સ્વાસ્થ્ય મંત્રાલયે જણાવ્યું કે, દર્દીઓના સાજા થવાની ટકાવારી 23 ટકા થઈ, 17 દિવસથી 28 જિલ્લામાં એક પણ કેસ નથી

નવી દિલ્હી: દેશમાં કોરોના સંક્રમિતોની સંખ્યા 31,361 થઈ ગઈ છે. અને અત્યાર સુધી દેશમાં 1,008 લોકોના મોત થયા છે.મંગળવારે ગુજરાતમાં 226, મધ્ય પ્રદેશમાં 222, દિલ્હીમાં 206, રાજસ્થાનમાં 102, તમિલનાડુમાં 121, આંધ્ર પ્રદેશમાં 82, પશ્ચિમ બંગાળમાં 48 સહિત 1100 લોકોના રિપોર્ટ પોઝિટિવ આવ્યા હતા.આ આંકડાઓ  covid19india.org  અને રાજ્ય સરકાર પાસેથી માહિતી પ્રમાણે છે. કોરોના વાઈરસના કારણે હરિયાણાના ફરીદાબાદની તમામ બોર્ડર સીલ કરી દેવાઈ છે. હરિયાણા સરકારને લાગી રહ્યું છે કે દિલ્હીથી આવતા જતા લોકોથી તેમને જોખમ થઈ શકે છે.જેથી દિલ્હીની પાસે આવેલા ફરીદાબાદથી તમામ બોર્ડર સીલ કરાઈ છે. 

મહત્વના અપડેટ્સ

·         દિલ્હીની આઝાદપુર મંડીમાં 11 વેપારી કોરોના પોઝિટિવ, ઘણી દુકાનો સીલ કરાઈ 

·         હરિદ્વારના એક ગામમાં કોવિડનો સર્વે કરવા પહોંચેલી મેડિકલ ટીમ સાથે મારઝૂડ કરાઈ 

·         ફરીદાબાદમાં આજે બપોરે 12 વાગ્યા પછી દિલ્હીમાં કામ કરનારા ડોક્ટર્સ, બેન્ક કર્મચારી અને પોલીસ વાળા પણ એન્ટ્રી નહીં કરી શકે.

·         ઝારખંડની સૌથી મોટી કોવિડ હોસ્પિટલના ડિરેક્ટરે રાજીનામું આપી દીધું છે

·         કેદારનાથ મંદિરના કપાટ ખોલવામાં આવ્યા, લોકડાઉનના કારણે ભક્તોને જવાની મંજૂરી નહીં અપાય

·         2 દિવસમાં 8 પોલીસકર્મી પોઝિટિવ મળી આવ્યા, તેમના નજીકના લોકોને ક્વૉરન્ટીન કરાયાઃપૂણે પોલીસ

પાંચ દિવસમાં જ્યારે સંક્રમણના સૌથી વધારે કેસ આવ્યા  

26 રાજ્ય અને 6 કેન્દ્ર શાસિત પ્રદેશમાં સંક્રમણ ફેલાયું 

કોરોના વાઈરસનું સંક્રમણ દેશના 26 રાજ્યોમાં ફેલાયું છે. 6 કેન્દ્રશાસિત પ્રદેશ પણ આના સંકજામાં આવી ગયા છે. જેમાં દિલ્હી, ચંદીગઢ, આંદામાન-નિકોબાર, જમ્મુ-કાશ્મીર, લદ્દાખ અને પુડ્ડુચેરી સામેલ છે.