પ્રિયંકાએ તેના અગાઉના સંબંધોથી નાખુશ હોવા છતાં નિક સાથે વાત કરી અને બંને મિત્રો બની ગયા
ગ્લોબલ આઇકન પ્રિયંકા
ચોપરા આજે 41 વર્ષની થઈ ગઈ છે. જમશેદપુરમાં 18 જુલાઈ, 1982ના રોજ જન્મેલી
પ્રિયંકા એક સામાન્ય બ્લેક સ્કિન ધરાવતી છોકરી હતી, જેને બાળપણથી જ રંગભેદ
અને અભદ્ર ટિપ્પણીઓનો સામનો કરવો પડ્યો હતો. 13 વર્ષની ઉંમરે જ્યારે
તેને અમેરિકા ભણવા મોકલવામાં આવી ત્યારે તેને રંગભેદનો સામનો કરવો પડ્યો હતો.
અમેરિકન બાળકોથી પરેશાન પ્રિયંકા બાથરૂમમાં ગુપ્ત રીતે લંચ લેતી હતી. અમેરિકામાં 3 વર્ષ વિતાવ્યાં પછી
જ્યારે તેના વલણમાં બદલાવ આવ્યો ત્યારે પિતાએ તેને ઘરની બહાર નીકળવા અને જીન્સ
પહેરવા પર પણ પ્રતિબંધ લગાવી દીધો, પરંતુ પ્રતિભા અને
જુસ્સાએ તેને વધુ સમય સુધી સફળતા પર નિર્ભર રહેવા ન દીધી. માત્ર 18 વર્ષની ઉંમરે પ્રિયંકાએ
મિસ વર્લ્ડ બનીને એક દાખલો બેસાડ્યો હતો, પરંતુ ફિલ્મોમાં સ્થાન
બનાવવા માટે તેને ડિરેક્ટરની ખોટી ડિમાન્ડ અને અભદ્ર ટિપ્પણીઓનો સામનો કરવો પડ્યો
હતો. આજે એ જ પ્રિયંકા ચોપરાની ગણતરી બોલિવૂડની સૌથી અમીર અભિનેત્રીઓમાં થાય છે.
આજે પ્રિયંકા ચોપરાના
જન્મદિવસના ખાસ અવસર પર તેના જીવનનાં કેટલાંક પાસાંની રમૂજી વાતો વાંચો-
18 જુલાઈ, 1982ના રોજ ઝારખંડના જમશેદપુરમાં
જન્મેલી પ્રિયંકાના પિતા અશોક ચોપરા અને માતા મધુ ચોપરા બંને સેનામાં ડોક્ટર હતાં.
પ્રિયંકા ચોપરાના દાદા, ડૉ. મનોહર કિશન અખોરી, કોંગ્રેસના જાણીતા નેતા હતા, જ્યારે તેમના મામા મધુ જ્યોત્સ્ના અખોરી બિહાર વિધાનસભાના
સભ્ય હતા.
4 વર્ષની
ઉંમરે બંકરમાં એક વર્ષ વિતાવ્યું
પ્રિયંકા 4 વર્ષની હતી ત્યારે તેના પિતાનું પોસ્ટિંગ લેહમાં હતું. લેહમાં પ્રિયંકાનો
પરિવાર ખીણમાં બનેલા બંકરમાં રહેતો હતો. અન્ય સેનાના લોકો પણ ત્યાં રહેતા હતા.
આર્મીમાં ફરજ બજાવતી વખતે પ્રિયંકાનાં માતા-પિતાનું દેશનાં અલગ-અલગ શહેરોમાં
પોસ્ટિંગ થતું રહેતું હતું, તેથી પ્રિયંકાનું બાળપણ દિલ્હી, ચંદીગઢ, અંબાલા, લદ્દાખ, લખનઉ,
બરેલી અને પુણેમાં વીત્યું.
13 વર્ષની ઉંમરે વિદેશ ગઈ
અને શાળામાં રંગભેદનો શિકાર બની
માત્ર 13 વર્ષની ઉંમરે પ્રિયંકાને અભ્યાસ માટે યુ.એસ. મોકલવામાં આવી હતી. તે ત્યાં તેની
માસી સાથે રહેતી હતી. બાળપણમાં અમેરિકન બાળકો પ્રિયંકાને તેની ડાર્ક સ્કિનને કારણે
અભદ્ર ટિપ્પણીઓ કરીને ચીડવતાં હતાં. ઘણાં બાળકો ધમકાવતાં હતાં અને ભારત પાછા જવા
માટે દબાણ કરતાં હતાં.
પ્રિયંકા પોતે પોતાની
ખાસિયતો અને ત્વચાના રંગને લઈને એટલી લઘુતાગ્રંથિ અનુભવતી હતી કે તે જવાબ આપવામાં
શરમાતી હતી. અન્ય બાળકોથી ડરીને પ્રિયંકા તેનું બપોરનું ભોજન બાથરૂમમાં બેસીને
કરતી હતી,જેથી કોઈ તેની મજાક ન ઉડાવે.
9મા ધોરણમાં
બોયફ્રેન્ડને ઘરમાં છુપાવ્યો હતો, ચોરી પકડાઈ ગઈ અને દિલ
તૂટી ગયું હતું
પ્રિયંકાએ તેની ઓટોબાયોગ્રાફીમાં અનફિનિશ્ડમાં તેના પ્રથમ હાર્ટબ્રેક સાથે
સંબંધિત એક રમૂજી ટુચકો શેર કર્યો. તેણે લખ્યું કે તે અમેરિકામાં ધોરણ 9મા અભ્યાસ કરતી વખતે 10મા ધોરણના વિદ્યાર્થી
બોબના પ્રેમમાં પડી ગઈ હતી. એક દિવસ પ્રિયંકાની માસી કિરણ ઘરની બહાર ગઈ હતી.
તકનો લાભ ઉઠાવીને 13 વર્ષની પ્રિયંકાએ બોબને
ઘરે બોલાવ્યો. પ્રિયંકા-બૉબ કિસ કરવાનાં હતાં કે અચાનક કાકી પાછાં ફર્યાં.
પ્રિયંકા તરત જ બોબને કબાટમાં છુપાવે છે, પરંતુ તે પકડાઈ જાય છે.
ઘરમાં નિંદા થાય છે અને બોબ તેને છોડીને જાય છે. બોબે થોડા દિવસો પછી પ્રિયંકાની
મિત્રને ડેટ કરવાનું શરૂ કર્યું, જેનાથી તેનું દિલ તૂટી ગયું.
જ્યારે તે આધુનિક બનીને
ભારત પરત આવી ત્યારે પિતાએ તેના પર નિયંત્રણો લાદ્યાં હતાં
જ્યારે પ્રિયંકા ચોપરા 17 વર્ષની ઉંમરે અમેરિકાથી ભારત આવી ત્યારે તેની લાઇફસ્ટાઈલમાં
મોટો બદલાવ આવ્યો હતો. તે આધુનિક બની ગઈ હતી, પરંતુ તેના પિતા અશોક
ચોપરાને તેનું બદલાયેલું વલણ પસંદ નહોતું. આ દરમિયાન માત્ર 17 વર્ષની ઉંમરે, પ્રિયંકાએ સ્થાનિક
લેવલે 'ક્વીન બ્યૂટી પ્રેઝન્ટ' જીતી, જેના કારણે આખા શહેરમાં લોકો તેને ઓળખવા લાગ્યા.
'ધ હોવર્ડ સ્ટર્ન શો'માં પ્રિયંકાએ ખુલાસો
કર્યો હતો કે જ્યારે પણ તે ક્યાંક જતી હતી ત્યારે છોકરાઓ તેની પાછળ આવતા હતા. એક
દિવસ એક છોકરો તેની પાછળ આવ્યો અને તેની બાલ્કની સુધી પહોંચ્યો. પ્રિયંકા ગભરાઈને
તેના પિતા પાસે દોડી ગઈ. આ ઘટના બાદ પ્રિયંકાના પિતાએ તેને સખત ઠપકો આપ્યો અને
પ્રતિબંધો લગાવવા લાગ્યા.
રૂમની બારી બંધ કરાવી, તમામ જીન્સ જપ્ત
કરવામાં આવ્યાં હતાં
પ્રિયંકાના પિતાએ તેના બેડરૂમની બારી નેટથી પેક કરી દીધી અને તેના તમામ જીન્સ
અને વેસ્ટર્ન કપડાં જપ્ત કર્યાં. પ્રિયંકાને એકલી ઘરની બહાર જવાની પરવાનગી ન હતી, તે જ્યાં પણ જતી, ત્યાં ઘરના કોઈ વડીલ
અથવા તો કોઈ ડ્રાઈવર તેની સાથે રહેતો. તેને માત્ર સૂટ પહેરવાની છૂટ હતી. બાળપણમાં
પ્રિયંકા તેના પિતાની સખતાઈથી ખૂબ નિરાશ થઈ ગઈ હતી.
માતાએ ભર્યું મિસ
ઈન્ડિયાનું ફોર્મ, ઘરમાં હંગામો મચ્યો
ગ્લેમરસ વર્લ્ડ તરફ પ્રિયંકાના ઝુકાવને જોઈને એક દિવસ તેની માતા મધુએ 'ફેમિના મિસ ઇન્ડિયા' માટે તેનું ફોર્મ
ભર્યું. પિતાને આ વાતની જાણ થતાં જ ઘરમાં હોબાળો મચી ગયો હતો. પિતાએ માતાને ઠપકો
આપતાં કહ્યું, 'જ્યારે તે ભણવામાં સારી છે તો પછી તેને મિસ ઈન્ડિયામાં કેમ મોકલવી, તેના મગજમાં આ બધું
મૂકવું યોગ્ય નથી.'- થોડા સમય પછી જ્યારે મધુએ અશોકને સમજાવ્યું તો તે પણ રાજી થઈ ગયા, પણ હવે પ્રિયંકા નર્વસ
હતી.
પ્રિયંકાએ તેની માતાને
કહ્યું, તે આ બધું કરવા નથી માગતી અને ન તો તે એમાં સફળ થઈ શકશે. મધુએ તેને બેસાડી અને
કહ્યું કે 'તું નહીં જીતે તોપણ ભણતરનું નુકસાન નહીં થાય, તું ફરી અભ્યાસ કરી
શકીશ, પણ આ એક મોટી તક છે.'- માતાના કહેવાથી પ્રિયંકાએ મિસ ઇન્ડિયામાં ભાગ લીધો અને જીતી. ત્યાર બાદ
પ્રિયંકાએ મિસ વર્લ્ડમાં ભારતનું પ્રતિનિધિત્વ કર્યું.
મિસ વર્લ્ડ ફિનાલે
પહેલાં બળી ગયો ચહેરો, વાળથી ડાઘ છુપાવ્યો
મિસ વર્લ્ડના બેક સ્ટેજમાં લગભગ 90 છોકરીઓ ફિનાલે માટે
તૈયાર થઈ રહી હતી. પ્રિયંકા પણ ઉતાવળમાં તૈયાર થવા લાગી. તે તેના વાળ કર્લ કરતી
હતી જ્યારે તેને અચાનક ટોકવામાં આવતાં ગભરાટમાં તેનો ચહેરો બળી ગયો. તેના ચહેરા પર
એક મોટો ડાઘ પડી ગયો હતો, જેને તેણે કન્સિલર અને વાળથી ઢાંકી દીધો હતો.
ખોટો જવાબ આપીને મિસ ઈન્ડિયા બની હતી
ફિનાલેમાં પ્રિયંકા ચોપરાને પૂછવામાં આવ્યું કે, તે કંઈ જીવંત મહિલાને સૌથી સફળ
માને છે. જવાબમાં પ્રિયંકાએ મધર ટેરેસાનું નામ લીધું,
જેનું ત્રણ વર્ષ પહેલાં અવસાન થયું હતું, જ્યારે સવાલ એક જીવતી મહિલા
વિશે પૂછવામાં આવ્યો હતો. આમ છતાં પ્રિયંકાને તાજ મળ્યો.
સ્ટેજ પર ડ્રેસ ઊતરવા લાગ્યો,
આવી રીતે બચી ગયો
પ્રિયંકા ચોપરાએ મિસ વર્લ્ડના ફિનાલેમાં જે ડ્રેસ
પહેર્યો હતો એ ખૂબ જ ભારે હતો. એને શરીર પર રાખવા માટે પ્રિયંકા ચોપરાએ બોડી ટેપથી
ચોંટાડી દીધો હતો. જ્યારે મિસ વર્લ્ડ 2000ની વિજેતા તરીકે પ્રિયંકાના નામની જાહેરાત કરવામાં આવી ત્યારે તે પ્રિયંકાના
જીવનની સૌથી યાદગાર ક્ષણ હતી, પરંતુ એ ક્ષણ હતી જ્યારે પ્રિયંકા આંતરરાષ્ટ્રીય મંચ પર શરમજનક સ્થિતિમાંથી
બચી ગઈ હતી. તેનો ડ્રેસ ધીમે ધીમે નીચે આવવા લાગ્યો,
જે સરકી જવાનો હતો,
પરંતુ તેણે નમસ્તે એવી રીતે કહ્યું કે તેનો ડ્રેસ
તેના શરીરને ચોંટી રહ્યો હતો.
22 વર્ષ પછી જીત પર ઊઠ્યો
સવાલ, કહેવામાં આવ્યું મિસ વર્લ્ડ 2000 પહેલાંથી નક્કી
વર્ષ 2022માં પૂર્વ મિસ બાર્બાડોસ લીલાની મેકકેને પ્રિયંકા અને તેની જીત પર ગંભીર આરોપ
લગાવ્યા હતા. તેણે યુટ્યૂબ વીડિયોમાં કહ્યું હતું કે મિસ વર્લ્ડ 2000માં પ્રિયંકાની જીત
પહેલાંથી જ નક્કી હતી. તે વર્ષે મિસ વર્લ્ડનું સ્પોન્સર ભારતીય કેબલ સ્ટેશન ઝીટીવી
હતું. દરેક છોકરીના સૅશમાં દેશના નામની આગળ ઝી ટીવીનું નામ લખેલું હતું. એ સમયે
મિસ ઇન્ડિયા પ્રિયંકા ચોપરા અને અન્ય યુવતીઓ વચ્ચે ઘણો ભેદભાવ હતો. પ્રિયંકા તેના
હોટલના રૂમમાં ભોજન મેળવતી હતી જ્યારે અન્ય છોકરીઓ સાથે મળીને ભોજન મેળવતી હતી.
પૂર્વ મિસ બાર્બાડોસે
આગળ કહ્યું, 'પ્રિયંકા પેજન્ટ દરમિયાન ત્વચાનો રંગ સુધારવા માટે ફેસ ક્રીમ લગાવતી હતી, જે કામ કરતી નહોતી.
સ્વિમસૂટ રાઉન્ડમાં, તેના શરીર પર ફોલ્લીઓ હતી, જેને છુપાવવા માટે તેણે બિકિનીને બદલે સરોંગ પહેર્યું હતું.
જ્યારે કોઈપણ સ્પર્ધકને આની મંજૂરી આપવામાં આવી ન હતી. ફિનાલેમાં પણ સ્પોન્સર્સે
તેના ડ્રેસને ખાસ બનાવ્યો હતો'.
કરિયરની શરૂઆતમાં નાકની
સર્જરી બગડવાને કારણે ફિલ્મો હાથમાંથી નીકળી ગઈ
મિસ વર્લ્ડ જીત્યા બાદ પ્રિયંકાને સતત બોલિવૂડ ફિલ્મોની ઓફર મળવા લાગી.
પ્રિયંકાએ 3 ફિલ્મની ઓફર સ્વીકારી હતી. દરમિયાન તેણે તેના નાકનો આકાર સુધારવા માટે નાકની
સર્જરી કરાવી. સર્જરી દરમિયાન તેનું નાક ખરાબ રીતે વિકૃત થઈ ગયું. તેના બગડેલા
નાકને કારણે તેના હાથમાંથી બે ફિલ્મો નીકળી ગઈ.
તે 2002ની ફિલ્મ 'હમરાઝ'માં ડેબ્યૂ કરવાની હતી, પરંતુ તેની જગ્યાએ
અમિષા પટેલને સાઈન કરવામાં આવી હતી. બીજી ફિલ્મ પણ હાથમાંથી નીકળી ગઈ અને ત્રીજી
ફિલ્મ' ધ હીરોઃ લવસ્ટોરી ઑફ અ સ્પાય'માં તેને લીડ રોલમાંથી હટાવીને સાઈડ રોલ આપવામાં આવ્યો.
શરૂઆતમાં ફિલ્મો હાથમાંથી જતી જોઈને પ્રિયંકા ડિપ્રેશનમાં જતી રહી હતી. ફિલ્મ'ધ હીરો' પહેલાં, પ્રિયંકાએ 2002માં તમિળ ફિલ્મ 'થમિઝાન'થી અભિનયની શરૂઆત કરી
હતી, જે પછીના વર્ષે પ્રિયંકાની પ્રથમ બોલિવૂડ ફિલ્મ બની હતી.
પ્રિયંકા ચોપરાએ પોતાના
કરિયરમાં લગભગ 52 ફિલ્મ કરી છે. પ્રિયંકાએ તેની શરૂઆતની કારકિર્દીમાં ઘણી ફ્લોપ ફિલ્મો આપી, પરંતુ 2006માં તેણે વર્ષની બે
સૌથી મોટી ફિલ્મો 'ક્રિશ' અને 'ડોન'માં અભિનય કર્યો. પ્રિયંકાને 2008માં ફેશન માટેનો પહેલો
નેશનલ અવોર્ડ મળ્યો હતો. પ્રિયંકાની ડોન 2 (2011), અગ્નિપથ (2012) અને ક્રિશ 3 (2013) ત્રણ વર્ષમાં સૌથી વધુ
કમાણી કરનારી 2 ફિલ્મો હતી.
જ્યારે કમીને (2009), 7 ખૂન માફ (2011), બરફી (2012), મેરી કોમ (2014) અને બાજીરાવ મસ્તાની (2015) તેમની કારકિર્દીની
શ્રેષ્ઠ ફિલ્મો હોવાનું કહેવાય છે. 2015માં, પ્રિયંકા હોલિવૂડ
ડ્રામા શ્રેણી 'ક્વોન્ટિકો'માં અભિનયની ભૂમિકા સાથે આંતરરાષ્ટ્રીય સ્ટાર બની હતી. આ પછી પ્રિયંકા 'સિટાડેલ' જેવી ઘણી હોલિવૂડ
ફિલ્મોનો પણ ભાગ રહી હતી. પ્રિયંકા હોલિવૂડમાં સૌથી વધુ કામ કરતી બોલિવૂડ
અભિનેત્રી છે.
35 વર્ષની ઉંમરે કેવી
રીતે 25 વર્ષના નિક જોનસના પ્રેમમાં પડી
આર્મચેર એક્સપર્ટને આપેલા ઈન્ટરવ્યૂમાં પ્રિયંકાએ નિક જોનાસ સાથેની તેની પ્રથમ
વાતચીત અને તેની લવસ્ટોરી શેર કરી હતી. પ્રિયંકાએ જણાવ્યું હતું કે જ્યારે તેને
ટ્વિટર પર નિક જોનાસનો મેસેજ મળ્યો ત્યારે તે ટોક્સિક રિલેશનમાં હતી. પ્રિયંકાના
મિત્રો ઇચ્છતા હતા કે તે નિકને મળે.
તેમ છતાં પ્રિયંકાએ
તેના અગાઉના સંબંધોથી નાખુશ હોવા છતાં નિક સાથે વાત કરી અને બંને મિત્રો બની ગયા.
નંબર એક્સચેન્જ કર્યા પછી બંને 2017માં 'મેટ ગાલા'માં પ્રથમ વખત મળ્યાં હતાં અને થોડી મિટિંગ્સ પછી બંને 2018માં સંબંધમાં આવ્યાં
હતાં. બે મહિનાના ડેટિંગ પછી બંનેએ 1 ડિસેમ્બર 2018ના રોજ સગાઈ કરી અને
લગ્ન કર્યાં. જાન્યુઆરી 2022માં સરોગસી દ્વારા પુત્રીનો જન્મ થયો હતો, જેનું નામ માલતી
રાખવામાં આવ્યું હતું.
બોલિવૂડની રાજનીતિ પર
મોટો ખુલાસો કર્યો છે
થોડા સમય પહેલાં પ્રિયંકા ચોપરાએ 'ડેક્સ શેફર્ડ'ના પોડકાસ્ટમાં બોલિવૂડ
છોડીને હોલિવૂડમાં કારકિર્દી બનાવવાની વાત કરી હતી. 'તેણે કહ્યું હતું કે તે
બોલિવૂડમાં ચાલી રહેલી રાજનીતિથી કંટાળી ગઈ છે. દરેક જણ તેને સાઈડલાઈન કરી રહ્યા
હતા. મળેલી ઑફર્સ પણ ખૂબ જ સાધારણ હતી, તેથી તેણે હોલિવૂડ
જવાનું નક્કી કર્યું.'
પ્રિયંકા ચોપરા
પ્રત્યેક ફિલ્મ માટે રૂ. 22 કરોડ અને દરેક પ્રાયોજિત ઇન્સ્ટાગ્રામ પોસ્ટ માટે રૂ. 1.8 કરોડ ચાર્જ કરે છે.
પ્રિયંકાની લોસ એન્જલસમાં 150 કરોડની કિંમતની આલીશાન હવેલી છે. 2013માં પ્રિયંકાએ ગોવામાં
એક બીચ હાઉસ પણ ખરીદ્યું હતું, જેની કિંમત 20 કરોડ રૂપિયા છે.
પ્રિયંકા ચોપરાને ઘણાં
મોંઘાં વાહનોનો શોખ છે. તેના કાર કલેક્શનમાં રૂ. 5.25 કરોડની રોલ્સ રોયસ, રૂ. 58.70 લાખની BMW 5 સિરીઝ, રૂ. 1.5 કરોડની BMW 7 સિરીઝ, પોર્શે કેયેન, મર્સિડીઝ બેન્ઝ ઇ-ક્લાસ, મર્સિડીઝ બેન્ઝ
એસ-ક્લાસ અને ઓડી ક્યૂ7નો સમાવેશ થાય છે.