સાક્ષીએ કહ્યું- જ્યાં સુધી કંઈ ખબર પડે ત્યાં સુધી હાથમાં ગોળી વાગી ગઈ હતી

બિહારના બેગુસરાયમાં મંગળવારે સાંજે 6 વાગ્યે NH-28 પર બાઇકસવારોએ તાબડતોબ ફાયરિંગ કર્યું. 30 કિલોમીટરના વિસ્તારમાં બદમાશ ગોળીબાર કરતા રહ્યા. રસ્તામાં જે દેખાયા તેમને ગોળી મારી. કુલ 11 લોકોને ગોળી વાગી હતી.

7 પોલીસકર્મી સસ્પેન્ડ
ગોળી વાગતાં પંચાયત સમિતિના સભ્ય અમિત કુમારનું મોત થયું છે, જ્યારે પ્રાઈવેટ ફાઈનાન્સ કર્મચારી સહિત 10 લોકો ઘાયલ થયા, એમાં 3ની હાલત ગંભીર છે. ભારતમાં આ પહેલી ઘટના છે.

પોલીસે સમસ્તીપુરમાંથી 2 શકમંદની અટકાયત કરી છે. ભાજપે આજે બેગુસરાઈ બંધનું એલાન આપ્યું છે. કેન્દ્રીય મંત્રી ગિરિરાજ સિંહે નીતીશ કુમારના રાજીનામાની માગ કરી છે. એસપીએ આ મામલે પોલીસની બેદરકારી સ્વીકારી છે. 7 પોલીસકર્મીને સસ્પેન્ડ કરવામાં આવ્યા છે.

સમસ્તીપુરમાંથી 2 શકમંદ કસ્ટડીમાં

સમસ્તીપુરની ઉજિયારપુર પોલીસે મંગળવારે મોડી રાત્રે NH-28 પર બહિરા ચોક નજીક વાહન ચેકિંગ દરમિયાન બાઇક પર સવાર બે બદમાશની અટકાયત કરી છે. બંને પાસેથી પિસ્તોલ અને ભારે કારતૂસ મળી આવી હતી. બંનેની ઉંમર 25-26 વર્ષની આસપાસ છે.

પોલીસને શંકા છે કે આ બંનેએ બેગુસરાયમાં ગોળીબાર કર્યો હતો. પૂછપરછ દરમિયાન બંનેએ ફાયરિંગની ઘટનાથી પોતાને દૂર રાખ્યા હતા. બંને બેગુસરાયના રહેવાસી હોવાનું કહેવાય છે. બીજી તરફ આ મામલાની જાણ થયા બાદ બેગુસરાયની પોલીસ ઉજિયારપુર પહોંચવાની છે.

સાક્ષીએ કહ્યું- જ્યાં સુધી કંઈ ખબર પડે ત્યાં સુધી હાથમાં ગોળી વાગી ગઈ હતી

ઈજાગ્રસ્ત ગૌતમ કુમારે જણાવ્યું હતું કે મંગળવારે સાંજે હું NH-28ની બાજુમાં ગેસની કાર લઈને ઊભો હતો. એ જ સમયે એક મોટરસાઇકલ પર આવેલા બે લોકો આવ્યા અને ફાયરિંગ શરૂ કર્યું. મને કંઈ ખબર પડે ત્યાં સુધીમાં મારા હાથમાં ગોળી વાગી ગઈ હતી. આ પછી ગુનેગારો ફાયરિંગ કરીને આગળ વધ્યા. જણાવી દઈએ કે ગૌતમ કુમાર ગેસ વેન્ડર છે. તે હાલ સદર હોસ્પિટલમાં દાખલ છે.

બેગુસરાયમાં ફાયરિંગ બાદ પટના એલર્ટ
પોલીસ હેડક્વાર્ટર પણ બેગુસરાઈમાં થયેલા ગોળીબારની ઘટના પર નજર રાખી રહ્યું છે. ADG હેડક્વાર્ટર જિતેન્દ્ર સિંહ ગંગવારે જણાવ્યું હતું કે જિલ્લાની પોલીસ ટીમ સતત કામ કરી રહી છે. ગુનેગારોની ઓળખ અને ધરપકડ કરવા માટે CCTV ફૂટેજની મદદ લેવામાં આવી રહી છે. રેન્જના DIG પણ ઘટનાસ્થળે ગયા છે. એસપી અને તેમની ટીમ સતત કાર્યવાહીમાં લાગેલી છે.

બીજી તરફ ગુનેગારો પટના તરફ ભાગી રહ્યા હોવાની માહિતી મળતાંની સાથે જ પટના પોલીસ એલર્ટ થઈ ગઈ છે. પટના SSP માનવજિત સિંહ ધિલ્લોંએ કહ્યું - અમને માહિતી મળતાંની સાથે જ રાજેન્દ્ર સેતુ પર ચેકિંગ કરવામાં આવ્યું છે. નાલંદા અને લખીસરાયને બાળવાના માર્ગ પર પણ ચાંપતી નજર રાખવામાં આવી રહી છે. અનેક જગ્યાએ નાકાબંધી કરવામાં આવી છે. અમને કેટલાક CCTV ફૂટેજ મળ્યા છે, જે મુજબ ગુનેગારોની શોધ ચાલી રહી છે.