉપયોગ કરીને ક્યારેય પણ ધૂમ્રપાન ન કરનારા લોકો માટે ફેફસાના કેન્સરના ઉચ્ચ જોખમનું સ્ક્રિનિંગ કરી શકશે.