ટ્રમ્પ એડમિનિસ્ટ્રેશને વૉશિંગ્ટનની ફેડરલ ડિસ્ટ્રિક્ટ કોર્ટને પૂર્વ અમેરિકન પ્રમુખ બરાક ઓબામા સરકારના એ નિયમને રોકવાની અપીલ કરી
વૉશિંગ્ટન: અમેરિકામાં રહેતા
હજારો ભારતીયો માટે રાહતના સમાચાર આવ્યા છે. ટ્રમ્પ એડમિનિસ્ટ્રેશને વૉશિંગ્ટનની
ફેડરલ ડિસ્ટ્રિક્ટ કોર્ટને પૂર્વ અમેરિકન પ્રમુખ બરાક ઓબામા સરકારના એ નિયમને
રોકવાની અપીલ કરી છે, જેમાં કેટલીક શ્રેણીમાં એચ-1બી
વિઝાધારકોનાં પતિ કે પત્નીને દેશમાં કામ કરવાની મંજૂરી અપાય છે. ગૃહમંત્રાલયે
કોર્ટમાં દલીલ કરી છે કે, એચ-4 વિઝાધારકોને
કામ કરવાની મંજૂરી આપતા 2015ના આદેશને પડકારતા અમેરિકન પ્રોફેશનલ્સને
આ પ્રકારની મંજૂરીથી કોઈ નુકસાન જ નથી. યુએસ સિટિઝનશિપ એન્ડ ઈમિગ્રેશન સર્વિસીસ
(યુએસસીએઆઈએસ) દ્વારા એચ-1બી વિઝાધારકોના પરિવારના સભ્યો (પતિ-પત્ની
અને 21 વર્ષથી ઓછી વયનાં સંતાનો)ને એચ-4 વિઝા
જારી કરાય છે, જેમાં મોટા ભાગના પ્રોફેશનલ ભારતીય છે. 2017
સુધી યુએસસીએઆઈએસએ આશરે 1.27 લાખ
લોકોને એચ-4 વિઝાની મંજૂરી આપી હતી. આ વિઝા સામાન્ય
રીતે એ લોકોને અપાય છે, જેમણે પહેલા જ રોજગાર આધારિત કાયદાકીય
સ્થાયી નિવાસનો દરજ્જો હાંસલ કરવાની પ્રક્રિયા શરૂ કરી દીધી છે.