પાકિસ્તાન આર્મી સાથે થઈ ડીલ, આર્મી ચીફ સામે મોઢું બંધ રાખવું પડશે
ઈસ્લામાબાદ: પાકિસ્તાનના પૂર્વ વડાપ્રધાન ઈમરાન ખાન આવતા મહિને જેલમાંથી મુક્ત થઈ શકે છે. સૂત્રોના જણાવ્યા અનુસાર, ઈમરાનની પાર્ટી પાકિસ્તાન તહરીક-એ-ઈન્સાફ (PTI) અને સેના વચ્ચે આ સંબંધમાં ડીલ થઈ છે. ઈમરાન વતી, ખૈબર પખ્તુનખ્વાના સીએમ અલી અમીને શનિવારે પેશાવરમાં આર્મી કોર્પ્સ કમાન્ડર સાથે ઈફ્તાર મિજબાનીમાં ડીલ ફાઈનલ કરી હતી.અમીન અગાઉ ઈમરાનને અદિયાલા જેલમાં મળ્યા હતા. કહેવામાં આવી રહ્યું છે કે ડીલ હેઠળ ઈમરાનને પહેલા જેલમાંથી નજરકેદ રાખવામાં આવશે. ઇફ્તાર પાર્ટીમાં ભાગ લેનાર પીટીઆઇના એક વરિષ્ઠ નેતાએ ભાસ્કરને જણાવ્યું કે આર્મી ચીફ અસીમ મુનીર દ્વારા કોર્પ્સ કમાન્ડરની વાતચીત માટે નિમણૂક કરવામાં આવી હતી.
ડીલની સૌથી મહત્વની શરત
એ છે કે ઈમરાન એક સંસ્થા તરીકે સેના વિરુદ્ધ નિવેદનબાજી કરવાનું બંધ કરશે. ઈમરાનને
કેટલાક અધિકારીઓ વિરુદ્ધ નિવેદનો કરવાની છૂટ રહેશે, પરંતુ તે સીધા આર્મી
ચીફને નિશાન બનાવશે નહીં. ઈમરાન અને તેમની પત્ની બુશરા બેગમને તોશાખાના કેસમાં 14 વર્ષની જેલના કેસમાં
જામીન મળશે. ત્યારબાદ10 વર્ષની જેલની સજા થયેલા ગુપ્ત દસ્તાવેજોની ચોરીના કેસમાં
જામીન આપવામાં આવશે. સૂત્રોના જણાવ્યા અનુસાર ઈમરાન વિરુદ્ધ જમીન હડપ કરવાનો અલ
કાદિર કેસ ચાલુ રહેશે. જો ઈમરાન ખાન ડીલ તોડશે તો તેને અલ કાદિર કેસમાં ફરી જેલમાં
ધકેલવામાં આવશે.