બંને બાળકોની ડિલિવરી અલગ-અલગ દિવસે થશે
લંડન: ઇંગ્લેન્ડમાં
28 વર્ષની મહિલાને એક નહિ પણ બે ગર્ભાશય છે
અને આ બંને ગર્ભાશયમાં જોડિયાં બાળકો ઉછરી રહ્યા છે. કેલી ફેરહરસ્ટે 12 અઠવાડિયાં પછી
સોનોગ્રાફી કરાવી ત્યારે આ વાત સામે આ આવી છે. બાળકો પર કોઈ જોખમ નથી પણ તેમનો
જન્મ એક સમયે નહિ થાય તેવું ડોક્ટરનું કહેવું છે. આવો કેસ 5 કરોડમાં
એકવાર આવે છે. આ કપલને બે બાળકો છે.
28 વર્ષીય
કેલી ફેરહરસ્ટે મીડિયાને કહ્યું કે, મને
હજુ આ વાત પર વિશ્વાસ નથી આવતો. ચેકઅપ પછી મને જોરદાર ઝટકો મળ્યો છે, પણ હું
ખુશ છું કે હું બે સુંદર બાળકોને જન્મ આપવાની છું. આ કેસમાં સૌથી મોટું જોખમ છે કે
એક બાળકની પ્રિમેચ્યોર ડિલિવરી થઇ શકે છે. આ બંને બાળકોનો જન્મ સી-સેક્શનથી જ થશે.
એક તરફ મારા મનમાં ડર પણ છે અને હું ઉત્સુક પણ છું.
કેલી
એસેક્સ શહેરના સુપરમાર્કેટમાં કામ કરે છે. તેના પરિવારને જોડિયાં બાળકોની ખબર પડી
ત્યારે બધા ખુશ થઇ ગયા પણ આ બાળકો અલગ-અલગ ગર્ભાશયમાં છે તે કોઈએ સપનાંમાં પણ
નહોતું વિચાર્યું. લંડનની સેન્ટ જ્યોર્જ હોસ્પિટલના પ્રોફેસર એસ્મા ખલિલે કહ્યું
કે, આ ભાગ્યે જ જોવા મળતો કેસ છે. બે અલગ-અલગ
ગર્ભાશયમાં જોડિયાં બાળકોને ઘણી ઓછી મહિલાઓએ જન્મ આપ્યો છે. આ કેસમાં જોખમ પણ છે.
એક બાળકનો જન્મ 25 અઠવાડિયાં પછી થઇ જશે જ્યારે અન્ય બાળકનો
જન્મ તેના અમુક દિવસો પછી થઇ શકે છે.