વિસ્ફોટની ઘટનામાં લપેટમાં પાર્ટીના કાર્યકરો આવી ગયા
Written By newsonline | Ahmedabad | Published: 2024-02-07 15:09:36
પાકિસ્તાનમાં ચૂંટણીના એક દિવસ પહેલાં જ બલૂચિસ્તાનમાં એક મોટી વિસ્ફોટની ઘટના બની. અહેવાલ અનુસાર એક રાજકીય પક્ષના કાર્યાલયને નિશાન બનાવતાં આ વિસ્ફોટ કરાયો હતો જેમાં 8 લોકોના મોતના અહેવાલ મળી રહ્યા છે.
પાર્ટીના કાર્યકરો લપેટમાં આવ્યાં
અધિકારીઓના જણાવ્યાનુસાર પાકિસ્તાનના બલૂચિસ્તાનમાં બુધવારે જ એક રાજકીય પક્ષના કાર્યાલયની બહાર આ વિસ્ફોટ કરાયો હતો જેની લપેટમાં પાર્ટીના કાર્યકરો આવી ગયા હતા. જેમાં 8 લોકો મૃત્યુ પામી ચૂક્યા છે. જોકે ઘણાં લોકો ઘાયલ હોવાની પણ માહિતી છે. આ મામલે ડેપ્યુટી કમિશનર જુમ્મા દાદ ખાને કહ્યું કે પિશિન જિલ્લાના નોકાંડી વિસ્તારમાં આવેલા કાર્યાલયે આ ઘટના બની હતી.
આવતીકાલે ચૂંટણી યોજાવાની છે
ઉલ્લેખનીય છે કે આવતીકાલે પાકિસ્તાનમાં સામાન્ય અને પ્રાદેશિક ચૂંટણી યોજાવા જઈ રહી છે. એવા સમયે આ વિસ્ફોટની ઘટના ડરામણી છે. બીજી બાજુ પીટીઆઈ પાર્ટીના પ્રમુખ ઈમરાન ખાન સામે એક પછી એક ચુકાદા અને મોટી કાર્યવાહીઓના પગલે આ ચૂંટણીમાં ગેરરીતિ થવાની ચિંતા વધી ગઇ છે.
Related News
