ફાયરબ્રિગેડના કર્મીઓએ સાંકડી ખીણમાં સિંચાઈ પદ્ધતિ સ્થાપિત કરી જેથી વિસ્તારને ભીનો રાખી શકાય
સિડની: ઓસ્ટ્રેલિયાની ફાયરબ્રિગેડના નિષ્ણાતોની એક ટીમે જંગલોમાં લાગેલી આગથી વોલેમી પાઇન્સ(ચીડ)નાં 200 વૃક્ષોને બચાવી લીધાં છે. માહિતી અનુસાર આ વૃક્ષો ડાયનાસોરના યુગથી પણ પહેલાંના છે. સિડનીના ઉત્તર-પશ્ચિમે આવેલા વિશ્વ વારસામાં સામેલ બ્લૂ માઉન્ટેનની સાંકડી ખીણમાં આ વૃક્ષો હવે અલગથી દેખાઈ રહ્યાં છે. જંગલની આગમાં આ વિસ્તારનો મોટો હિસ્સો નષ્ટ થઈ ગયો છે. ગુરુવારે નેશનલ પાર્ક એન્ડ વાઈલ્ડ લાઈફ સર્વિસના અધિકારીઓએ જણાવ્યું કે તેના માટે વિશેષ અભિયાન ચલાવાયું.
ડિરેક્ટર ડેવિડ ક્રસ્ટ મુજબ ફાયરબ્રિગેડના કર્મીઓએ આ ડાયનાસોરથી જૂનાં વૃક્ષોને ભીના રાખવા માટે સિંચાઈ પદ્ધતિ સ્થાપી હતી. બે મહિના સુધી સતત આ ખીણમાં પાણીનો છંટકાવ કરાયો કેમ કે તેની આજુબાજુ આગ ફેલાઈ હતી. તે ઉપરાંત ફાયર ફાઈટર વિમાનોથી આગ ઓલવતા કેમિકલનો પણ છંટકાવ કરાઈ રહ્યો હતો. તેનાથી આ વૃક્ષો સુધી પહોંચતા પહેલાં આગની તીવ્રતા ઘટી ગઇ હતી. ન્યૂ સાઉથવેલ્સના પર્યાવરણમંત્રી મેટ કિઆન મુજબ આ વૃક્ષોની ચારે બાજુ સુરક્ષાત્મક રિંગ બનાવાઈ હતી. આ એક અભૂતપૂર્વ સંરક્ષણ અભિયાન હતું.
આ
વૃક્ષો
કેમ
ખાસ
છે...
વોલેમી
પાઇનનાં આ
વૃક્ષો
દુનિયામાં ફક્ત
સિડનીમાં જ
બચ્યાં
છે.
1994 સુધી
તેને
વિલુપ્ત મનાતાં
હતાં.
આ
પ્રજાતિ 20 કરોડ
વર્ષથી
પણ
જૂની
છે.
આ
ક્ષેત્રમાં લોકોની
અવર-જવર પર પ્રતિબંધ છે.
બે મહિના સુધી અભિયાન ચલાવાયું
બ્લૂ
માઉન્ટેન વિસ્તારોમાં વૃક્ષોને ભીનાં
રાખવા
માટે
વિશેષ
સિંચાઈ
પ્રણાલી લગાવાઈ
હતી.
ગત
અઠવાડિયે આ
વિસ્તારમાં વરસાદ
શરૂ
થયા
પછી
આ
કામ
રોકાયું. હવે
તો
આ
વિસ્તારનાં વૃક્ષો
પર
કૂપળો
ફૂટવા
લાગી
છે.
ડાયનાસોર વૃક્ષ
જે
વિસ્તારમાં હાજર
છે
ત્યાં
પહોંચવું પણ
સરળ
નહોતું.
સાંકડી
ખીણમાં
દોરડાની મદદથી
ફાયરબ્રિગેડના કર્મીઓને ઉતારાયા હતા.
બે
મહિના
સુધી
ચાલેલું આ
મિશન
સફળ
રહ્યું,
ઓસ્ટ્રેલિયાએ આ
વિશ્વ
વારસાને બચાવી
લીધો.