નોરાએ વધુમાં કહ્યું, 'હવે હું નિયમો બનાવું છું અને મારી શરતો પર કામ કરું છું.

સફળ થવા માટે લોકો વિવિધ પ્રકારની સલાહઆપતા હોય છે. જો કે, તેમણે હંમેશા આવી કોઈપણ સલાહની અવગણના કરી હતી. આ દરમિયાન એક્ટ્રેસે જણાવ્યું કે લોકો તેમને મજબૂત PR બનાવવા માટે મોટા કલાકારોને ડેટ કરવા કહેતા હતા, જોકે તેમણે ક્યારેય સફળ થવા માટે આ રસ્તો અપનાવ્યો નથી.

શરૂઆતમાં લોકો મોટા કલાકારોને ડેટ કરવાની સલાહ આપતા હતા : નોરા
ઝૂમ એન્ટરટેઈનમેન્ટ સાથે વાત કરતા નોરાએ કહ્યું, 'મને હંમેશા કહેવામાં આવતું હતું કે સફળ થવા માટે તમારે સુપરસ્ટારને ડેટ કરવું જોઈએ. પરંતુ મેં આવી વાતો ક્યારેય સાંભળી નથી અને હું આવું કરવા માટે મારી જાતને ભાગ્યશાળી માનું છું.

મારી સફળતા પાછળ કોઈ સ્ટાર નથી : નોરા
નોરાએ વધુમાં કહ્યું, 'હવે હું નિયમો બનાવું છું અને મારી શરતો પર કામ કરું છું. મારી સફળતા અન્ય કોઈ મોટા માણસ કે કોઈ સુપરસ્ટારના કારણે નથી. હું આજે કોઈના પર નિર્ભર નથી. આજે હું જે કંઈ પણ છું, હું મારા દમ પર છું. મને હંમેશા આનો ગર્વ છે.

નોરાએ વધુમાં કહ્યું, 'એવી ઘણી વાતો હતી જે લોકો કહેતા હતા, પરંતુ મેં ક્યારેય સાંભળ્યું નથી. આ જ કારણ છે કે હું આજે આ તબક્કે છું. લોકોએ મને ન ગાવાની સલાહ આપી. બીજો રિયાલિટી શો ના કરવાની વાત પણ કરી હતી.'

નોરાએ આંતરરાષ્ટ્રીય સ્તરે પરફોર્મ કર્યું છે
'દિલબર-દિલબર' ગીતની સફળતાને યાદ કરતાં નોરાએ કહ્યું, 'જ્યારે દિલબર ટ્રેક સફળ થયું ત્યારે મને લાગ્યું કે હવે આ પ્રકારના ડાન્સ નંબરને ઇન્ટરનેશનલ લેવલ પર પણ પરફોર્મ કરવું જોઈએ. જો કે, પછી એક વ્યક્તિએ મને હમણાં એક જ વસ્તુ પર ધ્યાન કેન્દ્રિત કરવાની સલાહ આપી હતી. મને તે વ્યક્તિની આ સલાહ પસંદ ન આવી. તેથી જ મેં પાછળથી આંતરરાષ્ટ્રીય સ્તરે કામ કરવાનું શરૂ કર્યું. હવે હું બંને પ્લેટફોર્મ પર કામ કરી રહી છું. અને આ નિર્ણય ખરેખર મારા માટે ઘણો સારો સાબિત થયો છે.

અત્રે ઉલ્લેખનીય છે કે, નોરા FIFA વર્લ્ડ કપ 2022 ના સમાપન સમારોહમાં પ્રખ્યાત કલાકારો રહમા રિયાદ, બાલ્કીસ અને મનલ સાથે સામેલ થઈ હતી. નોરાની આ સફળતાની દેશભરમાં પ્રશંસા કરવામાં આવી હતી.

વર્કફ્રન્ટ વિશે વાત કરવામાં આવે તો નોરા ટૂંક સમયમાં એમેઝોન મિનિટીવી પર તેમના ડાન્સ રિયાલિટી શો 'હિપ હોપ ઈન્ડિયા'માં રેમો ડિસોઝા સાથે જોવા મળશે. નોરા કરુણા કુમાર દ્વારા દિગ્દર્શિત ફિલ્મ 'મટકા'માં વરુણ તેજ સાથે તેલુગુ ફિલ્મ ઉદ્યોગમાં તેની શરૂઆત કરવા માટે તૈયાર છે.