ભારતમાં સૌથી વધુ 6,309 મોત મહારાષ્ટ્ર અને 2,481 દિલ્હીમાં થયા છે

નવી દિલ્હી: દેશમાં કોરોનાના નવા દર્દી વધવા સાથે મોત પણ વધ્યા છે. સોમવારે દેશમાં કોરોનાથી મોતનો આંકડો 20 હજારને પાર થઇ જશે. પ્રથમ 10 હજાર મોત 80 દિવસમાં થયા જ્યારે તે પછીના 10 હજાર મોતમાં માત્ર 21 દિવસ લાગ્યા. દેશમાં 30 મે સુધી કોરોનાના દર્દીઓનો મૃત્યુદર 2.8% હતો, જે 25 જૂને 3.9% સુધી ગયો હતો. ત્યાર બાદ મોત રોકવામાં થોડી સફળતા જરૂર મળી પણ આ મામલે અમેરિકા અને બ્રાઝિલ હવે ભારતથી આગળ નીકળી ગયા છે. 

વિશ્વમાં સૌથી વધુ દર્દીઓવાળા અમેરિકામાં અગાઉ દર 100માંથી 6 દર્દીના મોત થતા હતા પણ ત્યાં 100માંથી 1 જ દર્દીનું મોત થાય છે. આ જ રીતે દર્દીઓ મામલે અમેરિકા બાદ બીજા ક્રમે પહોંચેલા બ્રાઝિલમાં મૃત્યુદર અડધો થઇ ગયો છે. ત્યાં મૃત્યુદર અગાઉ 5.8% હતો, જે હવે 2.6% થઇ ચૂક્યો છે. ભારતમાં સૌથી વધુ 8822 મોત મહારાષ્ટ્ર અને 3067 દિલ્હીમાં થયા છે. એટલે કે દેશના 46% મોત આ 2 રાજ્યમાં જ થયા છે. ગુજરાત 1944 મોત સાથે ત્રીજા અને તમિલનાડુ 1510 મોત સાથે ચોથા ક્રમે છે. 

10 રાજ્યમાં કોરોનાના 12,665 દર્દીના મોત થયા છે, જે કુલ મોતના 66%

·         ભારતમાં હવે માત્ર 21 દિવસમાં કોરોનાના દર્દીઓના મોતનો આંકડો બમણો થઇ રહ્યો છે. આ હિસાબે જુલાઇના અંત સુધીમાં દેશમાં 40 હજારથી વધુ મોત થઇ શકે છે.

·         દિલ્હી સહિત 6 રાજ્યમાં મોતનું પ્રમાણ ઘટ્યું છે. તેથી શક્ય છે કે આવનારા દિવસોમાં મોત બમણા થવાની ઝડપ ઓછી થાય.

·         અમેરિકામાં પ્રથમ 20 હજાર મોત માત્ર 40 દિવસમાં થયા હતા. ભારત આ આંકડા સુધી 101 દિવસમાં પહોંચ્યું છે.

10 દિવસમાં ત્રણવાર ભારતમાં અમેરિકાથી વધુ મોત નોંધાયા

દેશ: હરિયાણામાં મોત સૌથી ઝડપથી વધ્યા, દિલ્હી-ગુજરાતમાં ઘટ્યા